ಟೈಟಾನ್ ತನ್ನ ಅಂಗ ಸಂಸ್ಥೆಯಾದ ಕ್ಯಾರಟ್ ಲೇನ್ ನ ಬಳಿ ಉಳಿದ ಶೇ.27.18 ರಷ್ಟು ಷೇರನ್ನು ಖರೀದಿಸಿದೆ.
ಈ ಮೂಲಕ 4,621 ಕೋಟಿ ರೂ. ಗೆ ಈ ಷೇರುಗಳನ್ನು ಖರೀದಿಸಿದೆ. ಇದರ ಅಂದಾಜು ಮೌಲ್ಯ 17,000 ಕೋಟಿ ರೂ. ಎನ್ನಲಾಗಿದೆ.
ಈ ಹಿಂದೆ ಫ್ಲಿಪ್ಕಾರ್ಟ್ ಸಂಸ್ಥಾಪಕರಾದ ಸಚಿನ್ ಬನ್ಸಾಲ್ ಮತ್ತು ಬಿನ್ನಿ ಬನ್ಸಾಲ್ ತಮ್ಮ ಪಾಲನ್ನು ವಾಲ್ಮಾರ್ಟ್ಗೆ ಮಾರಾಟ ಮಾಡಿದಾಗ ಇದೇ ರೀತಿ ದೊಡ್ಡ ಮೊತ್ತದ ಹಣ ಪಡೆದುಕೊಂಡಿದ್ದರು.
ಜ್ಯುವೆಲ್ಲರಿ ಬ್ರಾಂಡ್ನ ಸಂಸ್ಥಾಪಕ ಮಿಥುನ್ ಸಚೇತಿ ಮತ್ತು ಅವರ ಕುಟುಂಬ ಸದಸ್ಯರಿಂದ ಈ ಷೇರನ್ನು ಖರೀದಿಸಲು ಟಾಟಾ ತೀರ್ಮಾನಿಸಿದೆ.
ಶನಿವಾರ ಷೇರು ವಿನಿಮಯ ಕೇಂದ್ರಕ್ಕೆ ನೀಡಿದ ಮಾಹಿತಿಯಲ್ಲಿ ಟೈಟಾನ್, ಕ್ಯಾರಟ್ಲೇನ್ನ 91.90 ಲಕ್ಷ ಈಕ್ವಿಟಿ ಷೇರುಗಳನ್ನು ಸ್ವಾಧೀನಪಡಿಸಿಕೊಳ್ಳುತ್ತಿರುವುದಾಗಿ ಹೇಳಿದೆ.
ಈ ಬಗ್ಗೆ ಟೈಟನ್ನ ವ್ಯವಸ್ಥಾಪಕ ನಿರ್ದೇಶಕ ಸಿ ಕೆ ವೆಂಕಟರಾಮನ್ ಮಾತನಾಡಿದ್ದು, ನಾವು ಭಾರತದ ಗ್ರಾಹಕರಲ್ಲಿ ನಂಬಿಕೆ ಹೊಂದಿದ್ದೇವೆ ಹಾಗೂ ಕ್ಯಾರಟ್ಲೇನ್ನ ಬೆಳವಣಿಗೆಯ ಪ್ರಯಾಣ ಕೂಡ ಈಗಷ್ಟೇ ಪ್ರಾರಂಭವಾಗಿದ್ದು, ಬಹಳ ದೂರ ಕ್ರಮಿಸಬೇಕಿದೆ.
ಟಾಟಾ ಗ್ರೂಪ್ನಲ್ಲಿರುವ ನಾವೆಲ್ಲರೂ ಹೆಮ್ಮೆಪಡುವಂತಹ ಗ್ರಾಹಕ-ಕೇಂದ್ರಿತ ಬ್ರಾಂಡ್ ಅನ್ನು ಜಂಟಿಯಾಗಿ ನಿರ್ಮಿಸಿದ್ದಕ್ಕಾಗಿ ಕ್ಯಾರಟ್ಲೇನ್ನ ಸಂಸ್ಥಾಪಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಮಿಥುನ್ ಸಚೇತಿ ಅವರಿಗೆ ನಾವು ಧನ್ಯವಾದಗಳನ್ನು ಅರ್ಪಿಸುತ್ತೇವೆ. ಅವರ ಮುಂದಿನ ಪ್ರಯತ್ನಗಳಲ್ಲಿ ಯಶಸ್ಸು ಸಿಗಲಿ ಎಂದು ಹಾರೈಸುತ್ತೇವೆ ಎಂದರು.