ಹಿಂದೂ ಪುರಾಣವು ಗಣೇಶ ಮತ್ತು ಅವನ ಇಲಿ ಮೂಷಕ ನಂತಹ ಕುತೂಹಲಕಾರಿ ಕಥೆಗಳಿಂದ ತುಂಬಿದೆ. ಗಣೇಶ ಈ ಅಸಾಮಾನ್ಯ ಸವಾರಿಯನ್ನು ಹೇಗೆ ಪಡೆದರು ಎಂಬ ಸಂಗತಿ ಆಶ್ಚರ್ಯಕರವಾಗಿದೆ. ಗಣೇಶನ ಸವಾರಿಯಾದ ಮೂಷಕದ ಕಥೆಯನ್ನು ಮತ್ಸ್ಯ ಪುರಾಣದಲ್ಲಿ ಹೇಳಲಾಗಿದೆ.
ಸ್ವರ್ಗದಲ್ಲಿ, ದೇವತೆಗಳ ವಾಸಸ್ಥಾನದಲ್ಲಿ ದೇವತೆಗಳ ರಾಜನಾದ ಇಂದ್ರನು ಆಸ್ಥಾನವನ್ನು ನಡೆಸುತ್ತಿದ್ದನು. ಋಷಿಮುನಿಗಳು, ಗಂಧರ್ವರು (ಆಕಾಶ ಸಂಗೀತಗಾರರು) ಮತ್ತು ದೇವತೆಗಳು ಆಸ್ಥಾನದಲ್ಲಿ ಒಂದು ದಿನ ಒಟ್ಟುಗೂಡಿದರು.
ಇಂದ್ರನು ಗಂಧರ್ವನಾದ ಕ್ರೌಂಚನಿಗೆ ಒಂದು ನಿಯೋಗವನ್ನು ವಹಿಸಲು ಬಯಸಿದನು. ಕ್ರೌಂಚನನ್ನು ಇಂದ್ರನು ಕರೆಯುತ್ತಿದ್ದಂತೆ, ಗಂಧರ್ವನು ತನ್ನ ಆಸನದಿಂದ ಮುಂದೆ ಧಾವಿಸಿದನು. ಈ ಪ್ರಕ್ರಿಯೆಯಲ್ಲಿ, ಆಕಸ್ಮಿಕವಾಗಿ ಋಷಿ ವಾಮದೇವನ ಪಾದಕ್ಕೆ ಕ್ರೌಂಚನ ಪಾದ ತಾಗಿತ್ತು. ಕೋಪಗೊಂಡ ಋಷಿ, ಗಾಯಕನಾದ ಕ್ರೌಂಚನನ್ನು ದಂಶಕವಾಗಿ ಮಾರ್ಪಟ್ಟು ಕಾಡಿನಲ್ಲಿ ಗುರಿಯಿಲ್ಲದೆ ತಿರುಗಾಡುವಂತೆ ಶಪಿಸಿದನು.
ಶಾಪದ ಪರಿಣಾಮವಾಗಿ, ಕ್ರೌಂಚಾ ಬೃಹತ್ ಇಲಿಯಾಗಿ ಮಾರ್ಪಟ್ಟನು. ಇತ್ತ ಬೆಳೆಗಳು, ಸಸ್ಯವರ್ಗ, ಪ್ರಾಣಿಗಳನ್ನು ನಾಶಪಡಿಸಲು ಪ್ರಾರಂಭಿಸಿದನು. ಜೊತೆಗೆ ಜನರನ್ನು ಕೊಲ್ಲಲು ಪ್ರಾರಂಭಿಸಿದನು. ದೈತ್ಯ ದಂಶಕವು ತನ್ನ ದಾರಿಯಲ್ಲಿ ಕಂಡುಬರುವ ಎಲ್ಲದರ ಮೇಲೆ ನಡೆಸಿದ ಹತಾಶ ಧಾಳಿಯು ಬ್ರಹ್ಮಾಂಡದ ಮೇಲೆ ವಿನಾಶಕಾರಿ ಪರಿಣಾಮಗಳನ್ನು ಬೀರಿತು. ಮೂಷಕನಿಂದ ಉಂಟಾದ ವಿನಾಶದಿಂದ ತಮ್ಮನ್ನು ರಕ್ಷಿಸುವ ರಕ್ಷಕನನ್ನು ಜನರು ಆಶಿಸಿದರು.
ಒಮ್ಮೆ, ಮೂಷಕ ಪರಾಶರ್ ಮುನಿಯ ಆಶ್ರಮದ ಮೂಲಕ ಹಾದುಹೋದನು. ಗಣೇಶನನ್ನು ಸಹ ಆವರಣದಲ್ಲಿ ಇರಿಸಿಕೊಳ್ಳಲಾಯಿತ್ತು. ಮೂಷಕನಿಂದ ಉಂಟಾದ ದೌರ್ಜನ್ಯಗಳನ್ನು ಕೊನೆಗೊಳಿಸಲು ನಿರ್ಧರಿಸಲಾಯಿತು. ಯುದ್ಧದಲ್ಲಿ ಭಗವಂತನು ಶೀಘ್ರದಲ್ಲೇ ಅವನ ಮೇಲೆ ಜಯ ಸಾಧಿಸಿದನು. ಅವನನ್ನು ಅಧೀನಗೊಳಿಸಿದ ನಂತರ ಮತ್ತು ಅಹಂಕಾರವನ್ನು ನಿಗ್ರಹಿಸಿದ ನಂತರ, ಮೂಷಕ ಗಣೇಶನ ಪಾದಗಳಿಗೆ ಶರಣಾದನು ಮತ್ತು ಕ್ಷಮೆಯನ್ನು ಬೇಡಿದನು.
ಗಣೇಶ ದೈತ್ಯ ಇಲಿಯ ಮೇಲೆ ಸವಾರಿ ಮಾಡುತ್ತಿದ್ದಾಗ, ಮೂಷಕನಿಗೆ ಭಗವಂತನ ಭಾರವನ್ನು ಸಹಿಸಲು ಸಾಧ್ಯವಾಗಲಿಲ್ಲ. ತನ್ನ ಗಾತ್ರವನ್ನು ಕಡಿಮೆ ಮಾಡುವ ಮೂಲಕ ತನ್ನ ಮೇಲೆ ಕರುಣೆ ತೋರಿಸುವಂತೆ ಅವನು ಭಗವಂತನನ್ನು ಬೇಡಿಕೊಂಡನು. ಗಣೇಶನು ಕರುಣೆಯಿಂದ ಒಪ್ಪಿದನು ಮತ್ತು ಸಣ್ಣ ಗಾತ್ರವನ್ನು ಧರಿಸಿದ್ದನು.
ಮೂಷಕ ಆಶೀರ್ವದಿಸಲ್ಪಟ್ಟು, ತನ್ನನ್ನು ಗಣೇಶನ ರಾಜ ವಾಹನವಾಗಿ ನೇಮಿಸುವಂತೆ ಭಗವಂತನನ್ನು ವಿನಂತಿಸಿದನು. ಗಣೇಶನು ಮೂಷಕನಿಗೆ ಈ ವರವನ್ನು ನೀಡಿದನು ಮತ್ತು ಆದ್ದರಿಂದ, ಮೂಷಕನು ಶಾಶ್ವತ ಒಡನಾಡಿಯಾಗಿ ಗಣೇಶನ ವಾಹನವಾದನು.