ಈಗಂತೂ ರಸ್ತೆಯ ಎಲ್ಲಾ ಕಡೆಯಲ್ಲಿಯೂ ಟೋಲ್ ಗಳದೇ ಹಾವಳಿ. ಟೋಲ್ ಬೂತ್ಗಳಲ್ಲಿ ಸರದಿಯಲ್ಲಿ ತುಂಬಾ ಹೊತ್ತು ಕಾಯಬೇಕಾದ ಕಷ್ಟಕ್ಕೆ ಪರಿಹಾರ ರೂಪದಲ್ಲಿ ಬಂದ ವ್ಯವಸ್ಥೆ ಫಾಸ್ಟ್ ಟ್ಯಾಗ್. ಇದರಿಂದ ಹೆದ್ದಾರಿಗಳಲ್ಲಿ ಟೋಲ್ ಪಾವತಿ ಸುಲಭವಾಗಿದೆ ಎಂಬುದೂ ಸತ್ಯ. ವಾಹನ ಸವಾರರನ್ನು ಈ ಕಾಯುವಿಕೆಯಿಂದ ತಪ್ಪಿಸುವ ಸಲುವಾಗಿ ರಸ್ತೆ ಸಾರಿಗೆ ಮತ್ತು ಹೆದ್ದಾರಿಗಳ ಸಚಿವಾಲಯ 2016ರಲ್ಲಿ ಫಾಸ್ಟ್ ಟ್ಯಾಗ್ ಎಂಬ ಹೊಸ ವ್ಯವಸ್ಥೆಯನ್ನು ಪ್ರಾರಂಭಿಸಿತ್ತು. ಇದು ಅಷ್ಟೇ ವೇಗದಲ್ಲಿ ಜನಪ್ರಿಯ ಆಗಿಹೋಯಿತು.
ಫಾಸ್ಟ್ ಟ್ಯಾಗ್ ಎಲೆಕ್ಟ್ರಾನಿಕ್ ಟೋಲ್ ಸಂಗ್ರಹ ವ್ಯವಸ್ಥೆ. ವಾಹನದ ಮೇಲೆ ಇರುವ ಟ್ಯಾಬ್ ಮೂಲಕ ಸ್ವಯಂಚಾಲಿತವಾಗಿ ಖಾತೆಯಿಂದ ಟೋಲ್ ಮೊತ್ತ ಕಡಿತವಾಗುತ್ತದೆ. ಹೀಗಾಗಿ ವಾಹನ ಸವಾರರಿಗೆ ಟೋಲ್ ಪ್ಲಾಜಾಗಳಲ್ಲಿ ಟೋಲ್ ಪಾವತಿ ಸುಲಭವಾಗಿಸುವ ಜೊತೆಗೆ ತ್ವರಿತವಾಗಿ ಸಾಗುವುದಕ್ಕೂ ಈ ವ್ಯವಸ್ಥೆ ಅನುವು ಮಾಡಿಕೊಡುತ್ತದೆ.
ರೇಡಿಯೋ ಫ್ರೀಕ್ವೆನ್ಸಿ ಐಡೆಂಟಿಫಿಕೇಷನ್ (ಆರ್ಎಫ್ಐಡಿ) ಪ್ರೋಗ್ರಾಂ ಆಧಾರದಲ್ಲಿ ಫಾಸ್ಟ್ಯಾಗ್ ಕಾರ್ಯನಿರ್ವಹಿಸುತ್ತದೆ. ಇದು ವಾಹನದ ವಿಂಡ್ಸ್ಕ್ರೀನ್ಗೆ ಅಂಟಿಸಲಾಗಿರುವ ಟ್ಯಾಗ್ ಆಗಿದ್ದು, ಇದನ್ನು ಬ್ಯಾಂಕ್ ಖಾತೆ ಅಥವಾ ಪ್ರಿಪೇಯ್ಡ್ ಕಾರ್ಡ್ಗಳಿಗೆ ಲಿಂಕ್ ಮಾಡಲಾಗಿರುತ್ತದೆ. ಫಾಸ್ಟ್ಯಾಗ್ ಲಗತ್ತಿಸಿರುವ ವಾಹನ ಟೋಲ್ ಪ್ಲಾಜಾವನ್ನು ಸಮೀಪಿಸುತ್ತಿದ್ದಂತೆಯೇ, ಪ್ಲಾಜಾದಲ್ಲಿರುವ ಸ್ಕ್ಯಾನರ್ಗಳು ಟ್ಯಾಗ್ ಅನ್ನು ಗುರುತಿಸುತ್ತವೆ ಮತ್ತು ಲಿಂಕ್ ಮಾಡಿರುವ ಬ್ಯಾಂಕ್ ಖಾತೆ ಅಥವಾ ಪ್ರಿಪೇಯ್ಡ್ ಕಾರ್ಡುಗಳಿಂದ ನಿಗದಿತ ತೆರಿಗೆಯನ್ನು ಕಡಿತಗೊಳಿಸುತ್ತದೆ. ಕ್ಷಣಾರ್ಧದಲ್ಲಿ ಈ ಪ್ರಕ್ರಿಯೆ ಮುಗಿದುಬಿಡುತ್ತದೆ.
