ಕರ್ನಾಟಕದ 4 ಕಡೆ ಸೇರಿದಂತೆ ದೇಶಾದ್ಯಂತ ಆಯ್ದ ಕೆಲವು ಕಡೆ 50 ರೈಲ್ವೆ ನಿಲ್ದಾಣಗಳಲ್ಲಿ ಜನೌಷಧಿ ಕೇಂದ್ರಗಳನ್ನು ಸ್ಥಾಪಿಸಲು ಇಲಾಖೆ ನಿರ್ಧಾರಿಸಿದೆ.
ಭಾರತೀಯ ರೈಲ್ವೆಯ ಸೌಕರ್ಯ ವ್ಯವಸ್ಥೆಯಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಗಮನಾರ್ಹ ಪರಿವರ್ತನೆ ಕಾಣುತ್ತಿದೆ. ಪ್ರಯಾಣಿಕರ ಸುರಕ್ಷತೆಗಾಗಿ ಇಲಾಖೆ ಬಹಳಷ್ಟು ಕ್ರಮಗಳನ್ನು ಕೈಗೊಳ್ಳುತ್ತಾ ಬರುತ್ತಿದೆ. ಸಾಮಾನ್ಯ ಜನರಿಗೆ ಉಪಯೋಗವಾಗುವಂತಹ ಸಾಕಷ್ಟು ಸೌಲಭ್ಯಗಳನ್ನು ಒದಗಿಸುತ್ತಿದೆ. ಇದೀಗ ರೈಲ್ವೆ ನಿಲ್ದಾಣಗಳಲ್ಲಿ ಔಷಧ ಪೂರೈಕೆಯನ್ನೂ ಮಾಡಲು ಸರ್ಕಾರ ನಿರ್ಧರಿಸಿದೆ. ಪ್ರಾಯೋಗಿಕ ಹಂತವಾಗಿ, ಆಯ್ದ ರೈಲ್ವೆ ನಿಲ್ದಾಣಗಳಲ್ಲಿ ಪ್ರಧಾನಮಂತ್ರಿ ಭಾರತೀಯ ಜನೌಷಧಿ ಕೇಂದ್ರಗಳನ್ನು ತೆರೆಯಲಾಗುತ್ತದೆ. ಇದರಿಂದ ರೈಲ್ವೆ ಪ್ರಯಾಣದ ವೇಳೆ ಅಗತ್ಯ ಔಷಧಿಗಳಿಗೋಸ್ಕರ ಅಲೆದಾಡುವ ಅವಶ್ಯಕತೆ ಇರದೇ, ರೈಲ್ವೆ ನಿಲ್ದಾಣದಲ್ಲೇ ಔಷಧಗಳು ಇನ್ನುಮುಂದೆ ದೊರೆಯುವಂತಾಗುತ್ತದೆ.
ರೈಲ್ವೆ ಇಲಾಖೆ ತನ್ನ ನಿಲ್ದಾಣಗಳಲ್ಲಿ ಜನೌಷಧಿ ಮಳಿಗೆ ತೆರೆಯಲು 50 ಸ್ಥಳಗಳನ್ನು ಗುರುತಿಸಿರುವುದು ತಿಳಿದುಬಂದಿದೆ.
ವರದಿ ಪ್ರಕಾರ, ಇದರಲ್ಲಿ ಕರ್ನಾಟಕದ ಈ ನಾಲ್ಕು ನಿಲ್ದಾಣಗಳಿವೆ:
ಬೆಂಗಳೂರಿನ ಬಯ್ಯಪ್ಪನಹಳ್ಳಿಯಲ್ಲಿರುವ ಎಸ್ಎಂವಿಟಿ ನಿಲ್ದಾಣ (ಸರ್ ಎಂ ವಿಶ್ವೇಶ್ವರಯ್ಯ ಟರ್ಮಿನಲ್),
ಬಂಗಾರಪೇಟೆ,
ಹುಬ್ಬಳ್ಳಿ ಜಂಕ್ಷನ್ ಮತ್ತು
ಮೈಸೂರಿನ ರೈಲ್ವೆ ನಿಲ್ದಾಣಗಳಲ್ಲಿ ಜನೌಷಧಿ ಮಳಿಗೆಗಳು ಬರಲಿವೆ.
