ಎಲ್ಲರ ಫೇವರೇಟ್ ಮೆಸೇಜಿಂಗ್ ಅಪ್ಲಿಕೇಷನ್ ವಾಟ್ಸ್ ಆಪ್ ದಿನಕ್ಕೊಂದು ವಿಶೇಷ ಫೀಚರ್ ಬಿಡುಗಡೆ ಮಾಡುತ್ತದೆ. ಅದರಂತೆಯೇ ಇದೀಗ ಕ್ಯು ಆರ್ ಕೋಡ್ ಬಳಸಿ ನಿಮ್ಮ ವಿವರಗಳನ್ನು ಹಂಚಿಕೊಳ್ಳಲು ಮತ್ತೆ ಇತರ ಜನರ ಸಂಪರ್ಕಗಳನ್ನು ಸೇವ್ ಮಾಡಲು ಅಥವಾ ಶೇರ್ ಮಾಡಲು ಅವಕಾಶ ಮಾಡಿಕೊಡುತ್ತಿದೆ.
ವಾಟ್ಸ್ ಆಪ್ ಚಾಟ್ ಟ್ರಾನ್ಸ್ ಫರ್ ಫೀಚರ್ ಬ್ಯಾಕ್ ಅಪ್ ಹಾಗೂ ರೀಸ್ಟೋರ್ ಚಾಟ್ ಹಿಸ್ಟರಿ ಗಿಂತ ಹೆಚ್ಚು ವೈಶಿಷ್ಟ್ಯ ಹಾಗೂ ಪರಿಣಾಮಕಾರಿಯಾಗಿದೆ ಎನ್ನಲಾಗಿದೆ.
ಡೇಟಾ ವರ್ಗಾವಣೆಯಲ್ಲಿ, ಡೇಟಾವನ್ನು ಎರಡು ಸಾಧನಗಳ ನಡುವೆ ಮಾತ್ರ ಹಂಚಿಕೊಳ್ಳಲಾಗುತ್ತದೆ ಮತ್ತು ಸಂಪೂರ್ಣವಾಗಿ ಎನ್ಕ್ರಿಪ್ಟ್ ಮಾಡಲಾಗಿದೆ ಎಂದು ವಾಟ್ಸ್ ಆಪ್ ಹೇಳಿಕೊಂಡಿದೆ.
ಹಳೆಯ ಮತ್ತು ಹೊಸ ಎರಡೂ ಮೊಬೈಲ್ ಗಳನ್ನು ಒಂದೇ ವೈಫೈ ನೆಟ್ವರ್ಕ್ಗೆ ಕನೆಕ್ಟ್ ಮಾಡಿ.
ನಂತರ ನಿಮ್ಮ ಹಳೆಯ ಮೊಬೈಲ್ ನಲ್ಲಿನ ವಾಟ್ಸ್ ಆಪ್ ತೆರೆಯಿರಿ.
ಬಳಿಕ ಸೆಟ್ಟಿಂಗ್ ಗೆ ಹೋಗಿ, ಚಾಟ್ಸ್ ಮೇಲೆ ಟ್ಯಾಪ್ ಮಾಡಿ ಮತ್ತು ಚಾಟ್ ವರ್ಗಾವಣೆ ಮೇಲೆ ಟ್ಯಾಪ್ ಮಾಡಿ.
ಹೊಸ ಫೋನ್ನಿಂದ ಕ್ಯು ಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಲು ಬಳಕೆದಾರರು ಪ್ರಾಂಪ್ಟ್ ಸಿಗುತ್ತದೆ.
ಹೊಸ ಕ್ಯು ಆರ್ ಕೋಡ್ ಆಧಾರಿತ ಚಾಟ್ ವರ್ಗಾವಣೆಯೊಂದಿಗೆ ಬಳಕೆದಾರರು ದೊಡ್ಡ ಮೀಡಿಯಾ ಫೈಲ್ಗಳನ್ನು ಟ್ರಾನ್ಸ್ ಫರ್ ಮಾಡಬಹುದು.