ಫಾಸ್ಟ್ ಟ್ಯಾಗ್ ಬ್ಯಾಲೆನ್ಸ್ ಚೆಕ್ :
ಫಾಸ್ಟ್ ಟ್ಯಾಗ್ ಪ್ರಯಾಣಕ್ಕೆ ಮುನ್ನ ಫಾಸ್ಟ್ ಟ್ಯಾಗ್ ನಲ್ಲಿ ಬ್ಯಾಲೆನ್ಸ್ ಎಷ್ಟಿದೆ ಎಂಬುದು ನೋಡಿಕೊಳ್ಳುವುದು ಬಹಳ ಉತ್ತಮ. ನಾವು ಫಾಸ್ಟ್ ಟ್ಯಾಗ್ ಲ್ಲಿರುವ ಬ್ಯಾಲೆನ್ಸ್ ಅನ್ನು ಗೂಗಲ್ ಪೇ, ಫೋನ್ ಪೇ ಮತ್ತು ಪೇಟಿಯಮ್ನಲ್ಲೂ ಚೆಕ್ ಮಾಡಿಕೊಳ್ಳಬಹುದಾಗಿದೆ.
ಇವುಗಳಿಂದ ಬ್ಯಾಲೆನ್ಸ್ ಪರಿಶೀಲಿಸುವುದು ಹೇಗೆ?
ಗೂಗಲ್ ಪೇ:
ನಿಮ್ಮ ಫೋನ್ನಲ್ಲಿ ಗೂಗಲ್ ಪೇ ಅಪ್ಲಿಕೇಶನ್ ತೆರೆಯಿರಿ
ರೀಚಾರ್ಜ್ ಮತ್ತು ಬಿಲ್ ಪಾವತಿ’ ಟ್ಯಾಬ್ ಮೇಲೆ ಟ್ಯಾಪ್ ಮಾಡಿ
ಫಾಸ್ಟ್ ಟ್ಯಾಗ್ ರೀಚಾರ್ಜ್ ಆಯ್ಕೆಯನ್ನು ಟ್ಯಾಪ್ ಮಾಡಿ
ಇಲ್ಲಿ ನಿಮ್ಮ ಬ್ಯಾಂಕ್ ಅನ್ನು ಆಯ್ಕೆ ಮಾಡಿ
ವಾಹನ ನೋಂದಣಿ ಸಂಖ್ಯೆಯನ್ನು.
ನಮೂದಿಸಿ `ವ್ಯೂ ಬ್ಯಾಲೆನ್ಸ್’ ಬಟನ್
ಅನ್ನು ಟ್ಯಾಪ್ ಮಾಡಿದರೆ ನಿಮ್ಮ ಬ್ಯಾಲೆನ್ಸ್
ಅನ್ನು ತಿಳಿದುಕೊಳ್ಳಬಹುದು.
ಫೋನ್ಪೇ:
ನಿಮ್ಮ ಫೋನ್ನಲ್ಲಿ ಫೋನ್ ಪೇ ಅಪ್ಲಿಕೇಶನ್ ತೆರೆಯಿರಿ
`ರೀಚಾರ್ಜ್’ ಟ್ಯಾಬ್ ಮೇಲೆ ಟ್ಯಾಪ್ ಮಾಡಿ
‘ಫಾಸ್ಟ್ ಟ್ಯಾಗ್ ಆಯ್ಕೆಯನ್ನು ಟ್ಯಾಪ್.
ಮಾಡಿ ನಿಮ್ಮ ವಾಹನದ ನೋಂದಣಿ.
ಸಂಖ್ಯೆಯನ್ನು ನಮೂದಿಸಿ `ವ್ಯೂ ಬ್ಯಾಲೆನ್ಸ್’
ಬಟನ್ ಟ್ಯಾಪ್ ಮಾಡಿದರೆ ನಿಮ್ಮ ಉಳಿದ
ಮೊತ್ತ ತಿಳಿಯುತ್ತದೆ.
ಪೇಟಿಯಮ್:
ನಿಮ್ಮ ಫೋನ್ನಲ್ಲಿ ಪೇಟಿಯಮ್ ಅಪ್ಲಿಕೇಶನ್ ತೆರೆಯಿರಿ
`ಪೇ ಬಿಲ್ಸ್’ ಟ್ಯಾಬ್ ಮೇಲೆ ಟ್ಯಾಪ್ ಮಾಡಿ
`ಫಾಸ್ಟ್ ಟ್ಯಾಗ್ ಆಯ್ಕೆಯನ್ನು ಟ್ಯಾಪ್
ಮಾಡಿ ವಾಹನ ನೋಂದಣಿ ಸಂಖ್ಯೆಯನ್ನು.
ನಮೂದಿಸಿ `ವ್ಯೂ ಬ್ಯಾಲೆನ್ಸ್’ ಬಟನ್
ಅನ್ನು ಟ್ಯಾಪ್ ಮಾಡಿ ಹೀಗೆ ನಿಮ್ಮ ಫಾಸ್ಟ್
ಟ್ಯಾಗ್ ಬ್ಯಾಲೆನ್ಸ್ ಅನ್ನು ಪರಿಶೀಲನೆ.
ಮಾಡಿಕೊಳ್ಳಬಹುದು.
ಹೀಗೆ ದೂರ ಪ್ರಯಾಣದ ವೇಳೆ ಮುಂಚಿತವಾಗಿ ಬ್ಯಾಲೆನ್ಸ್ ಪರಿಶೀಲಿಸಿದರೆ ಅದಕ್ಕೆ ಬೇಕಾದಾಗ ಹಣವನ್ನು ಟ್ರಾನ್ ಸ್ಫರ್ ಮಾಡಿಟ್ಟುಕೊಂಡರೆ ಟೋಲ್ ಪ್ಲಾಜಾದಲ್ಲಾಗುವ ಗೊಂದಲ, ಕಾಯುವಿಕೆಯಿಂದ ತಪ್ಪಿಸಿಕೊಂಡು ಆರಾಮವಾಗಿ ಪ್ರಯಾಣ ಮಾಡಬಹುದಾಗಿದೆ.