ನ್ಯೂಯಾರ್ಕ್ ನಗರ ಸೇರಿದಂತೆ ಅಮೆರಿಕದ ನಗರಗಳಲ್ಲಿ ಸರ್ಕಾರಿ ಸ್ವಾಮ್ಯದ ಸಾಧನಗಳಲ್ಲಿ ಟಿಕ್ ಟಾಕ್ ಅನ್ನು ನಿಷೇಧಿಸಿದೆ.
ಅಮೆರಿಕ ಸರ್ಕಾರಿ ನೌಕರರು ಇನ್ಮುಂದೆ ನ್ಯೂಯಾರ್ಕ್ ನಗರದ ಸರ್ಕಾರಿ ಸ್ವಾಮ್ಯದ ಸಾಧನಗಳು ಮತ್ತು ನೆಟ್ ವರ್ಕ್ ಗಳಲ್ಲಿ ಟಿಕ್ ಟಾಕ್ ಅಪ್ಲಿಕೇಷನ್ ಅನ್ನು ಬಳಸುವಂತಿಲ್ಲ ಎಂದಿದೆ.
ನ್ಯೂಯಾರ್ಕ್ ನಲ್ಲಿ ಈಗಾಗಲೇ ಮೊಬೈಲ್ ಸಾಧನಗಳಲ್ಲಿ ಟಿಕ್ ಟಾಕ್ ಅನ್ನು ನಿಷೇಧಿಸಲಾಗಿದೆ. ಟಿಕ್ ಟಾಕ್ ಬಳಕೆದಾರರ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ರಕ್ಷಿಸಲು ಮಹತ್ವದ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ನ್ಯೂಯಾರ್ಕ್ ನ ಸಿಟಿ ಮೇಯರ್ ಎರಿಕ್ ಆಡಮ್ಸ್ ತಿಳಿಸಿದ್ದಾರೆ.
ಚೀನಾದ ಟಿಕ್ ಟಾಕ್ ದೈತ್ಯ ಬೈಟ್ ಡ್ಯಾನ್ಸ್ ಒಡೆತನದಲ್ಲಿದೆ. ಚೀನಾದ ಅಪ್ಲಿಕೇಷನ್ ನಿಷೇಧಿಸುವಂತೆ ಯುಎಸ್ ಶಾಸಕಾಂಗಗಳಿಂದ ಒತ್ತಡ ಹೆಚ್ಚುತ್ತಿದೆ. ಈ ಹಿನ್ನೆಲೆ ಸರ್ಕಾರದ ಆದೇಶದ ಮೇರೆಗೆ ಸಿಟಿ ಏಜೆನ್ಸಿಗಳು 30 ದಿನಗಳಲ್ಲಿ ಈ ಅಪ್ಲಿಕೇಷನ್ ಅನ್ನು ತೆಗೆದುಹಾಕಬೇಕಿದೆ.
ಈ ಹಿಂದೆ ಡೊನಾಲ್ಡ್ ಟ್ರಪ್ ಅವರ ಅಧ್ಯಕ್ಷತೆಯಲ್ಲಿ ಟಿಕ್ ಟಾಕ್ ಹೊಸ ಡೌನ್ ಲೋಡ್ ಗಳನ್ನು ನಿಷೇಧಿಸಲು ಯತ್ನಿಸಿದ್ದರು. ಆದರೆ ಈ ನಿರ್ಬಂಧವನ್ನು ನ್ಯಾಯಾಲಯ ಜಾರಿಗೆ ತರದಂತೆ ಆದೇಶಿಸಿದೆ.