ನೀವು ಸ್ಮಾರ್ಟ್ಫೋನ್ ಉಪಯೋಗಿಸುತ್ತಿದ್ದರೆ, ನಿಮ್ಮದು ಯಾವ ಮೊಬೈಲ್ ಎನ್ನುವುದನ್ನು ಖಚಿತಪಡಿಸಿಕೊಳ್ಳಿ. ಯಾಕೆಂದರೆ ಮುಂದಿನ ತಿಂಗಳು ಅಂದರೆ ಆಗಸ್ಟ್ 1 ರಿಂದ ಕೆಲವು ಸ್ಮಾರ್ಟ್ಫೋನ್ಗಳು ಕಾರ್ಯನಿರ್ವಹಿಸುವುದಿಲ್ಲ. ಕೆಲ ಆಂಡ್ರಾಯ್ಡ್ ಸ್ಮಾರ್ಟ್ಫೋನುಗಳಿಗೆ ಗೂಗಲ್ ಬೆಂಬಲಿಸುವುದಿಲ್ಲ ಎಂದು ಸುದ್ದಿ ಇದೆ.
ಕೆಲವು ಸ್ಮಾರ್ಟ್ಫೋನ್ಗಳಿಗೆ ಆಂಡ್ರಾಯ್ಡ್ ಬೆಂಬಲವನ್ನು ನಿಲ್ಲಿಸಲು ಗೂಗಲ್ ನಿರ್ಧರಿಸಿದೆ. ಅದರಲ್ಲಿ ಆಂಡ್ರಾಯ್ಡ್ 4.4 ಕಿಟ್ಕ್ಯಾಟ್ಗೆ ಆಂಡ್ರಾಯ್ಡ್ ಬೆಂಬಲವನ್ನು ನಿಲ್ಲಿಸಲು ಗೂಗಲ್ ನಿರ್ಧರಿಸಿದೆ ಎನ್ನಲಾಗಿದೆ. ಹೀಗೆ ಮಾಡುವುದರಿಂದ ಫೋನ್ ಸರಿಯಾಗಿ ಕಾರ್ಯನಿರ್ವಹಿಸುವುದಿಲ್ಲ. ಅಲ್ಲದೆ, ಯಾವುದೇ ಅಪ್ಲಿಕೇಶನ್ ಅನ್ನು ಬಳಸಲು ಸಾಧ್ಯವಾಗುವುದಿಲ್ಲ ಮತ್ತು ನಿಮ್ಮ ಡಾಟಾ ಕೂಡ ಸುರಕ್ಷತೆಯಲ್ಲಿ ಇರುವುದಿಲ್ಲ.
ಕಿಟ್ಕ್ಯಾಟ್ ಆಂಡ್ರಾಯ್ಡ್ ಆವೃತ್ತಿಯನ್ನು 2013 ರಲ್ಲಿ ಪ್ರಾರಂಭಿಸಲಾಗಿತ್ತು. ನಿಮ್ಮ ಸ್ಮಾರ್ಟ್ಫೋನ್ ಕಿಟ್ಕ್ಯಾಟ್ ಅಥವಾ ಆಂಡ್ರಾಯ್ಡ್ನ ಹಿಂದಿನ ಆವೃತ್ತಿಯ ಮೂಲಕ ಕೆಲಸ ಮಾಡುತ್ತಿದ್ದರೆ, ಗೂಗಲ್ ತನ್ನ ಬೆಂಬಲವನ್ನು ನಿಲ್ಲಿಸಲಿದೆ. ಸರಳವಾಗಿ ಹೇಳಬೇಕೆಂದರೆ ಸುಮಾರು 10 ವರ್ಷಗಳಷ್ಟು ಹಳೆಯದಾದ ಸ್ಮಾರ್ಟ್ಫೋನ್ಗಳನ್ನು ಗೂಗಲ್ ಸಿಸ್ಟಮ್ ಕಾರ್ಯನಿರ್ವಹಿಸುವುದಿಲ್ಲ. ವರದಿಗಳ ಪ್ರಕಾರ, ಆಗಸ್ಟ್ 1 ರಿಂದ ದೇಶಾದ್ಯಂತ ಗೂಗಲ್ ಬೆಂಬಲವನ್ನು ನಿಲ್ಲಿಸಲಿದೆ ಎಂದು ಹೇಳಿಕೂಂಡಿದೆ.
ಇದು ಪ್ರಸ್ತುತ ಕೇವಲ ಶೇ. 1 ರಷ್ಟು ಆಂಡ್ರಾಯ್ಡ್ ಸ್ಮಾರ್ಟ್ಫೋನ್ಗಳು ಮತ್ತು ಟ್ಯಾಬ್ಲೆಟ್ಗಳು ಆಂಡ್ರಾಯ್ಡ್ ಕಿಟ್ಕ್ಯಾಟ್ ಆಂಡ್ರಾಯ್ಡ್ ಸಿಸ್ಟಮ್ ಅನ್ನು ಆಧರಿಸಿವೆ. ಈ ಸ್ಮಾರ್ಟ್ಫೋನ್ನಲ್ಲಿ ಗೂಗಲ್ನ ಯಾವ ಸೇವೆಗಳು ಕೆಲಸ ಮಾಡುವುದಿಲ್ಲ ಮತ್ತು ಅದರಲ್ಲಿ ಗೂಗಲ್ ಪ್ಲೇ ಸ್ಟೋರ್ ಕೂಡ ಓಪನ್ ಆಗುವವುದಿಲ್ಲವೆಂದು ಗೂಗಲ್ ತಿಳಿಸಿದೆ.
ಗೂಗಲ್ ಪ್ಲೇ ಬೆಂಬಲವನ್ನು ನಿಲ್ಲಿಸಿದ ಕೂಡಲೇ ಆಪರೇಟಿಂಗ್ ಸಿಸ್ಟಮ್ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವುದು ಆಫ್ ಆಗಿ ಬಿಡುತ್ತದೆ. ನಿಮ್ಮ ಫೋನ್ ಆ ಸಮಯದಲ್ಲಿ ಸುರಕ್ಷಿತ ಅಲ್ಲ ಎನ್ನಬಹುದು. ಹೀಗಿದ್ದಾಗ ನಿಮ್ಮ ಫೋನ್ ಅನ್ನು ಬದಲಾಯಿಸುವುದು ಉತ್ತಮ ಆಯ್ಕೆಯಾಗಿದೆ. ಲೇಟೆಸ್ಟ್ ಮೊಬೈಲನ್ನು ನೀವು ಬಳಕೆ ಮಾಡುವುದು ಉತ್ತಮ.