ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾದ ನಮ್ಮ ಭಾರತ ಬಹು ಆಕಾಂಕ್ಷೆಯ ಚಂದ್ರಯಾನ 3- ರಾಕೆಟ್ ನಿಗದಿತ ಸಮಯಕ್ಕೆ ಮಧ್ಯಾಹ್ನ 2:35 ಕ್ಕೆ ಯಶಸ್ವಿಯಾಗಿ ಉಡಾವಣೆಗೊಂಡಿದೆ. ಆಂಧ್ರಪ್ರದೇಶದ ಸುಳ್ಳೂರು ಪೇಟೆಯಲ್ಲಿರುವ ಇಸ್ರೋದ ಶ್ರೀಹರಿಕೋಟಾ ಬಾಹ್ಯಾಕಾಶ ಕೇಂದ್ರದಿಂದ ಚಂದ್ರಯಾನ -3 ನೌಕೆಯನ್ನು ಹೊತ್ತ GSLV-MK 3 ರಾಕೆಟ್ ನಭಕ್ಕೆ ಚಿಮ್ಮಿದೆ, ರಾಕೆಟ್ ಮೂರನೇ ಹಂತದಲ್ಲಿಯೂ ಯಶಸ್ವಿಯಾಗಿ ಕಾರ್ಯನಿರ್ಸುತ್ತಿದೆ, ಎಂದು ಇಸ್ರೋ ತಿಳಿಸಿದೆ. ಇಸ್ರೋ ನೌಕೆಯು ಚಂದ್ರನ ನೆಲದಲ್ಲಿ ಇಳಿಯಲು 45 ರಿಂದ 48 ದಿನ ತೆಗೆದುಕೊಳ್ಳಬಹುದು ಎಂದು ಇಸ್ರೋ ಮಾಹಿತಿ ನೀಡಿದೆ.
ಚಂದ್ರಯಾನ-3 ಉಡಾವಣೆಗೆ ಇಸ್ರೋ ಸಕಲ ಸಿದ್ಧತೆ ಮಾಡಿಕೊಂಡು, ಇದಕ್ಕಾಗಿ ಇಡೀ ದೇಶವೇ ಕಾದಿತ್ತು. ಈ ಮಿಷನ್ ಯಶಸ್ಸು ಕಾಣಲಿ ಎಂದು ಎಲ್ಲರೂ ಹಾರೈಸಿದ್ದಾರೆ. ಬಾಲಿವುಡ್ ಸೆಲೆಬ್ರಿಟಿಗಳಾದ ಅಕ್ಷಯ್ ಕುಮಾರ್, ಅನುಪಮ್ ಖೇರ್, ರಿತೇಷ್ ದೇಶ್ಮುಖ್ ಅವರು ಇಸ್ರೋಗೆ ಶುಭಕೋರಿ ಟ್ವೀಟ್ ಮಾಡಿದ್ದಾರೆ. ಇವರ ಟ್ವೀಟ್ಗಳನ್ನು ಅಭಿಮಾನಿಗಳು ರೀಟ್ವೀಟ್ ಮಾಡಿಕೊಂಡು ಸಂತೋಷ ಪಟ್ಟಿದ್ದಾರೆ
ಅಕ್ಷಯ್ ಕುಮಾರ್ ಅವರು ‘ಮಿಷನ್ ಮಂಗಳ್’ ಸಿನಿಮಾದಲ್ಲಿ ಅಭಿನಯಿಸಿದ್ದರು. ಈ ಚಿತ್ರ 2019ರಲ್ಲಿ ರಿಲೀಸ್ ಆಗಿತ್ತು. ನೈಜ ಘಟನೆ ಆಧರಿಸಿ ಈ ಸಿನಿಮಾ ಸಿದ್ಧಗೊಂಡಿತ್ತು. ಕಡಿಮೆ ವೆಚ್ಛದಲ್ಲಿ ಇಸ್ರೋ ನಡೆಸಿದ ಮಂಗಳಯಾನ ಕುರಿತು ಈ ಸಿನಿಮಾ ಇತ್ತು. ಈ ಸಿನಿಮಾ ಹೀರೋ ಅಕ್ಷಯ್ ಕುಮಾರ್ ಅವರು ಈಗ ‘ಚಂದ್ರಯಾನ 3’ಗೆ ಶುಭ ಹಾರೈಸಿದ್ದಾರೆ.
‘ಮತ್ತೊಮ್ಮೆ ಪುಟಿದೇಳುವ ಸಮಯ ಬಂದಿದೆ. ಚಂದ್ರಯಾನ 3ಗಾಗಿ ಶ್ರಮಿಸಿದ ಎಲ್ಲಾ ವಿಜ್ಞಾನಿಗಳಿಗೆ ಆಲ್ ದಿ ಬೆಸ್ಟ್. ಕೋಟ್ಯಂತರ ಹೃದಯಗಳು ನಿಮಗಾಗಿ ಪ್ರಾರ್ಥಿಸುತ್ತಿವೆ’ ಎಂದು ಅಕ್ಷಯ್ ಕುಮಾರ್ ತಮ್ಮ ಟ್ವಿಟ್ಟರ್ ಪೇಜ್ ನಲ್ಲಿ ಬರೆದುಕೊಂಡಿದ್ದಾರೆ.
ಇಸ್ರೋ ಕ್ಯಾಪ್ ತೊಟ್ಟ ಫೋಟೋ ಹಂಚಿಕೊಂಡಿರುವ ರಿತೇಷ್ ಅವರು, ‘ಚಂದ್ರಯಾನ 3 ಉಡಾವಣೆಗೆ ಕಾದಿದ್ದೇವೆ. ಇಸ್ರೋಗೆ ಒಳ್ಳೆಯದಾಗಲಿ. ಯಶಸ್ಸಿಗಾಗಿ ನಾವು ಪಾರ್ಥಿಸುತ್ತೇವೆ. ಜೈ ಹಿಂದ್’ ಎಂದು ರಿತೇಶ್ ಬರೆದುಕೊಂಡಿದ್ದಾರೆ.
ಅನುಪಮ್ ಖೇರ್ ಅವರು ಕೂಡ ‘ಚಂದ್ರಯಾನ 3’ಗೆ ವಿಶ್ ಮಾಡಿದ್ದಾರೆ. ಈ ಉಡಾವಣೆ ಯಶಸ್ಸು ಕಾಣಲಿ ಎಂದು ಪ್ರಾರ್ಥಿಸಿದ್ದಾರೆ.