ಬೆಂಗಳೂರು : ಭಾರತದ ಪ್ರಮುಖ ಜೀವ ವಿಮೆದಾರರಾದ ಹೆಚ್ಡಿಎಫ್ಸಿ ಲೈಫ್, ಸ್ಥಿರವಾಗಿ ಅತಿ ಹೆಚ್ಚು ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ ದಾಖಲಿಸುವುದರ ಮೂಲಕ ಪಾಲಿಸಿದಾರ ಜೊತೆ ನಿಲ್ಲುವ ತನ್ನ ಬದ್ಧತೆಯನ್ನು ಮುಂದುವರೆಸಿದೆ.
ಜೀವ ವಿಮೆಯು ದೀರ್ಘಾವಧಿಯ ಬದ್ಧತೆ ಆಗಿದ್ದು, ಪಾಲಿಸಿದಾರರು ಇಲ್ಲವಾದಾಗ ಅವರ ಪ್ರೀತಿಪಾತ್ರರಿಗೆ ಆರ್ಥಿಕ ಭದ್ರತೆಯನ್ನು ಒದಗಿಸುತ್ತದೆ. ನಿಜವಾದ ಕ್ಲೈಮ್ಗಳನ್ನು ತ್ವರಿತವಾಗಿ ಮತ್ತು ಸೂಕ್ತವಾಗಿ ಇತ್ಯರ್ಥಪಡಿಸುವ ಸಾಮರ್ಥ್ಯದಲ್ಲಿ ಜೀವ ವಿಮೆ ಕಂಪನಿಯ ವಿಶ್ವಾಸಾರ್ಹತೆಯನ್ನು ಅಳೆಯಬಹುದಾಗಿದೆ. ಹಾಗಾಗಿ ಜೀವ ವಿಮಾದಾರರನ್ನು ಆಯ್ಕೆ ಮಾಡುವಾಗ ಗ್ರಾಹಕರು ಆ ಕಂಪನಿಯ ವಿಶ್ವಾಸಾರ್ಹತೆಯನ್ನು ಅಳೆಯಲು ಕಂಪನಿಯ ಹಲವು ವರ್ಷಗಳ ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ ಅನ್ನು ನೋಡುತ್ತಾರೆ.
ಖಾಸಗಿ ಜೀವ ವಿಮಾದಾರರಲ್ಲಿ ಹೆಚ್ಡಿಎಫ್ಸಿ ಲೈಫ್ ಸಂಸ್ಥೆಯು ಈ ವಿಚಾರದಲ್ಲಿ ತನ್ನ ಉತ್ತಮ ಕಾರ್ಯಕ್ಷಮತೆಯಿಂದ ಭಿನ್ನವಾಗಿ ನಿಲ್ಲುತ್ತದೆ. ಆರ್ಥಿಕ ಆರ್ಷ 24ರಲ್ಲಿ ಹೆಚ್ಡಿಎಫ್ಸಿ ಲೈಫ್ 99.50%*ರಷ್ಟು ಒಟ್ಟು ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ ಅನ್ನು ದಾಖಲಿಸಿದೆ. ಈ ಅವಧಿಯಲ್ಲಿ 19,338 ಪಾಲಿಸಿಗಳಿಗೆ ಕಂಪನಿಯು ರೂ. 1,584 ಕೋಟಿ ಪಾವತಿ ಮಾಡಿದೆ. ರಿಟೇಲ್ ಕ್ಲೈಮ್ ಗಳಲ್ಲಿ ಕಂಪನಿಯು ಆರ್ಥಿಕ ವರ್ಷ 22ರಲ್ಲಿ 98.66% ಮತ್ತು ಆರ್ಥಿಕ ವರ್ಷ 23ರಲ್ಲಿ 99.39%ರಷ್ಟು ಅತಿ ಹೆಚ್ಚಿನ ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ ಅನ್ನು ದಾಖಲಿಸಿತ್ತು.
*ಆರ್ಥಿಕ ವರ್ಷ 24ರ ಆಡಿಟ್ ಮಾಡಿದ ವಾರ್ಷಿಕ ಅಂಕಿಅಂಶಗಳ ಪ್ರಕಾರ ಪಾಲಿಸಿಗಳ ಸಂಖ್ಯೆಯ ಮೂಲಕ ವೈಯಕ್ತಿಕ ಡೆತ್ ಕ್ಲೈಮ್ ಸೆಟಲ್ಮೆಂಟ್ ರೇಶಿಯೋ.
