ಹೊಸ ಡಾಕ್ಟರ್ಗಿಂತ ಹಳೆ ಕಂಪೋಂಡರ್ ಉತ್ತಮ ಎನ್ನುವದು ನಾನ್ಣೂಡಿ. ಇದರ ಮೂಲಾರ್ಥ ಇಷ್ಟೇ ಇವತ್ತಿನ ಯುವ ಜನತೆಗಿಂತ ಹಿರಿಯರು ಒಂದು ಕೈ ಮೇಲಿದ್ದರು ಎಂಬುದು ಸತ್ಯ. ಅದು ಅವರು ಬಳಿಸುತ್ತಿದ್ದ ವಸ್ತುಗಳು ಇನ್ನು ಗಟ್ಟಿಮುಟ್ಟಾಗಿರುವದೇ ಅದನ್ನ ಸಾಬಿತು ಪಡಿಸುತ್ತಿದೆ.
ಈಗ ನಾವು ಬಳಿಸುವ ಅನೇಕ ವಸ್ತುಗಳು ಹಿರಿಯರು ಬಳಿಸುವ ವಸ್ತುಗಳಿಗಿಂತ ವಿಭಿನ್ನವಾದ ಗಾತ್ರ, ಆಕಾರ ಮತ್ತು ಕಾರ್ಯದಲ್ಲಿ ವ್ಯತ್ಯಾಸವನ್ನು ಕಾಣಬಹುದಾಗಿದ್ದು, ಈಗಿನ ವಸ್ತುಗಳು ಒಂದೇ ಮೂಲದಿಂದ ಅನೇಕ ಕಾರ್ಯದಲ್ಲಿ ಸಹಾಯ ಮಾಡುವಂತೆ ರೂಪಿಸಲಾಗುತ್ತಿದೆ. ಅದರೆ ಸ್ವಲ್ಪ ವರ್ಷಗಳ ಹಿಂದೆ ವ್ಯಕ್ತಿ ವಸ್ತುವನ್ನ ಕೊಂಡರೆ ಅದು ಕೇವಲ ಒಂದು ಕಾರ್ಯದಲ್ಲಿ ಮಾತ್ರ ಸಹಾಯವಾಗುತ್ತಿತ್ತು ಮತ್ತುಅದರ ಬಳಕೆ ಸಹ ಅದೇ ರೀತಿಯಲ್ಲಿ ಬರುತ್ತಿತ್ತು.ಆದರೆ ಈಗ ಒಂದೇ ವಸ್ತುವಿನಿಂದ ಅನೇಕ ಉಪಯುಕ್ತಕಾರ್ಯವನ್ನುಮಾಡುವಂತಹ ಉಪಕರಣವನ್ನು ತಯಾರಿಸಲಾಗುತ್ತಿದೆ. ಉದಾಹರಣೆಗೆ:- ಪೆನ್ನಿನಲ್ಲಿ ಕ್ಯಾಮರಾ, ನೆಟ್ ಸಂಪರ್ಕ ನೀಡುವ ಡೋಂಗಲ್ ಮತ್ತು ಅದರಲ್ಲೇ ಪೆನ್ಡ್ರೈವ್ ಮುಂತಾದವುಗಳನ್ನ ಕಾಣಬಹುದಾಗಿದೆ. ಇದರಿಂದ ಅಜ್ಜಿ ತಾತನ ಕಾಲದ ವಸ್ತುಗಳು ಕಣ್ಮರೆಯಾಗುತ್ತಿವೆ. ನೀರು ಕಾಯಿಸಲು ಬಳಿಸಲು ಉಪಯೊಗಿಸುವ ಹಂಡೆ ಪರಾತ, ಗಂಗಾಳ, ಕಾಳು ಸ್ವಚ್ಛ ಮಾಡುವ ಮರ, ಎಲೆ ಅಡಕೆ ಇಡಲು ಉಪಯೋಗಿಸುತ್ತಿದ್ದ ಕಾರಿನಂತಹ ಉಪಕರಣಗಳು ಇನ್ನು ಅನೇಕ ವಸ್ತುಗಳು ಹಿರಿಯರೊಂದಿಗೆ ಕಣ್ಮರೆಯಾಗುತ್ತಿರುವದನ್ನು