ಇಸ್ರೋ ಉಡಾವಣೆ ಮಾಡಿದ ಚಂದ್ರಯಾನ-3 ಬುಧವಾರ ಯಶಸ್ವಿಯಾಗಿ ಚಂದ್ರನ ಮೇಲ್ಮೈಯಲ್ಲಿ ಸಾಫ್ಟ್ ಆಗಿ ಲ್ಯಾಂಡ್ ಆಗಿದೆ. ಇನ್ನು ಚಂದ್ರಯಾನದ ಲ್ಯಾಂಡಿಂಗ್ ನ ಯೂಟ್ಯೂಬ್ ನೇರಪ್ರಸಾರ ಕೂಡ ವಿಶ್ವ ದಾಖಲೆ ನಿರ್ಮಿಸಿದೆ.
ಚಂದ್ರಯಾನ-3 ನ ಯೂಟ್ಯೂಬ್ ನೇರ ಪ್ರಸಾರ ಸ್ಪ್ಯಾನಿಷ್ ಸ್ಟ್ರೀಮರ್ ಇಬಾಯ್ ಅವರ 3.4 ಮಿಲಿಯನ್ ವೀಕ್ಷಣೆಯ ವಿಶ್ವ ದಾಖಲೆಯನ್ನು ಈ ನೇರಪ್ರಸಾರ ಮುರಿದಿದೆ.
ಚಂದ್ರಯಾನ 3 ನೇರಪ್ರಸಾರವನ್ನು 3.6 ಮಿಲಿಯನ್ ಜನರು ಯೂಟ್ಯೂಬ್ನಲ್ಲಿ ವೀಕ್ಷಿಸಿದ್ದಾರೆ. ಇದು ಯೂಟ್ಯೂಬ್ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ನ ಹೊಸ ವಿಶ್ವ ದಾಖಲೆಯಾಗಿದೆ.
ಇಸ್ರೋ ಚಂದ್ರಯಾನ-3ರ ವಿಕ್ರಮ್ ಲ್ಯಾಂಡರ್ ಚಂದ್ರನ ಮೇಲ್ಮೈಯಲ್ಲಿ ಯಶಸ್ವಿಯಾಗಿ ಲ್ಯಾಂಡಿಂಗ್ ಮಾಡಿದೆ. ಚಂದ್ರನ ದಕ್ಷಿಣ ಧ್ರುವದಲ್ಲಿ ವಿಕ್ರಮ್ ಲ್ಯಾಂಡರ್ ಅನ್ನು ಸುಸೂತ್ರವಾಗಿ ಇಳಿಸಿದ ಮೊದಲ ದೇಶವಾಗಿ ಭಾರತ ಹೊರಹೊಮ್ಮಿದೆ.