ಬೆಂಗಳೂರು: ಚುನಾವಣೆಯ ಸಮಯದಲ್ಲಿ ಅಭ್ಯರ್ಥಿಗಳು ಜನರಿಗೆ ನಾನಾ ಭರವಸೆಯನ್ನ ಕೊಡುತ್ತಾರೆ ಕೆಲವರು ಗೆದ್ದ ಬಳಿಕ ಆ ಭರವಸೆಯನ್ನು ಈಡೇರಿಸುತ್ತರೆ ಇನ್ನೂ ಕೆಲವರ ಕೊಡುವ ಆಶ್ವಾಸನೆ ಆಶ್ವಾಸನೆಯಾಗಿಯೇ ಉಳಿದು ಬಿಡುತ್ತದೆ. ಆದರೆ ಇಲ್ಲೊಬ್ಬರ ಶಾಸಕರ ಅನುದಾನದಲ್ಲಿ ಹಣ ಬಂದು ನಿರ್ಮಾಣವಾದ ಸಮುದಾಯ ಭವನವೇ ಕಾಣೆಯಾಗಿದೆ.
ಪಿಣ್ಯ ದಾಸರಹಳ್ಳಿ ಲಕ್ಷ್ಮಿಪುರ ಗ್ರಾಮದ ಪರಿಶಿಷ್ಟರ ಕಾಲೋನಿಯಲ್ಲಿ ಶಾಸಕರ ಸ್ಥಳೀಯ ಪ್ರದೇಶಾಭಿವೃದ್ಧಿಯಡಿಯಲ್ಲಿ 10ಲಕ್ಷ ವೆಚ್ಚದ ನಿರ್ಮಿಸಲಾದ ಸಮುದಾಯ ಭವನ ಕಾಣೆಯಾಗಿದೆ ಹುಡುಕಿಕೊಡಿ ಎಂದು ದಾಸರಹಳ್ಳಿ ವಿಧಾನಸಭಾ ಕ್ಷೇತ್ರದ ಸ್ಥಳೀಯ ನಾಗರಿಕರು ಗಂಗಮ್ಮ ಗುಡಿ ಪೋಲೀಸ್ ಠಾಣೆಯಲ್ಲಿ ದೂರನ್ನು ದಾಖಲಿಸಿದ್ದಾರೆ.
ದಾಸರಹಳ್ಳಿ ವಿಧಾನಸಭಾ ಕ್ಷೇತ್ರದ ಲಕ್ಷ್ಮೀಪುರ ಗ್ರಾಮದ ಪರಿಶಿಷ್ಟರ ಕಾಲೋನಿಯಲ್ಲಿ ಸಮುದಾಯ ಭವನ ನಿರ್ಮಾಣವಾಗಿದೆ ಎಂದು ಸರ್ಕಾರಿ ದಾಖಲೆಯಲ್ಲಿ ನಮೂದಿಸಲಾಗಿದೆ. ಆದರೆ ಆ ಪ್ರದೇಶದಲ್ಲಿ ಸಮುದಾಯ ಭವನ ನಿರ್ಮಾಣವೇ ಆಗಿಲ್ಲವೆಂದು ಸ್ಥಳೀಯರು ದೂರಿದ್ದಾರೆ.
ದಲಿತರ ಕಾಲೋನಿ ಸಮುದಾಯ ಭವನದ ಹೆಸರಿನಲ್ಲಿ ೧೦ಲಕ್ಷ ವಂಚಿಸಲಾಗಿದೆ. ಮಾಹಿತಿ ಹಕ್ಕಿನ ವಿವರ ತೆಗೆದುಕೊಂಡಾಗ ಹಲವು ದಿನಗಳಿಂದ ನಿರ್ಮಾಣವಾಗದೇ ಇರುವ ಸಮುದಾಯ ಭವನಕ್ಕೆ ಬಿಲ್ ಪಡೆದಿರುವುದು ಬೆಳಕಿಗೆ ಬಂದಿದೆ ಎಂದು ಸ್ಥಳಿಯರು ಹೇಳಿದ್ದಾರೆ.