ಪ್ರತಿಯೊಬ್ಬ ವಧು ತನ್ನ ಮದುವೆಯ ದಿನದಂದು ಜನಸಮೂಹದಿಂದ ಬೆರಗುಗೊಳಿಸಲು ಮತ್ತು ಸುಂದರವಾಗಿ ಎದ್ದು ಕಾಣಲು ಬಯಸುತ್ತಾಳೆ. ಪಾಕಿಸ್ತಾನದ ವಧುವೊಂದು ತನ್ನ ಮದುವೆಯಲ್ಲಿ ತನ್ನ ಪತಿ ವಿನ್ಯಾಸಗೊಳಿಸಿದ ಲೆಹೆಂಗಾವನ್ನು ಧರಿಸಿದ್ದರಿಂದ ಮತ್ತು ಅದರಲ್ಲಿ ಎಲ್ಇಡಿ ದೀಪಗಳನ್ನು ಹೊಂದಿದ್ದರಿಂದ ಅಕ್ಷರಶಃ ಅದನ್ನು ನಿಜ ಮಾಡಿದ್ದಾಳೆ.
ಪ್ರೀತಿ ಮತ್ತು ಪ್ರೀತಿಯಲ್ಲಿ ನಾವು ಮಾಡುವ ಕೆಲಸಗಳು ವಿಚಿತ್ರವಾಗಿರುತ್ತದೆ. ಪಾಕಿಸ್ತಾನದ ವಧುವೊಬ್ಬಳು ತನ್ನ ಮೆಹೆಂದಿ ಸಮಾರಂಭಕ್ಕೆ ಲೆಹೆಂಗಾ ಧರಿಸಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಇದರಲ್ಲಿ ವಿಷಯವೇನೆಂದರೆ ತನ್ನ ವಧುವು ‘ಪ್ರಕಾಶಮಾನವಾಗಿ ಹೊಳೆಯಬೇಕು’ ಎಂದು ಬಯಸಿದ ವರನು ಎಲ್ ಇಡಿ ದೀಪಗಳೊಂದಿಗೆ ಲೆಹೆಂಗಾವನ್ನು ವಿನ್ಯಾಸಗೊಳಿಸಿದ್ದಾನೆ.
ರಿಹಾಬ್ ಡ್ಯಾನಿಯಲ್ ತನ್ನ ಮದುವೆಯ ಸಂಭ್ರಮದ ಇಣುಕುನೋಟಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊ೦ಡಿದ್ದು, ದೀಪಗಳಿಂದ ಪ್ರಕಾಶಮಾನವಾಗಿ ಹೊಳೆಯಬೇಕೆಂದು ಪತಿ ಹೇಗೆ ಬಯಸುತ್ತಾರೆ ಎಂಬುದಾಗಿ ಬರೆದುಕೊಂಡಿದ್ದಾರೆ.
ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯ ವಿಷಯವಾಗಿ ಮಾರ್ಪಟ್ಟಿರುವ ವೀಡಿಯೊದಲ್ಲಿ ವಧು ತನ್ನ ಪತಿಯೊಂದಿಗೆ ವರ್ಣರಂಜಿತ ಎಲ್ ಇಡಿ ದೀಪಗಳೊಂದಿಗೆ ಲೆಹೆಂಗಾ ಧರಿಸಿ ಪ್ರವೇಶಿಸುತ್ತಿರುವುದನ್ನು ಕಾಣಬಹುದಾಗಿದೆ. ಯಾರು ಯೋಚಿಸಿರಲು ಸಾಧ್ಯ, ದೀಪಗಳಿಂದ ಅಲಂಕರಿಸಲ್ಪಟ್ಟ ಉಡುಪನ್ನು ಧರಿಸಿ ತನ್ನ ಪತಿಯೊಂದಿಗೆ ರಿಹಾಬ್ ತನ್ನ ಮೆಹೆಂದಿ ಸಮಾರಂಭಕ್ಕೆ ಆಗಮಿಸುತ್ತಾಳೆ ಎಂದು. ಒಟ್ಟಿನಲ್ಲಿ ಈ ಸಮಾರಂಭವು ಸ್ಪೇಶಲ್ ಆಗಿ ಎಲ್ಲರ ಗಮನವನ್ನು ಸೆಳೆದಿದೆ.
“ನನ್ನ ಮೆಹಂದಿ 2023 ರ ಥ್ರೋಬ್ಯಾಕ್. ನನ್ನ ಉಡುಪನ್ನು ನನ್ನ ಸೂಪರ್ ಡೂಪರ್ ಪತಿ ವಿನ್ಯಾಸಗೊಳಿಸಿದ್ದಾರೆ, ತಮ್ಮ ವಧು ತನ್ನ ವಿಶೇಷ ದಿನದಂದು ದೀಪಗಳಿಂದ ಪ್ರಕಾಶಮಾನವಾಗಿ ಹೊಳೆಯಬೇಕೆಂದು ಬಯಸಿದ್ದರು.. ಜನ ನಿಮ್ಮನ್ನು ಗೇಲಿ ಮಾಡುತ್ತಾರೆ ಎಂದು ನನಗೆ ಹೇಳಲಾಯಿತು ಆದರೆ ನಾನು ಅದನ್ನು ಹೆಮ್ಮೆಯಿಂದ ಧರಿಸಿದ್ದೇನೆ, ಏಕೆಂದರೆ ಯಾವುದೇ ವ್ಯಕ್ತಿ ತಮ್ಮ ವಧುವಿಗಾಗಿ ಅಂತಹ ಪ್ರಯತ್ನವನ್ನು ಮಾಡಿಲ್ಲ ಎಂದು ನನಗೆ ತಿಳಿದಿದೆ” ಎಂದು ಅವರು ವೀಡಿಯೊವನ್ನು ಹಂಚಿಕೊಂಡು ತಮ್ಮ ಭಾವನೆಗಳನ್ನು ಬರೆದಿದ್ದಾರೆ.
ಸಮಾರಂಭದಲ್ಲಿ ರಿಹಾಬ್ ಅದ್ಭುತ ಪ್ರವೇಶವನ್ನು ಮಾಡುವುದನ್ನು ಮತ್ತು ದೀಪಗಳಿಂದ ಅಲಂಕರಿಸಲ್ಪಟ್ಟ ತನ್ನ ಲೆಹೆಂಗಾದೊಂದಿಗೆ ವೇದಿಕೆಯನ್ನು ಬೆಳಗಿಸುವುದನ್ನು ವೀಡಿಯೊ ತೋರಿಸುತ್ತದೆ. ಆಗಸ್ಟ್ 31 ರಂದು ಪೋಸ್ಟ್ ಮಾಡಲಾದ ಈ ಕ್ಲಿಪ್ 3.27 ಲಕ್ಷಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದಿದೆ.