ಇಂಟರ್ನೆಟ್ ಎಲ್ಲರ ಕೈಯಲ್ಲಿ ಇರುವುದರಿಂದ ಅದನ್ನು ಬೇಕಾದ ರೀತಿಯಲ್ಲಿ ಉಪಯೋಗಿಸಿಕೊಳ್ಳಲು ಜನ ಮುಂದಾಗುತ್ತಿದ್ದಾರೆ. ಇಂಟರ್ನೆಟ್ ಬಳಕೆ ಹೆಚ್ಚಾದ ನಂತರ ಅನೇಕರು ಕಂಟೆಂಟ್ ಕ್ರಿಯೇಟರ್ಗಳಾಗಿದ್ದು ಲಕ್ಷಗಟ್ಟಲೆ ಹಣ ಮನೆಯಲ್ಲಿ ಕುಳಿತು ಸಂಪಾದಿಸುತ್ತಿದ್ದಾರೆ.
ವಿಶೇಷವಾಗಿ ಯೂಟ್ಯೂಬ್ ಪ್ಲಾಟ್ಫಾರ್ಮ್ನಲ್ಲಿ ವಿಡಿಯೋಗಳನ್ನು ಅಪ್ಲೋಡ್ ಮಾಡುತ್ತ ಅವರು ದೊಡ್ಡ ಮೊತ್ತವನ್ನು ಗಳಿಸುತ್ತಿದ್ದಾರೆ. ಅನೇಕ ಜನರು ಯೂಟ್ಯೂಬರ್ ಆಗಲು ಬಯಸುತ್ತಾರೆ.
ಪ್ರತಿ ತಿಂಗಳು ಯೋಗ್ಯ ಮೊತ್ತವನ್ನು ಗಳಿಸಲು, ಬಳಕೆದಾರರನ್ನು ಆಕರ್ಷಿಸಲು ಪ್ರತಿಭೆಯನ್ನು ಹೊಂದಿರಬೇಕು. ರಚಿಸಲಾದ ವಿಡಿಯೋಗಳು ಲಕ್ಷಾಂತರ ವೀಕ್ಷಣೆಗಳನ್ನು ಪಡೆಯಬೇಕು. ಮೊದಲನೆಯದಾಗಿ ನೀವು ಯೂಟ್ಯೂಬ್ನ ಹಣಗಳಿಕೆಗೆ ಅರ್ಹತೆಯನ್ನು ಪಡೆಯಬೇಕಾಗುತ್ತದೆ.
ಯೂಟ್ಯೂಬ್ನ ಕಂಟೆಂಟ್ ಕ್ರಿಯೇಟರ್ಸ್ ಹಣಗಳಿಕೆ ಕಾರ್ಯಕ್ರಮಕ್ಕೆ ಅರ್ಜಿ ಸಲ್ಲಿಸಲು ಕನಿಷ್ಠ 500 ಚಂದಾದಾರರನ್ನು ಹೊಂದಿರಬೇಕು. ಯೂಟ್ಯೂಬ್ ಜೂನ್ 2023 ರಲ್ಲಿ ಈ ಸಂಖ್ಯೆಯನ್ನು 1,000 ರಿಂದ 500 ಚಂದಾದಾರರಿಗೆ ಕಡಿಮೆ ಮಾಡಿದೆ.
ಅದೇ ರೀತಿ ವಿಡಿಯೋ ಅಪ್ಲೋಡ್ ಮಾಡಿದ ಒಂದು ವರ್ಷದಲ್ಲಿ ವಿಡಿಯೋಗಳು ಕನಿಷ್ಠ 3,000 ವೀಕ್ಷಣೆ ಸಮಯವನ್ನು ಹೊಂದಿರಬೇಕು ಅಥವಾ ಯೂಟ್ಯೂಬ್ ಕಿರು ವಿಡಿಯೋಗಳು 90 ದಿನಗಳಲ್ಲಿ 3 ಮಿಲಿಯನ್ ವೀಕ್ಷಣೆಗಳನ್ನು ಪಡೆದಿರಬೇಕು. ಕಳೆದ 90 ದಿನಗಳಲ್ಲಿ ಕನಿಷ್ಠ ಮೂರು ಸಾರ್ವಜನಿಕ ವಿಡಿಯೋಗಳನ್ನು ಅಪ್ಲೋಡ್ ಮಾಡಿರಬೇಕು. ಈ ವೀಡಿಯೊಗಳು ಕನಿಷ್ಠ 10 ನಿಮಿಷಗಳ ಕಾಲ ಇರಬೇಕು. ಇವುಗಳು ಯೂಟ್ಯೂಬ್ನ ನಿಯಮಗಳನ್ನು ಸಹ ಅನುಸರಿಸಬೇಕಾಗಿರುತ್ತದೆ. ಅದೇ ರೀತಿ ಚಾನೆಲ್ ಉತ್ತಮ ಸ್ಥಿತಿಯಲ್ಲಿರಬೇಕು. ಚಾನೆಲ್ನಲ್ಲಿ ಯಾವುದೇ ಸ್ಟ್ರೈಕ್ಗಳಿರಬಾರದು ಎಂಬ ಷರತ್ತುಗಳು ಇರುತ್ತವೆ.