ಜನೌಷಧಿ ಕೇಂದ್ರಗಳು ಸ್ಥಾಪನೆಯಾಗಲಿರುವ 50 ರೈಲ್ವೆ ನಿಲ್ದಾಣಗಳ ಪಟ್ಟಿ
ತಿರುಪತಿ
ನ್ಯೂ ತೀನ್ಸುಕಿಯಾ
ಲುಮ್ಡಿಂಗ್
ರಂಗಿಯಾ
ದರ್ಭಂಗಾ
ಪಾಟ್ನಾ
ಕಟಿಹಾರ್
ಜಂಜಗೀರ್ ನಾಯ್ಲಾ
ಬಾಗ್ಬಹಾರಾ
ಆನಂದ್ ವಿಹಾರ್
ಅಂಕಲೇಶ್ವರ್
ಮಹೇಸಾನ ಜಂಕ್ಷನ್
ಸಿನಿ ಜಂಕ್ಷನ್
ಶ್ರೀನಗರ್
ಎಸ್ಎಂವಿಟಿ ಬೆಂಗಳೂರು
ಬಂಗಾರಪೇಟೆ
ಮೈಸೂರು
ಹುಬ್ಬಳ್ಳಿ ಜಂಕ್ಷನ್
ಪಾಲಕ್ಕಾಡ್
ಪೇಂಡ್ರಾ ರೋಡ್
ರಟ್ಲಮ್
ಮದನ್ ಮಹಲ್
ಬಿನಾ
ಲೋಕಮಾನ್ಯ ತಿಲಕ್ ಟರ್ಮಿನಸ್
ಮನ್ಮಾದ್
ಪಿಂಪ್ರಿ
ಸೋಲಾಪುರ್
ನೈನ್ಪುರ್
ನಗಭೀರ್
ಮಲದ್
ಖುರ್ದಾ ರೋಡ್
ಫಗವಾರ
ರಾಜಪುರ
ಸವಾಯ್ ಮಾಧೋಪುರ್
ಭಗತ್ ಕಿ ಕೋತಿ
ತಿರುಚ್ಚಿರಾಪಳ್ಳಿ ಜಂಕ್ಷನ್
ಈರೋಡ್
ದಿಂಡಿಗಲ್ ಜಂಕ್ಷನ್
ಸಿಕಂದರಾಬಾದ್
ಪಂಡಿತ್ ದೀನ್ ದಯಾಳ್ ಉಪಾಧ್ಯಾಯ ಜಂಕ್ಷನ್
ವೀರಾಂಗನ ಲಕ್ಷ್ಮೀಬಾಯಿ
ಲಕ್ನೋ ಜಂಕ್ಷನ್
ಗೋರಖಪುರ್ ಜಂಕ್ಷನ್
ಬನಾರಸ್
ಆಗ್ರಾ ಕಂಟೋನ್ಮೆಂಟ್
ಮಥುರಾ
ಯೋಗ ನಗರಿ ರಿಷಿಕೇಶ್
ಕಾಶಿಪುರ್
ಮಾಲ್ಡಾ ಟೌನ್
ಖರಗಪುರ್ಪಿಎಂ
ಜನೌಷಧಿ ಕೇಂದ್ರಗಳ ವಿಶೇಷತೆ ಏನು?
ಜನಸಾಮಾನ್ಯರಿಗೆ ಕಡಿಮೆ ಬೆಲೆಗೆ ಉತ್ತಮ ಗುಣಮಟ್ಟದ ಔಷಧಗಳನ್ನು ಒದಿಗಿಸುವ ಉದ್ದೇಶದಿಂದ ಭಾರತೀಯ ಜನೌಷಧಿ ಕೇಂದ್ರಗಳು ಹುಟ್ಟಿಕೊಂಡಿವೆ. ಇದರಲ್ಲಿ ಜೆನೆರಿಕ್ ಮೆಡಿಸಿನ್ಗಳು ದೊರೆಯುತ್ತವೆ. ಜೆನೆರಿಕ್ ಔಷಧಿಗಳನ್ನು ತಯಾರಿಸುವ ಫಾರ್ಮಾ ಕಂಪನಿಗಳೊಂದಿಗೆ ಸರ್ಕಾರ ಒಪ್ಪಂದ ಮಾಡಿಕೊಂಡಿದ್ದು, ಕಡಿಮೆ ಬೆಲೆಗೆ ಔಷಧಗಳನ್ನು ಈ ಕಂಪನಿಗಳು ತಯಾರಿಸಿ ಸರಬರಾಜು ಮಾಡುತ್ತವೆ. ಜನೌಷಧಿ ಕೇಂದ್ರಗಳನ್ನು ಫಾರ್ಮಸಿ ವಿದ್ಯಾಭ್ಯಾಸ ಮಾಡಿರುವ ಯಾರು ಬೇಕಾದರೂ ತೆರೆಯಬಹುದು. ಇದು ಸ್ವಂತ ಉದ್ಯೋಗದ ಅವಕಾಶವಿದ್ದ ಹಾಗೆ ಎಂದು ಹೇಳಬಹುದು.
ರೈಲ್ವೆ ನಿಲ್ದಾಣಗಳಲ್ಲಿ ಜನೌಷಧಿ ಕೇಂದ್ರಗಳನ್ನು ತೆರೆಯಲು ಆನ್ಲೈನ್ನಲ್ಲಿ ಹರಾಜು ನಡೆಸಲಾಗುತ್ತದೆ. ಪರವಾನಿಗೆ ಹೊಂದಿರುವ ವ್ಯಕ್ತಿಗಳಿಗೆ ಮಳಿಗೆ ಸ್ಥಾಪಿಸಲು ರೈಲ್ವೆ ನಿಲ್ದಾಣಗಳಲ್ಲಿ ಸ್ಥಳ ಕೊಡಲಾಗುವುದು. ಪರವಾನಿಗೆ ಹೊಂದಿದ ಯಾವುದೇ ಅಭ್ಯರ್ಥಿಗಳು ಇದಕ್ಕೆ ಅರ್ಜಿ ಸಲ್ಲಿಸಬಹುದು.