ಕಾಣುತ್ತಿದ್ದೇವೆ. ಇಂತಹ ಬಹುಉಪಯೋಗಿ ವಸ್ತುಗಳು ಕಣ್ಮರೆಯಾಗುವದಕ್ಕೆ ಮತ್ತು ಹೊಸ ವಸ್ತುಗಳು ಅಂತರಾಷ್ಟ್ರೀಯ ಮಟ್ಟದಲ್ಲಿ ಕೋಟ್ಯಾಂತರ ಮೌಲ್ಯಕ್ಕೆ ಮಾರಾಟವಾಗುವದಕ್ಕೂ ಕಾಕತಾಳೀಯವೆಂಬಂತೆ ಆಧುನಿಕ ಯುಗದಲ್ಲಿ ವ್ಯಾಪಾರದ ಅಸ್ತ್ರವಾಗಿ ಜಾಹಿರಾತುಗಳನ್ನು ಬಳಸಿಕೋಳ್ಳಲಾಗುತ್ತಿದೆ. ಇದರಿಂದ ವ್ಯಾಪಾರ ವಹಿವಾಟು ಹೆಚ್ಚಿಗೆಯಾಗುತ್ತಿದೆ.ಅಲ್ಲದೆ ಇಂದು ಜಾಗತಿಕ ಮಟ್ಟದಲ್ಲಿ ದೇಶ ದೇಶಗಳ ನಡುವೆ ವ್ಯಾಪಾರ ವ್ಯವಹಾರ ನಡಿಯುತ್ತಿರುವದು ಎಲ್ಲರಿಗೂ ತಿಳಿದಿರುವ ವಿಷಯ ಆದರೆ ಭಾರತವು ಅಂತರಾಷ್ಟ್ರೀಯ ವಲಯದಲ್ಲಿ ತನ್ನ ಮುಕ್ತ ಮಾರುಕಟ್ಟೆಯನ್ನು ತೆರೆದಿದ್ದು 1991ರಲ್ಲಿ ಅದಕ್ಕೂ ಮುಂಚೆ ಭಾರತದ ಆರ್ಥಿಕ ಪರಿಸ್ಥಿತಿ ಅಷ್ಟೋಂದು ಸರಿಯಿರಲಿಲ್ಲ ಎಂಬುದು ಜಗತ್ತಿಗೆ ತಿಳಿದಿರುವ ಸತ್ಯ. ಆದರೆ ಆಗಲೇ ಜಗತ್ತು ಮುಕ್ತ ವ್ಯಾಪಾರದ ಲಾಭವನ್ನು ಅನುಭವಿಸಲು ಪ್ರಾರಂಭಿಸಿದ್ದವು. ಇದರಿಂದಾಗಿ ನಮ್ಮ ದೇಶದಲ್ಲಿ ತಯಾರಾದ ವಸ್ತುವು ನೊಂದಣಿಯಾಗಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವಷ್ಟರಲ್ಲಿ ಅದರ ನಕಲು ಪ್ರತಿ ಮಾರುಕಟ್ಟೆಯಲ್ಲಿ ಬಂದು ಬಿಟ್ಟಿರುತ್ತದೆ. ಅದು ನಮ್ಮ ದೇಶದ ವಿಜ್ಞಾನಿಗಳು ವ್ಯಯಿಸಿದ ಹಣಕ್ಕಿಂತ ಕಡಿಮೆ ಹಣಕ್ಕೆ ಅದೇ ವಸ್ತುವನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಾರೆ ಇದರಿಂದ ದೇಶದಲ್ಲಿ ತಯಾರಾದ ವಸ್ತುಗಿಂತ ವಿದೇಶಿ ವಸ್ತುಗಳತ್ತ ಗ್ರಾಹಕ ವಾಲುತ್ತಿರುವುದು ಸರ್ವೆ ಸಾಮಾನ್ಯ ಅದು ಗ್ರಾಹಕ ನಿಯಾಮವು ಸಹ. ಕಡಿಮೆ ದರದಲ್ಲಿ ಸಿಗುವ ವಸ್ತುವನ್ನು ಜನ ಖರೀದಿಸುತ್ತಾರೆ ಅದನ್ನು ಬದಲಾಯಿಸಲು ಸಾಧ್ಯವಿಲ್ಲ . ಅದರಲ್ಲೂ ಭಾರತದಂತಹ ಅಪಾರ ಜನಸಂಖ್ಯೆ ಹೊಂದಿರುವ ದೇಶಗಳು ಇತರೆ ಕೈಗಾರಿಕಾ ಕ್ಷೇತ್ರದಲ್ಲಿ ಪ್ರಗತಿಯನ್ನು ಸಾಧಿಸಿದಂತಹ ದೇಶಗಳಿಗೆ ಉತ್ತಮ ಮತ್ತು ಬ್ರಹತ್ ಮಾರುಕಟ್ಟೆಯನ್ನು ಒದಗಿಸಿಕೊಡುವಂತಹ ದೇಶಗಳಾಗಿವೆ ಇದರಿಂದ ಉತ್ಪಾದನಾ ದೇಶಗಳಿಗೆ ಇದು ವ್ಯಾಪಾರವಾಗಿರಬಹುದು ಆದರೆ ಅದನ್ನು ಒಪ್ಪಿಕೋಳ್ಳುವ ಅಥವಾ ಅದನ್ನು ತನ್ನ ಆರ್ಥನೀತಿಯಲ್ಲಿ ಇದನ್ನು ಅರ್ಥಶಾಸ್ತ್ರದ ಪರಿಭಾಷೆಯಲ್ಲಿ “ಡಂಪಿಂಗ್ ಎಂದು ಕರೆಯಲಾಗುತ್ತಿದ್ದು ಇದರಿಂದ ಅನೇಕ ಸಣ್ಣ ಸಣ್ಣ ರಾಷ್ಟ್ರಗಳು ಆರ್ಥಿಕ ದಿವಾಳಿತನವನ್ನು ಅನುಭವಿಸಿ ಸಾಲಮಾಡಿ ಕೊಂಡಿರುವದನ್ನು ಕಾಣುತ್ತಿದ್ದೆವೆ. ಭಾರತೀಯರಲ್ಲಿ ಸಾಮಾಜಿಕ/ಆರ್ಥಿಕ ಬದಲಾವಣೆಯು ಇತ್ತೀಚಿನ ದಿನಗಳಲ್ಲಿ ನಡೆಯುತ್ತಿದ್ದು ಅದರ ಪ್ರಗತಿ ಪತ್ರಿಕೆಯಂತೆ ಎಲ್ಲರ ಕೈಯಲ್ಲಿ ವಿದೇಶದ ಮೋಬೈಲ್ ಇರುವದನ್ನು ಕಾಣುತ್ತಿದ್ದೆವೆ. ಅದರಂತೆ ಐ ಫೋನಗಳು ಬರಿ ಲಕ್ಷ್ಮೀ ಪುತ್ರರ ಸೊತ್ತಾಗಿದೆ ಆದ್ದರಿಂದ ಕಡಿಮೆ ಮತ್ತು ಹೆಚ್ಚು ಬಾಳಿಕೆ ಬರುವಂತಹ ಉಪಕರಣಗಳು ಭಾರತೀಯರಿಗೆ ಹೆಚ್ಚು ಪ್ರೀಯ ಎನಿಸುವುದು ಸಾಮಾನ್ಯ. ಇದರಿಂದ ಕಡಿಮೆ ಬೆಲೆಯ ವಿದೇಶಿ ವಸ್ತುಗಳು ಹೆಚ್ಚಾಗುತ್ತಿವೆ.