ನಾಯಿಗಳನ್ನು ಸಾಕುವುದೆಂದರೆ ಮಕ್ಕಳನ್ನು ನೋಡಿಕೊಳ್ಳುವಂತೆಯೇ, ಅದರ ಗುಣ, ನಡತೆಗೆ ಅನುಗುಣವಾಗಿ ಅದಕ್ಕೆ ಆಹಾರ, ಪೋಷಣೆ ಮಾಡಬೇಕಾಗುತ್ತದೆ. ಹಾಗಾಗಿ ಕೆಲವೊಂದು ಬ್ರೀಡ್ಗಳು ಮತ್ತು ಅವುಗಳ ವಿಶೇಷತೆಯ ಆಧಾರದ ಮೇಲೆ ಅವಗಳನ್ನು ಸಾಕಬಹುದೇ ಎಂದು ನಿರ್ಧರಿಸಬಹುದು.
ಗೋಲ್ಡನ್ ರಿಟ್ರೈವರ್
ಮನೆಯಲ್ಲಿ ಸಾಕಲು ಇದು ಉತ್ತಮ ನಾಯಿ. ಇದಕ್ಕೆ ತರಬೇತಿ ನೀಡುವುದು ಸುಲಭ. ಇವು ಹೆಚ್ಚಾಗಿ ಮಕ್ಕಳನ್ನು ಇಷ್ಟಪಡುತ್ತದೆ. ಜೊತೆಗೆ ಆಟವಾಡಲು ಇಷ್ಟಪಡುತ್ತದೆ. ಕೆಲವೊಮ್ಮೆ ಇದರ ಕೂದಲನ್ನು ಕತ್ತರಿಸಬೇಕಾಗುತ್ತದೆ. ವಾರದಲ್ಲಿ ಒಂದು ದಿನ ಈ ನಾಯಿಗೆ ಆರೈಕೆ ಮಾಡುವಅಗತ್ಯವಿದೆ. ಇದು10 ರಿಂದ 12 ವರ್ಷಗಳವರೆಗೆ ಬದುಕಿರುತ್ತದೆ. ಭಾರತದಲ್ಲಿ ಇದರ ಬೆಲೆ 1500 ರಿಂದ 40,000 ರೂ.ವರೆಗೂ ಇದೆ.
ಬೀಗಲ್
ಈ ನಾಯಿ ಬಾಲ್ಯದಲ್ಲಿ ತುಂಬಾ ಚೇಷ್ಟೆ ಮಾಡುತ್ತದೆ. ಮನೆಯಲೆಲ್ಲಾ ಗಾಲೀಜು ಮಾಡುತ್ತದೆ. ಆದರೆ ಇದು 6 ತಿಂಗಳ ವಯಸ್ಸಿದ್ದಾಗಲೇ ತುಂಬಾ ಬುದ್ಧಿ ಹೊಂದಿರುತ್ತದೆ. ಮಕ್ಕಳನ್ನು ಮಾತ್ರವಲ್ಲ ಕುಟುಂಬದಲ್ಲಿ ಎಲ್ಲರನ್ನು ಪ್ರೀತಿಸುತ್ತದೆ. ಇದು ಕಚ್ಚುವುದಿಲ್ಲ. ವಾರಕ್ಕೊಮ್ಮೆ ಸ್ನಾನ ಮಾಡಿಸಿದರೆ ಸಾಕು. ಇದು 10 ರಿಂದ 15 ವರ್ಷ ಬದುಕುತ್ತದೆ. ಭಾರತದಲ್ಲಿ ಇದರ ಬೆಲೆ 15 ಸಾವಿರದಿಂದ 45 ಸಾವಿರದ ನಡುವೆ ಇದೆ. ಇದು ಮನೆಯಲ್ಲಿ ಸಾಕಲು ಉತ್ತಮ ಪ್ರಾಣಿಯಾಗಿದೆ.
ಪಗ್
ಈ ಕ್ಯೂಟ್ ಸಾಕು ನಾಯಿಯನ್ನು ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುತ್ತದೆ. ಇದು ಎಷ್ಟೇ ಕೋಪ ಬಂದರೂ ಕಚ್ಚುವುದಿಲ್ಲ. ಆದರೆ ಎಚ್ಚರದಿಂದ ಇರಬೇಕು. ಇದನ್ನು ಪ್ರತಿದಿನ ಸ್ವಚ್ಛಗೊಳಿಸಿ ಸೋಂಕು ಬರದಂತೆ ನೋಡಿಕೊಳ್ಳಬೇಕು. ಇದು ಪುಟ್ಟ ಫ್ಲ್ಯಾಟ್ಗಳಲ್ಲಿ ವಾಸಿಸುವವರು ಸಾಕುಲು ಉತ್ತಮ. ಇದಕ್ಕೆ ಪ್ರತಿದಿನ ಸ್ವಲ್ಪ ವ್ಯಾಯಾಮ ಮಾಡಿಸಬೇಕು. 13 ರಿಂದ 15 ವರ್ಷ ಈ ನಾಯಿಗಳು ಬದುಕುತ್ತದೆ. ಭಾರತದಲ್ಲಿ ಇದರ ಬೆಲೆ 8 ಸಾವಿರದಿಂದ 35 ಸಾವಿರದವರೆಗೂ ಇದೆ. ಇದಕ್ಕೆ ತರಬೇತಿ ನೀಡುವುದು ಕೂಡ ಬಹಳ ಸುಲಭ. ಹಾಗಾಗಿ ಮನೆಯಲ್ಲಿ ಸಾಕಲು ಈ ನಾಯಿ ಉತ್ತಮ ಎಂದೇ ಹೇಳಬಹುದು.