ಒಮ್ಮೆ ಈ ಅವಶ್ಯಕತೆಗಳನ್ನು ತಲುಪಿದ ನಂತರ, ನೀವು ಯೂಟ್ಯೂಬ್ ಪಾಲುದಾರ ಕಾರ್ಯಕ್ರಮದ ನಿಯಮಗಳು ಮತ್ತು ಷರತ್ತುಗಳಿಗೆ ಅಪ್ಲೈ ಮಾಡ್ಬೇಕು. ಅಂತಿಮವಾಗಿ ಈ ಮಾನಿಟೈಸೇಶನ್ಗೆ ಅರ್ಜಿ ಸಲ್ಲಿಸಬಹುದು. ನೀವು ಕಂಪನಿಯಿಂದ ಅನುಮೋದನೆ ಪಡೆದರೆ, ನೀವು ಯೂಟ್ಯೂಬ್ ವಿಡಿಯೋಗಳಿಂದ ಹಣ ಸಂಪಾದಿಸಲು ಪ್ರಾರಂಭಿಸಬಹುದು.ನೀವು ಪ್ರೀ-ರೋಲ್ ಜಾಹೀರಾತುಗಳ ಮೂಲಕ ಮಾತ್ರವಲ್ಲದೆ, ಚಾನಲ್ ಸದಸ್ಯತ್ವಗಳು, ಸೂಪರ್ ಚಾಟ್, ಸೂಪರ್ ಸ್ಟಿಕ್ಕರ್ಗಳು, ಸೂಪರ್ ಥ್ಯಾಂಕ್ಸ್ ಇತ್ಯಾದಿಗಳ ಮೂಲಕವೂ ಹಣಗಳಿಸುವ ಅವಕಾಶ ನಿಮಗೆ ದೊರೆಯುತ್ತದೆ.
ಯೂಟ್ಯೂಬ್ ಶಾಪಿಂಗ್ನಲ್ಲಿ ಉತ್ಪನ್ನಗಳನ್ನು ಪ್ರಚಾರ ಮಾಡುವ ಮೂಲಕ ನೀವು ಹಣವನ್ನು ಗಳಿಸಬಹುದಾಗಿದೆ. ಕಾಸ್ಟ್ ಪರ್ ಇಂಪ್ರೆಷನ್ಸ್ ಎಂಬ ವ್ಯವಸ್ಥೆಯ ಮೂಲಕ ಯೂಟ್ಯೂಬ್ ಕ್ರಿಯೇಟರ್ಸ್ಗೆ ಹಣ ಪಾವತಿಸುತ್ತದೆ. ಪ್ರತಿ 1,000 ಇಂಪ್ರೆಶನ್ಗಳಿಗೆ ಈ ಮೊತ್ತವನ್ನು ಪಾವತಿಸಲು ಯೂಟ್ಯೂಬ್ ನಿರ್ಧರಿಸುತ್ತದೆ. ಅಂದರೆ ರಚನೆಕಾರರ ವಿಡಿಯೋದಲ್ಲಿ ಜಾಹೀರಾತು ನೀಡುವ ಜಾಹೀರಾತುದಾರರು ಪ್ರತಿ 1,000 ವೀಕ್ಷಣೆಗಳು ಅಥವಾ ವಿಡಿಯೋ ಸ್ವೀಕರಿಸುವ ಇಂಪ್ರೆಶನ್ಗಳಿಗೆ ನಿರ್ದಿಷ್ಟ ಮೊತ್ತವನ್ನು ಯೂಟ್ಯೂಬ್ಗೆ ಪಾವತಿಸಲಾಗುತ್ತದೆ. ಯೂಟ್ಯೂಬ ಜಾಹೀರಾತು ಆದಾಯದ 45% ತೆಗೆದುಕೊಳ್ಳುತ್ತದೆ. ಉಳಿದ 55% ರಚನಾಕಾರರ ಪಾಲಾಗುತ್ತದೆ. ಹೀಗೆ ಯುಟ್ಯೂಬ್ ನಿಂದ ಸಾಕಷ್ಟು ಹಣವನ್ನು ಪಡೆದುಕೊಳ್ಳಬಹುದಾಗಿದೆ.