ಏಷ್ಯಾ, ಆಫ್ರಿಕಾ ಮತ್ತು ಅಮೇರಿಕಾದ ಕೆಲವು ಭಾಗಗಳಲ್ಲಿ ತಾಳೆ ಬೆಲ್ಲವನ್ನು ಹೆಚ್ಚಾಗಿ ಬಳಸಲಾಗುವುದು. ಅನೇಕ ಆಹಾರ ಪದಾರ್ಥಗಳಲ್ಲಿ ಇದನ್ನು ಮುಖ್ಯವಾಗಿ ಉಪಯೋಗಿಸಲಾಗುತ್ತದೆ.
ಆದರೆ ಇದರ ಬಗ್ಗೆ ಇಂದಿನ ಪೀಳಿಗೆಯವರಿಗೆ ಅಷ್ಟಾಗಿ ಗೊತ್ತಿಲ್ಲ. ಅಷ್ಟಕ್ಕೂ ಇದನ್ನು ತಯಾರಿಸುವ ವಿಧಾನ ಮತ್ತು ಇದರಿಂದ ಎಷ್ಟೆಲ್ಲಾ ಆರೋಗ್ಯ ಪ್ರಯೋಜನಗಳಿದೆ ತಿಳಿದುಕೊಳ್ಳೋಣ.
ಒಂದು ಕಾಲದಲ್ಲಿ ಎಲ್ಲರ ಅಡುಗೆ ಮನೆಯಲ್ಲಿ ಗಾಜಿನ ಡಬ್ಬದಲ್ಲಿ ತಾಟಿ ಬೆಲ್ಲ ಕಂಡುಬರುತ್ತಿತ್ತು. ಅಂತರಾಷ್ಟ್ರೀಯ ಮಟ್ಟದಲ್ಲಿ ಫೇಮಸ್ ಆಗಿದ್ದ ಈ ಬೆಲ್ಲಕ್ಕೆ ಇಂದಿಗೂ ಸ್ವಲ್ಪವೂ ಬೇಡಿಕೆ ಕಡಿಮೆ ಆಗಿಲ್ಲ. ಇದರ ಉಪಯೋಗ ಗೊತ್ತಿದ್ದವರು ಸಕ್ಕರೆಯ ಬದಲು ಈ ಬೆಲ್ಲವನ್ನೇ ಉಪಯೋಗಿಸುತ್ತಾರೆ.
ಇದನ್ನು ಕಬ್ಬಿನ ರಸ ಮತ್ತು ಖರ್ಜೂರದ ಮರದ ಸಾಂದ್ರ ಉತ್ಪನ್ನದಿಂದ ತಯಾರಿಸಲಾಗುವುದು. ತಾಳೆ ಬೆಲ್ಲ ಅದ್ಭುತ ರುಚಿ ನೀಡುತ್ತದೆ. ತಾಳೆ ಬೆಲ್ಲ ತಯಾರಿಕೆ ಪ್ರಕ್ರಿಯೆಯಲ್ಲಿ ಯಾವುದೇ ರಾಸಾಯನಿಕ ಪದಾರ್ಥಗಳನ್ನು ಬಳಸದೇ ಇರುವುದರಿಂದ ಇದು ನೈಸರ್ಗಿಕ ಸಕ್ಕರೆಯಾಗಿದೆ. ಇದು ಸಕ್ಕರೆಗಿಂತ ಕಡಿಮೆ ಸಕ್ಕರೆ ಅಂಶವನ್ನು ಹೊಂದಿದೆ.
ತಾಳೆ ಬೆಲ್ಲ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ರಕ್ತಹೀನತೆಗೆ ತಾಳೆ ಬೆಲ್ಲ ತುಂಬಾ ಉಪಯುಕ್ತವಾಗಿದೆ ಎಂದು ಅನೇಕ ಕೆಲವರಿಗೆ ಗೊತ್ತಿಲ್ಲ. ತಾಳೆ ಬೆಲ್ಲದಲ್ಲಿರುವ ಕಬ್ಬಿಣಾಂಶವು ರಕ್ತದಲ್ಲಿನ ಹಿಮೋಗ್ಲೋಬಿನ್ ಮಟ್ಟವನ್ನು ಕಾಪಾಡಿಕೊಳ್ಳಲು ಈ ಬೆಲ್ಲ ಸಹಾಯ ಮಾಡುತ್ತದೆ.
