ಸದಾ ಒಂದಲ್ಲ ಒಂದು ಬದಲಾವಣೆಗಳ ಮೂಲಕ ಸುದ್ದಿಯಲ್ಲಿರುವ ಟ್ವೀಟರ್ ಈಗ ತನ್ನ ಬಳಕೆದಾರರನ್ನು ಆಕರ್ಷಿಸಲು ಹೊಸ ಎರಡು ಫೀಚರ್ಗಳನ್ನು ಪರಿಚಯಿಸುತ್ತಿದೆ
ಬ್ಲೂ ಬಳಕೆದಾರರು ಎರಡು ಗಂಟೆಯ ಅವಧಿಯ 8 ಜಿಬಿ ಸೈಜ್ನ ವಿಡಿಯೋಗಳನ್ನು ಅಪ್ಲೋಡ್ ಮಾಡಬಹುದು ಎಂದು ಟ್ವಿಟ್ಟರ್ ಕಳೆದ ವಾರ ಘೋಷಣೆ ಮಾಡಿತ್ತು. ಈಗ ಕಂಪನಿ ಸಿಇಒ ಎಲಾನ್ ಮಸ್ಕ್ ಎರಡು ಹೊಸ ಫೀಚರ್ಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ.
ವೀಡಿಯೊ ಪ್ಲೇಬ್ಯಾಕ್ಗಾಗಿ ಸೀಕ್ ಬಟನ್ಗಳು:
ತನ್ನ ವಿಡಿಯೋಗಳಿಗೆ ಸೀಕ್ ಬಟನ್ನನ್ನು ಪರಿಚಯಿಸುತ್ತಿದೆ. ಅಂದರೆ ಬಳಕೆದಾರರಿಗೆ ಕೆಲವೊಂದು ಸೆಕೆಂಡುಗಳ ಕಾಲ ವಿಡಿಯೋವನ್ನು ಮುಂದಕ್ಕೆ ಅಥವಾ ಹಿಂದಕ್ಕೆ ತರಲು ಅವಕಾಶ ಇರುತ್ತದೆ. ಅಂತೆಯೇ, ಟ್ವಿಟ್ಟರ್ ವಿಡಿಯೋದಲ್ಲೂ ಈ ಫೀಚರ್ ಬರಲಿದೆ. ವಿಡಿಯೋ ಪ್ಲೇ ಆಗುತ್ತಿರುವಾಗ 15 ಸೆಕೆಂಡ್ ಫಾರ್ವರ್ಡ್ ಮತ್ತು ಬ್ಯಾಕ್ ಸೀಕ್ ಬಟನ್ಗಳನ್ನು ಸೇರಿಸಲಾಗುವುದು ಎಂದು ಎಲಾನ್ ಮಸ್ಕ್ ಹೇಳಿದ್ದಾರೆ.
ಈ ಬಟನ್ಗಳು 15-ಸೆಕೆಂಡ್ಗಳ ಮಧ್ಯಂತರದಲ್ಲಿ ಮುಂದಕ್ಕೆ ಅಥವಾ ಹಿಂದಕ್ಕೆ ಜಿಗಿಯುವ ಮೂಲಕ ಸುಲಭವಾಗಿ ವೀಡಿಯೊಗಳ ಮೂಲಕ ನ್ಯಾವಿಗೇಟ್ ಮಾಡಲು ಬಳಕೆದಾರರನ್ನು ಅನುಮತಿಸುತ್ತದೆ. ಈ ಸೇರ್ಪಡೆಯು ಪಿಕ್ಚರ್-ಇನ್-ಪಿಕ್ಚರ್ ಮೋಡ್ನೊಂದಿಗೆ ಇರುತ್ತದೆ ಎಂದು ಮಸ್ಕ್ ತಿಳಿಸಿದ್ದಾರೆ.
ಪಿಕ್ಚರ್-ಇನ್-ಪಿಕ್ಚರ್ ಮೋಡ್:
ಬಳಕೆದಾರರು ವಿಡಿಯೋಗಳನ್ನು ವೀಕ್ಷಿಸಲು ಪಿಕ್ಚರ್-ಇನ್-ಪಿಕ್ಚರ್ ಮೋಡ್ ಇರುತ್ತದೆ. ಇದರಿಂದ ಅವರು ವಿಡಿಯೋಗಳನ್ನು ವೀಕ್ಷಿಸುವಾಗ ಸ್ಕ್ರೋಲಿಂಗ್ ಅನ್ನು ಮುಂದುವರಿಸಬಹುದು. ಪಿಕ್ಚರ್-ಇನ್-ಪಿಕ್ಚರ್ (ಪಿಐಪಿ) ಮೋಡ್ ವಿಡಿಯೋ ಪ್ಲೇಯರ್ರನ್ನು ಸಣ್ಣ ವಿಂಡೋಗೆ ಕುಗ್ಗಿಸುತ್ತದೆ ಮತ್ತು ಸಾಮಾನ್ಯವಾಗಿ ಈ ವಿಡಿಯೋವನ್ನು ಮೂಲೆಯಲ್ಲಿ ಕೊಂಡೊಯ್ದು ಇರಿಸುತ್ತದೆ. ಆದ್ದರಿಂದ ಸ್ಕ್ರೋಲಿಂಗ್ ಮೇಲೆ ಇದು ಪರಿಣಾಮ ಬೀರುವುದಿಲ್ಲ. ಹಾಗೆಯೇ ಇದನ್ನು ಮುಂದಿನ ವಾರ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ ಎಂದು ತಿಳಿಸಿದ್ದಾರೆ.