ಮುಂದುವರಿಯುತ್ತಿರುವ ಕಾಲ ಚಕ್ರದಲ್ಲಿ ವೇಗವಾಗಿ ಚಲಿಸುತ್ತಿರುವ ಮಾನವರು, ಹಲವು ಮೌಲ್ಯಯುತ ಸಂಪ್ರದಾಯಗಳಿಂದ ದೂರ ಉಳಿಯುತ್ತಿದ್ದೇವೆ. ಮನೆ ಮಂದಿಯೆಲ್ಲಾ ಒಟ್ಟಾಗಿ ಕುಳಿತು ಭೋಜನ ಸವಿಯುವುದು ಅದರಲ್ಲೊಂದು ಪದ್ಧತಿ.
ದಿನ ಒಂದು ಹೊತ್ತು ಮನೆ ಮಂದಿಯೆಲ್ಲಾ ಒಟ್ಟಾಗಿ ಕುಳಿತು ಸವಿಯುವ ಭೋಜನ, ಆತ್ಮೀಯತೆಯನ್ನು ಮತ್ತು ಸ್ನೇಹವನ್ನು ಬಲಪಡಿಸುತ್ತದೆ. ಮನೆಯ ಯಾವೊಬ್ಬ ಸದಸ್ಯ ಲವಲವಿಕೆಯನ್ನು ಕಳೆದುಕೊಂಡಿದ್ದರೆ, ಆಯಾ ಸದಸ್ಯರಿಗೆ ಶಕ್ತಿ ತುಂಬುವ ವೇದಿಕೆ ಭೋಜನಾ ಸ್ಥಳಗಳಾಗುತ್ತವೆ. ಒಟ್ಟಾಗಿ ಮಾಡುವ ಭೋಜನ, ತಿನ್ನುವ ಅನ್ನವನ್ನು ಹಂಚುವ ಪಾಠವನ್ನಲ್ಲದೆ ಮನೆ-ಮನವನ್ನು ಬಲಪಡಿಸುತ್ತದೆ.
ಬೆಳೆಯುತ್ತಿರುವ ಮಕ್ಕಳಲ್ಲಿ ಈ ಪದ್ಧತಿ ಕುಟುಂಬ ಸಂಬಂಧದ ಶ್ರೇಷ್ಠತೆಯನ್ನು ತಿಳಿಸುತ್ತದೆ. ಪ್ರಜಾಪ್ರಭುತ್ವ ಭಾರತದಲ್ಲಿ, ಮನೆಯ ಭೋಜನಾಲಯ ವೆಂಬ ಪಾಠಶಾಲೆಯಲ್ಲಿ , ಮನೆಯ ಪ್ರತೀ ಸದಸ್ಯರಿಗೆ ನೀಡುವ ಮಾನ್ಯತೆ
ವ್ಯಕ್ತಿ ಮತ್ತು ವ್ಯಕ್ತಿತ್ವ ರೂಪಣೆಯಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆ.
ದಿನನಿತ್ಯ ಶಾಲೆ-ಕಾಲೇಜು ಮತ್ತು ಉದ್ಯೋಗವೆಂದು ಓಡಾಡುವ ನಾವು, ಒಪ್ಪತ್ತಿನ ಊಟವಣ್ಣದರೂ ಮನೆಯ ಸದಸ್ಯರೊಡನೆ ಕೂಡಿ ಮಾಡುವ ಚರ್ಯೆಯನ್ನು ಒಳಗೊಳ್ಳಬೇಕು. ಮನೆ ಮನಸ್ಸಿನ ಶಾಂತಿಯ ತಾನವಾಗಲು ‘ಒಟ್ಟಾಗಿ ಭೋಜನ ಸವಿಯುವ’ ಸಂಪ್ರದಾಯ ಕೂಡ ಒಂದು ಕೊಂಡಿ ಎಂದರೆ ತಪ್ಪಾಗಲಾರದು