ಐರಿಶ್ ಸೆಟ್ಟರ್
ಇದನ್ನು ಜನರು ಹೆಚ್ಚಾಗಿ ಪ್ರೀತಿಸುತ್ತಾರೆ. ಕುಟುಂಬ ಸದಸ್ಯರಂತೆಯೇ ನೋಡಿಕೊಳ್ಳುತ್ತಾರೆ. ಆದರೆ ಅವರ ಕೂದಲು ಸ್ವಲ್ಪ ದೊಡ್ಡದಾಗಿರುತ್ತದೆ. ಈ ನಾಯಿಗೆ ವಾರಕ್ಕೆ ಎರಡು ಬಾರಿಯಾದರೂ ಸ್ನಾನ ಮಾಡಿಸುವುದು ಅಗತ್ಯ. ಜೊತೆಗೆ ವ್ಯಾಯಾಮ ಕೂಡ ಮಾಡಿಸಬೇಕು. ಮಕ್ಕಳೊಂದಿಗೆ ತುಂಬಾ ಸ್ನೇಹಪರ. ಈ ಶ್ವಾನ 12 ರಿಂದ 15 ವರ್ಷ ಬದುಕುತ್ತದೆ. ಭಾರತದಲ್ಲಿ ಇದರ ಬೆಲೆ 45 ಸಾವಿರದಿಂದ 60 ಸಾವಿರದವರೆಗೂ ಇದೆ. ಸ್ವಲ್ಪ ತಂಪಾದ ವಾತಾವರಣಕ್ಕೆ ಅವು ಹೆಚ್ಚು ಸೂಕ್ತವಾಗಿವೆ.
ಬ್ರಸೆಲ್ಸ್ ಗ್ರಿಫೊನ್
ಈ ನಾಯಿ ಸಿಕ್ಕಾಪಟ್ಟೆ ಆ್ಯಕ್ಟಿವ್ ಆಗಿರುತ್ತದೆ. ಮನೆಯಿಂದ ಹೊರಗೆ ಹೋಗಲು ಇಷ್ಟ ಪಡುವುದಿಲ್ಲ. ಇದು ಗಾತ್ರದಲ್ಲಿ ಚಿಕ್ಕದು. ಮಕ್ಕಳೊಂದಿಗೆ ಸ್ನೇಹ ಹೊಂದಲು ಸಮಯ ತೆಗೆದುಕೊಳ್ಳುತ್ತದೆ. ಆದರೆ ಕಚ್ಚುವುದಿಲ್ಲ. ವಾರಕ್ಕೊಮ್ಮೆ ಸ್ನಾನ ಮಾಡಿಸುವುದು ಅಗತ್ಯ. ಭಾರತದಲ್ಲಿ ಇದರ ಬೆಲೆ 60 ಸಾವಿರದಿಂದ 1 ಲಕ್ಷ ರೂಪಾಯಿಯವರೆಗೂ ಇದೆ.
ನ್ಯೂಫೌಂಡ್ಲ್ಯಾಂಡ್
ಇದು ಬಹಳ ಬುದ್ಧಿವಂತ ನಾಯಿ ಆಗಿದೆ. ನೀವು ನೀಡುವ ತರಬೇತಿಯನ್ನು ಬೇಗ ಕಲಿಯುತ್ತದೆ. ಬೇಗ ಕುಟುಂಬಸ್ಥರೊಂದಿಗೆ ಹೊಂದಿಕೊಳ್ಳುತ್ತದೆ. ನಿಮ್ಮನ್ನು ಯಾರಿಗೂ ಮುಟ್ಟಲು ಬಿಡುವುದಿಲ್ಲ. ತುಂಬಾ ಒಳ್ಳೆಯ ತಳಿ ನಾಯಿ ಆಗಿದೆ. ಇದರ ಜೀವಿತಾವಧಿ ಸುಮಾರು 9 ರಿಂದ 10 ವರ್ಷ ಆಗಿದ್ದು, ಭಾರತದಲ್ಲಿ ಇದರ ಬೆಲೆ 1 ಲಕ್ಷದಿಂದ 3 ಲಕ್ಷದವರೆಗೂ ಇದೆ.