ಮುಂಬೈ: ಇಲ್ಲಿನ ಬಾಂದ್ರಾ ಪಶ್ಚಿಮದ ಗಜ್ದಾರ್ ರಸ್ತೆಯಲ್ಲಿರುವ ಅಪಾರ್ಟ್ಮೆಂಟ್ ನಲ್ಲಿ ಶನಿವಾರ ಗ್ಯಾಸ್ ಸಿಲಿಂಡರ್ ಸ್ಫೋಟಗೊಂಡ ಪರಿಣಾಮ ಕನಿಷ್ಠ ಎಂಟು ಜನರು ಗಾಯಗೊಂಡಿದ್ದಾರೆ ಎಂದು ಬಿಎಂಸಿ ವಿಪತ್ತು ನಿಯಂತ್ರಣ ಶನಿವಾರ ತಿಳಿಸಿದೆ.
ಬೆಳಿಗ್ಗೆ 6.15 ರ ಸುಮಾರಿಗೆ ಅಡುಗೆ ಅನಿಲ ಒಲೆ ಇದ್ದಕ್ಕಿದ್ದಂತೆ ಬಾರೀ ಶಬ್ದದೊಂದಿಗೆ ಸ್ಫೋಟಗೊಂಡು ಅಪಾರ್ಟ್ಮೆಂಟ್ ಗೆ ಬೆಂಕಿ ಹೊತ್ತಿಕೊಂಡಾಗ ಈ ದುರಂತ ಸಂಭವಿಸಿದೆ.
ಮುಂಬೈ ಅಗ್ನಿಶಾಮಕ ದಳವು ಸ್ಥಳಕ್ಕೆ ಧಾವಿಸಿದರೂ ಬೆಂಕಿಯು ವಿದ್ಯುತ್ ವೈರಿಂಗ್, ಫಿಟ್ಟಿಂಗಳು ಮತ್ತು ಸ್ಥಾಪನೆಗಳು, ಬಟ್ಟೆಗಳು ಮತ್ತು ಇತರ ವಸ್ತುಗಳನ್ನು ತ್ವರಿತವಾಗಿ ನುಂಗಿತು.
ಸುಮಾರು ಅರ್ಧ ಗಂಟೆಗಳ ಕಾಲ ಬೆಂಕಿಯ ವಿರುದ್ಧ ಹೋರಾಡಿದ ನಂತರ, ಅಗ್ನಿಶಾಮಕ ದಳವು ಅದನ್ನು ನಂದಿಸುವಲ್ಲಿ ಯಶಸ್ವಿಯಾಯಿತು ಮತ್ತು ಶೇಕಡಾ 25-40 ರಷ್ಟು ಸುಟ್ಟಗಾಯಗಳು ಮತ್ತು ಇತರ ಸಣ್ಣ ಗಾಯಗಳಿಂದ ಬಳಲುತ್ತಿರುವ ಸಂತ್ರಸ್ತರನ್ನು ಬಿಎಂಸಿಯ ಭಾಭಾ ಆಸ್ಪತ್ರೆಗೆ ಸಾಗಿಸಲಾಯಿತು.
ಮೃತರನ್ನು ನಿಖಿಲ್ ಜೆ ದಾಸ್ (53), ರಾಕೇಶ್ ಆರ್ ಶರ್ಮಾ (38), ಅಂಥೋನಿ ಪಿ ತೆಂಗಲ್ (65), ಕಾಳಿಚರಣ್ ಎಂ ಕನೋಜಿಯಾ (54), ಶಾನಾಲಿ ಜೆಡ್ ಸಿದ್ದಿಕಿ (31), ಶಂಶೇರ್ (50), ಸಂಗೀತಾ (32) ಮತ್ತು ಸೀತಾ (45) ಎಂದು ಗುರುತಿಸಲಾಗಿದೆ.
ಮಾಹಿತಿಯ ಪ್ರಕಾರ ಎಲ್ಲಾ ಗಾಯಳುಗಳ ಸ್ಥಿತಿ ಸ್ಥಿರವಾಗಿದೆ ಎಂದು ಬಿಎಂಸಿ ಹೇಳಿದೆ, ಆದರೆ ಸಣ್ಣ ಗಾಯಗಳೊಂದಿಗೆ ಸೀತಾ ಅವರು ಆಸ್ಪತ್ರೆಗೆ ದಾಖಲಾಗಲು ನಿರಾಕರಿಸಿದರು. ಸಿಲಿಂಡರ್ ಸ್ಫೋಟಕ್ಕೆ ಕಾರಣವನ್ನು ತನಿಖೆ ಮಾಡಲಾಗುತ್ತಿದೆ.
