ನಾನು ಒಬ್ಬಂಟಿನ ಟೈಂಪಾಸ್ ಆಗುತ್ತಲೇ ಇಲ್ಲ ಏನೋ ಕಳೆದುಕೊಂಡ ಭಾವ ಈ ಪ್ರಪಂಚದಲ್ಲಿ ಏನಾಗುತ್ತಿದೆ ಎಂದು ತಿಳಿಯದಾಗುತ್ತಿಲ್ಲ…. ಈ ಯೋಚನೆಗಳು ನಿಮ್ಮ ಅನುಭವಕ್ಕೆ ಬಂದರೆ ಅದರ ಅರ್ಥ ನೀವು ಮೊಬೈಲ್ ಗೆ ಅಡಿಕ್ಷನ್ ಆಗಿದ್ದೀರಾ ಅಂತ ತಿಳಿದುಕೊಳ್ಳಬಹುದು
ಈಗಿನ ಕಾಲಮಾನದಲ್ಲಿ ಮೊಬೈಲ್ ಪ್ರತಿಯೊಬ್ಬರ ಜೀವನದಲ್ಲೂ ಪ್ರಮುಖ ಪಾತ್ರ ವಹಿಸುತ್ತದೆ ಈ ಮಾನವ ನಿರ್ಮಿತ ಎಲೆಕ್ಟ್ರಾನಿಕ್ ಸಾಧನದಲ್ಲಿ ಹಿಡಿತ ಸಾಧಿಸಬೇಕಾಗಿರುವ ನಾವೇ ಅದರ ದಾಸರಾಗುತ್ತಿರುವುದು ದುರಂತದ ಸಂಗತಿ ಆಗಿದೆ. ದಿನದ ಬಹುತೇಕ ಸಮಯವನ್ನು ಪತಿ ಪತ್ನಿ ಮಕ್ಕಳೊಂದಿಗೆ ಕಳೆಯಬೇಕಾಗಿರುವ ಮನುಜ ಈ ಮೊಬೈಲ್ನಲ್ಲಿ ಕಳೆಯುತ್ತಿದ್ದರು ಮನಸ್ಸಿಗೆ ಬೇಕಾದ ಖುಷಿಯನ್ನು ಪಡೆಯಲು ವಿಫಲನಾಗುತ್ತಿದ್ದಾನೆ.
ಸ್ಮಾರ್ಟ್ ಫೋನನ್ನು ಹೆಚ್ಚಾಗಿ ಬಳಸುವುದರಿಂದ ಮೆದುಳಿನ ಮೇಲೆ ನೇರ ಪರಿಣಾಮ ಬೀರುತ್ತದೆ ಎಂಬುದನ್ನು ಅನೇಕ ವೈಜ್ಞಾನಿಕ ಅಧ್ಯಯನಗಳು ಈಗಾಗಲೇ ಸಾಬೀತುಪಡಿಸಿವೆ ಇದು ಏಕಾಗ್ರತೆ ಆಳವಾಗಿ ಯೋಚಿಸುವುದು ರಚನಾತ್ಮಕ ಚಿಂತನೆಗಳನ್ನು ದೂರ ಮಾಡುತ್ತಿದೆ ಅಲ್ಲದೆ ಅಗತ್ಯವಿರುವಷ್ಟು ನಿದ್ರೆ ಮಾಡಲು ಆಗದೆ ಮನುಷ್ಯ ನಿದ್ರಾಹೀನತೆ ಎಂಬ ರೋಗದಿಂದ ಬಳಲುತ್ತಾನೆ.
ಮೊಬೈಲ್ ಬಳಕೆ ಮನುಷ್ಯನ ಮೇಲೆ ಬೀರುವ ಪ್ರಭಾವದ ಬಗ್ಗೆ ಲಂಡನ್ ಯುನಿವರ್ಸಿಟಿಯಲ್ಲಿ ಸಂಶೋಧನೆಗಳು ನಡೆದಿದೆ ಮೊಬೈಲ್ ತರಂಗಗಳು ಮಕ್ಕಳ ಮಾನಸಿಕ ಬೆಳವಣಿಗೆ ಮೇಲೆ ನೇರ ಪರಿಣಾಮ ಬೀರುತ್ತವೆ ಹಾಗೂ ವಿಶ್ವದ ಸುಮಾರು 66 ಪರ್ಸೆಂಟ್ ಮೊಬೈಲ್ ಅಡಿಕ್ಷನ್ ಒಳಗಾಗಿದ್ದಾರೆ ಎಂದು ಸಾಬೀತುಪಡಿಸಿದೆ. ಪೋಷಕರು ಹಾಗೂ ಮಕ್ಕಳ ನಡುವಿನ ಸಂವಹನ ಕಡಿಮೆಯಾಗುವುದರಿಂದ ಮಕ್ಕಳು ಅಂತರ್ಮುಖಿಗಳಾಗುತ್ತಿದ್ದಾರೆ.
ಮೊಬೈಲ್ ಅಡಿಕ್ಷನ್ ಇಂದ ಹೊರಬರಲು ಮಾಡಲೇಬೇಕಾದ ಕಾರ್ಯಗಳು
ಮೊಬೈಲ್ ಬಳಸಲು ನಿಯಮಿತ ಸಮಯ ಮೀಸಲಿಡುವುದು. ದಿನದಲ್ಲಿ ತುಸು ಸಮಯ ಮೊಬೈಲ್ ಸ್ವಿಚ್ ಆಫ್ ಮಾಡುವುದು. ರಾತ್ರಿ ಮಲಗುವಾಗ ಎಲ್ಲಾ ಎಲೆಕ್ಟ್ರಾನಿಕ್ ಸಾಧನೆಗಳನ್ನು ಹಾಸಿಗೆಯಿಂದ ದೂರ ಇರಿಸುವುದು. ಅತಿಯಾದ ಸಮಯ ಕಳೆಯುವ ಮೊಬೈಲ್ ಗೇಮ್ಸ್ ಸೋಶಿಯಲ್ ಮೀಡಿಯಾ ವನ್ನು ಮೊಬೈಲಿನಲ್ಲಿ ಇನ್ಸ್ಟಾಲ್ ಮಾಡದೆ ಇರುವುದು.