ಆದರೆ ಅದನ್ನು ಸಹ ಅತ್ಯಂತ ಕಡಿಮೆ ಬೆಲೆಗೆ ಮಾರುವಂತಿಲ್ಲ ಅದಕ್ಕೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಎಲ್ಲ ದೇಶದ ಅನುವು ಪಡೆದುಕೊಂಡು “ಟ್ಯಾರಿಫ್” ಎಂಬ ತೆರಿಗೆಯನ್ನು ವಿಧಿಸಲು ಪ್ರಾರಂಭಿಸಿದವು ಇದರಿಂದಾಗಿ ವಿದೇಶಿ ವಸ್ತುಗಳನ್ನು ಬೇಕಾಬಿಟ್ಟಿಯಾಗಿ ಮನಬಂದ ದರದಲ್ಲಿ ಮಾರುಕಟ್ಟೆಗೆ ತರುವಂತಿಲ್ಲ ಇದರಿಂದ ಸ್ವಲ್ಪ ಮಟ್ಟದಲ್ಲಿ ದೇಶಕ್ಕೆ ಆದಾಯವನ್ನು ತರುವಲ್ಲಿ ಸಹಾಯ ಮಾಡುತ್ತಿರುವುದು ಸಹ ಕಂಡುಬರುತ್ತಿದೆ. ಒಂದು ವೇಳೆ ನಿಗದಿತ ದರ ಅಥವಾ ಅತ್ಯಂತ ಕಡಿಮೆ ದರಕ್ಕೆ ಯಾವುದೇ ವಸ್ತುವನ್ನು ಮಾಲೀಕ ಮಾರಾಟ ಮಾಡುತ್ತಿದ್ದರೆ ಅದು ಕಳ್ಳಸಂತೆಯಲ್ಲಿ ಖರೀದಿಸಿದ್ದು ಎಂಬ ಸಂಶಯ ಬರುವುದಂತು ಖಂಡಿತ. ಆದ್ದರಿಂದ ಜನರು ಸಿಕ್ಕ ಸಿಕ್ಕ ವಸ್ತುಗಳನ್ನು ಖರೀದಿಸುವ ಬದಲಾಗಿ ಯೋಗ್ಯವಾದ ವಸ್ತುವನ್ನು ಬಳಿಸುವುದು ಉತ್ತಮ. ಅದರಲ್ಲಿ ಟಿ.ವಿಯನ್ನು ನೋಡಿ ವಸ್ತುವನ್ನು ಖರೀದಿಸುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೆ ಇದೆ. ಅಲ್ಲಿ ನೋಡಿದ ವಸ್ತುಗಳು ಅತ್ಯಂತ ಸುಲಭವಾಗಿ ಉಪಯೋಗಿಸುವಂತೆ ಕಂಡು ಕೆಲಸ ಕಡಿಮೆಯಾಗುತ್ತದೆ
ಎಂಬ ಕಲ್ಪನೆಯಿಂದ ವಸ್ತುವನ್ನು ಖರೀದಿಸಿದರೆ ಬಂದ ವಸ್ತು ಬೇರೆಯೇ ಆಗಿರುತ್ತದೆ.ಮತ್ತು ಅದನ್ನು ಟಿ.ವಿಯಲ್ಲಿ ಕಂಡಷ್ಟು ಸುಲಭವಾಗಿ ಬಳಿಸಲು ಸಾಧ್ಯವಿಲ್ಲ. ಆದ್ದರಿಂದ ಜಾಹಿರಾತಿಗೆ ಮರುಳಾಗಿ ಕೊಂಡ ವ್ಯಕ್ತಿಗೆ ಅದನ್ನು ಹಿಂತಿರುಗಿಸುವ ವ್ಯವಸ್ಥೆಯು ತಿಳಿದಿರದ ಕಾರಣ ಅದು ಮನೆಯ ಷೋ ಕೇಸಿನಲ್ಲೇ ಸ್ಥಾಪನೆ ಮಡುವ ಪರಿಸ್ಥಿತಿ ಉಂಟಾಗುತ್ತದೆ. ಅದರಲ್ಲೂ ಈ ಚೀನಾ ವಸ್ತುವಿನ ಗುಣ ಮಟ್ಟದ ಬಗ್ಗೆ ಅನೇಕ ಜೋಕುಗಳು ಸಹ ಹರಿದಾಡುತ್ತಿವೆ. ಇದರಿಂದಾಗಿ ಅನೇಕ ವಿಜ್ಞಾನಿಗಳು, ಇಂಜಿನಿಯರಗಳು, ಸಂಶೋಧಕರು ತಾವು ತಯಾರಿಸಿದ ವಸ್ತುಗಳ ಪೇಟೆಂಟಗಳನ್ನು ತಮ್ಮಲ್ಲೇ ಗೌಪ್ಯವಾಗಿ ಇಟ್ಟುಕೊಂಡು ಅವುಗಳನ್ನ ನೋಂದಣಿ ಮಾಡುವತ್ತ ಮುಖ ಮಾಡಿದ್ದಾರೆ. ಒಂದು ವೇಳೆ ಅ ದನ್ನ ಮಾರುಕಟ್ಟೆಗೆ ಬಿಟ್ಟರೆ ಮುಂದಿನ ೨/೩ ದಿನಗಳಲ್ಲೇ ಅದನ್ನೇ ಹೋಲುವ ಮತ್ತೊಂದು ವಸ್ತು ಚೀನಿಯರು ಕಡಿಮೆ ಬೆಲೆಗೆ ಮಾರುಕಟ್ಟೆಗೆ ತರುತ್ತಾರೆ.ಇದರಿಂದಾಗಿ ದೇಶಿಯ ಉತ್ಪನ್ನಗಳಿಗೆ ಮಾರುಕಟ್ಟೆಯೇ ದೊರೆಯದಂತಾಗಿ ದೇಶದ ಉದಯೋನ್ಮುಖ ವಿಜ್ಞಾನಿಗಳಿಗೆ ತಮ್ಮ ಪ್ರಯೋಗ ಅಥವಾ ತಾವು ಕಂಡು ಹಿಡಿದ ವಸ್ತುಗಳು ತಮ್ಮ ದೇಶದಲ್ಲೇ ಉಪಯೋಗಕ್ಕೆ ಬಾರದ ಕಾರಣ ವಿದೇಶಿ ಕಂಪನಿಗಳು ಇಂತಹ ಹೊಸ ಯೋಜನೆಗಳಿಗೆ ಸೊಪ್ಪು ಹಾಕುವದರಿಂದ ಮತ್ತು ಅಧಿಕ ಹಣ ನೀಡುವ ಕಾರಣಕ್ಕಾಗಿ ತಮ್ಮ ಸ್ವಂತಿಕೆಯನ್ನು ಬಿಟ್ಟು ವಿದೇಶಿ ಕಂಪನಿಯ ದಾಸರಾಗಿ ಅಲ್ಲಿ ಕರ್ತವ್ಯವನ್ನು ನಿರ್ವಹಿಸುತ್ತಿದ್ದಾರೆ. ಅದರ ಬದಲಾಗಿ ಸ್ವದೇಶದಲ್ಲಿಯೇ ತಮ್ಮ ಉತ್ಪನ್ನಗಳನ್ನು ಪ್ರಚಾರ ಪಡಿಸಿ ಇಲ್ಲಿಯ ಜನರಿಗೆ ಉಪಯೋಗವಾಗುವಂತೆ ಕರ್ಯವನ್ನು ಮಾಡುವ ಅವಶ್ಯಕತೆ ಇದೆ. ಇದೆಲ್ಲದರ ಹೋರತಾಗಿ ನಾವು ಪುನಃ ಸ್ವದೇಶಿ ಆಂದೋಲನದಲ್ಲಿ ಭಾಗವಹಿಸುವ ಅವಶ್ಯಕತೆಯಿದೆ.
ಆದ್ದರಿಂದ ಹೊಸ ಡಾಕ್ಟರ್ಗಿಂತ ಹಳೆ ಕಂಪೋಂಡರ್ ವಾಸಿ ಅಂದರೆ ಹೊಸ ವಸ್ತುಗಿಂತ ಹಳೇ ವಸ್ತುವೇ ಉತ್ತಮ ಅಲ್ಲವೇ!!!