ಕ್ಲೈಮ್ ಮಾಡುವ ಪ್ರಕ್ರಿಯೆಯನ್ನು ಸುಲಭಗೊಳಿಸಲು ಹೆಚ್ಡಿಎಫ್ಸಿ ಲೈಫ್ ಉತ್ತಮ ಕಾರ್ಯವಿಧಾನವನ್ನು ಪಾಲಿಸುತ್ತದೆ. ಕ್ಲೈಮ್ ಮಾಡುವವರು ಕ್ಲೈಮ್ ಮಾಡಲು ಬಹು ಮಾಧ್ಯಮ/ಟಚ್ಪಾಯಿಂಟ್ಗಳ ಮೂಲಕ ಡಾಕ್ಯುಮೆಂಟ್ಗಳನ್ನು ಸಲ್ಲಿಸಲು ಮತ್ತು ವಿನಂತಿ ಮಾಡಲು ಕಂಪನಿ ಅನುವು ಮಾಡಿಕೊಡುತ್ತದೆ. ಆದ್ದರಿಂದ ಇಂಥಾ ಕೆಲಸಗಳ ಅಗತ್ಯ ಬಿದ್ದಾಗ ಶಾಖೆಗೆ ಕಡ್ಡಾಯವಾಗಿ ಭೇಟಿ ನೀಡುವ ಅವಶ್ಯಕತೆ ಬೀಳುವುದಿಲ್ಲ. ಎಚ್ಡಿಎಫ್ಸಿ ಲೈಫ್ ಕಂಪನಿಯು ಗ್ರಾಹಕರಿಗೆ ಆರೋಗ್ಯದ ಕುರಿತ ಸಂಪೂರ್ಣ ವಿಷಯಗಳನ್ನು ತಿಳಿಸುವ ಮತ್ತು ಕ್ಲೈಮ್ಗಳ ಪ್ರಕ್ರಿಯೆಯ ಮೇಲೆ ಪರಿಣಾಮ ಬೀರಬಹುದಾದ ಎಲ್ಲಾ ಮಾಹಿತಿಗಳನ್ನು ಮುಕ್ತವಾಗಿ ಕಂಪನಿಗೆ ನೀಡಬೇಕಾದ ಅಗತ್ಯತೆ ಕುರಿತು ಅರಿವು ಮೂಡಿಸುತ್ತದೆ. ಪಾಲಿಸಿ ಪ್ರಾರಂಭದ ದಿನಾಂಕದಿಂದ ಮೂರು ವರ್ಷಗಳಿಗಿಂತ ಹಳೆಯದಾದ ಇಂಡಿವಿಜುವಲ್ ಕ್ಲೈಮ್ ಅಥವಾ ವೈಯಕ್ತಿಕ ಕ್ಲೈಮ್ಗಳಿಗೆ ಕಂಪನಿಯು ಒಂದೇ ದಿನದಲ್ಲಿ ಸೆಟಲ್ಮೆಂಟ್ ಮಾಡುತ್ತದೆ. ಎಲ್ಲಾ ಅಗತ್ಯ ದಾಖಲೆಗಳನ್ನು ನೀಡಿದರೆ ಯಾವುದೇ ರೀತಿ ಹೆಚ್ಚಿನ ವಿಚಾರಣೆಯ ಅಗತ್ಯ ಇರುವುದಿಲ್ಲ.
ಈ ಕುರಿತು ಮಾತನಾಡಿದ ಹೆಚ್ಡಿಎಫ್ಸಿ ಲೈಫ್ನ ಮ್ಯಾನೇಜಿಂಗ್ ಡೈರೆಕ್ಟರ್ ಮತ್ತು ಸಿಇಓ ವಿಭಾ ಪಡಾಲ್ಕರ್, “ಸೇವಾ ವಿಭಿನ್ನತೆಯನ್ನು ತೋರಿಸಲು ಕ್ಲೈಮ್ ಸೆಟಲ್ಮೆಂಟ್ ನಮಗೆ ಬಹಳ ಮುಖ್ಯವಾಗಿದೆ. ನಾವು ಪ್ರತಿ ಪಾಲಿಸಿದಾರರಿಗೆ ಕ್ಲೈಮ್ಗಳನ್ನು ಸುಗಮವಾಗಿ ಮತ್ತು ಸೂಕ್ತ ರೀತಿಯಲ್ಲಿ ಇತ್ಯರ್ಥಪಡಿಸುವುದಾಗಿ ಭರವಸೆ ನೀಡುತ್ತೇವೆ. ಪಾಲಿಸಿಯ ಅವಧಿಯ ಪ್ರತಿಯೊಂದು ಹಂತದಲ್ಲೂ ಅತ್ಯುತ್ತಮ ಸೇವೆಯನ್ನು ಒದಗಿಸುವ ಮೂಲಕ ಭಾರತವನ್ನು ಆರ್ಥಿಕವಾಗಿ ಸುಭದ್ರಗೊಳಿಸುವ ನಮ್ಮ ಬದ್ಧತೆಯನ್ನು ಪಾಲಿಸುತ್ತಿದ್ದೇವೆ” ಎಂದು ಹೇಳಿದರು.
ವರ್ಷದ ಆರಂಭದಲ್ಲಿ ಎಚ್ಡಿಎಫ್ಸಿ ಲೈಫ್ ತನ್ನ ಏಪ್ರಿಲ್ 2024ರ ಬೋರ್ಡ್ ಮೀಟಿಂಗ್ ನಲ್ಲಿ ಯೋಜನೆಗಳ ಮೇಲಿನ ತನ್ನ ಅತ್ಯಧಿಕ ರೂ.3,722 ಕೋಟಿ ಬೋನಸ್ ಅನ್ನು ಪ್ರಕಟಿಸಿದೆ. ಈ ಬೋನಸ್ ಅನ್ನು ಮೆಚುರಿಟಿ ಪ್ರಯೋಜನ ಪಡೆಯುವ ಅರ್ಹರಿಗೆ ಅಥವಾ ನಗದು ಬೋನಸ್ ಪಡೆಯಲು ಅರ್ಹವಾದ ಪಾಲಿಸಿಗಳಿಗೆ ಮತ್ತು ಪಾಲಿಸಿ ಮೆಚ್ಯೂರಿಟಿ, ಮರಣ ಅಥವಾ ಸರೆಂಡರ್ ಕಾರಣಕ್ಕೆ ಭವಿಷ್ಯದಲ್ಲಿ ಪಾವತಿಸಬೇಕಾದ ಅರ್ಹರ ಮಧ್ಯೆ ಹಂಚಲಾಗುತ್ತದೆ.