ದೃಷ್ಟಿಯನ್ನು ಹೆಚ್ಚಿಸಲು, ಹುಳಿ ಹಾಲಿನೊಂದಿಗೆ ತಾಳೆ ಬೆಲ್ಲವನ್ನು ಸೆರೆಸಿ ಸೇವಿಸಬೇಕು. ಕ್ಯಾಲ್ಸಿಯಂ ಮತ್ತು ಪೊಟ್ಯಾಸಿಯಮ್ ಸಮೃದ್ಧವಾಗಿರುವ ಖರ್ಜೂರವು ಮೂಳೆಗಳು ಮತ್ತು ಹಲ್ಲುಗಳನ್ನು ದೃಢವಾಗಿರುವ ಹಾಗೆ ನೋಡಿಕೊಳ್ಳುತ್ತದೆ.
ತಾಳೆ ಬೆಲ್ಲ ಸೇವಿಸುವುದರ ಮತ್ತೊಂದು ಪ್ರಮುಖ ಪ್ರಯೋಜನವೆಂದರೆ, ಇದು ಜೀರ್ಣಕ್ಕೆ ಸಂಬಂಧಿಸಿದ ಅಸಹಜತೆಗಳಿಂದ ಉಪಶಮನ ನೀಡುವ ಸಾಮರ್ಥ್ಯ ಹೊಂದಿದೆ. ಇದು ಕೇವಲ ಜೀರ್ಣಕಾರಕ ಕಿಣ್ವಗಳನ್ನು ಸಕ್ರಿಯಗೊಳಿಸುವುದಷ್ಟೇ ಅಲ್ಲದೇ, ಮಲ ವಿಸರ್ಜನೆಯನ್ನು ನಿಯಮಿತಗೊಳಿಸಿ ಮಲಬದ್ಧತೆ ಮತ್ತು ಅಜೀರ್ಣತೆಯನ್ನು ನಿವಾರಿಸುವ ಸಾಮರ್ಥ್ಯ ಈ ಪದಾರ್ಥದಲ್ಲಿದೆ.
ಮಕ್ಕಳು ಕೆಲವೊಮ್ಮೆ ಬಾಯಿ ಹುಣ್ಣುಗಳಿಂದ ಬಳಲುತ್ತಿದ್ದರೆ, ಏಲಕ್ಕಿ ಮತ್ತು ತಾಳೆ ಬೆಲ್ಲದ ಪುಡಿಯನ್ನು ಗಾಯದ ಮೇಲೆ ಹಚ್ಚಿಕೊಳ್ಳುವುದರಿಂದ ನೋವಿನಿಂದ ಪರಿಹಾರ ಸಿಗುತ್ತದೆ.
ಬಾಯಿ ಅಲ್ಸರ್ ಕೂಡ ಕಡಿಮೆಯಾಗುತ್ತದೆ.
ಮೊದಲು ಮಕ್ಕಳಿಗೆ ನೆಗಡಿ ಬಂದರೆ ಔಷಧಿ ಕೊಡುವ ಬದಲು ತಾಳೆ ಬೆಲ್ಲ ತಿನ್ನಿಸುತ್ತಿದ್ದರಂತೆ. ಇದು ಶೀತವನ್ನು ನಿವಾರಿಸುವ ಜೊತೆಗೆ ಲೋಳೆಯನ್ನು ಮೃದುಗೊಳಿಸುತ್ತದೆ ಹಳೆಯ ಸಂಗ್ರಹವಾದ ಲೋಳೆಯನ್ನು ತೆಗೆದುಹಾಕುತ್ತದೆ. ಕಾಳುಮೆಣಸು ಮತ್ತು ತುಪ್ಪದೊಂದಿಗೆ ತಾಳೆ ಬೆಲ್ಲ ಮಿಶ್ರಣವು ಗಂಟಲನ್ನು ಶಮನಗೊಳಿಸುತ್ತದೆ. ಹೀಗೆ ತಾಳೆ ಬೆಲ್ಲದಿಂದ ಹತ್ತು ಹಲವರು ಆರೋಗ್ಯದಾಯಕ ಪ್ರಯೋಜನಗಳಿವೆ.