ಗ್ಯಾರಂಟಿ ಯೋಜನೆಗಳನ್ನು ಜಾರಿಗೆ ತರಲು ಇಲ್ಲದ ಕಸರತ್ತು. ಜನ ಸಾಮನ್ಯರಿಗೆ ಅಂತೂ ಬಿತ್ತು ಬೆಲೆಯೇರಿಕೆಯ ಬರೆ. ಚುನಾವಣೆ ಸಂದರ್ಭದಲ್ಲಿ ನೀಡಿದ್ದ ಆಶ್ವಾಸನೆಯನ್ನು ಪೂರೈಸಲು ರಾಜ್ಯದ ಬೊಕ್ಕಸವನ್ನು ಸರಿದೂಗಿಸಲು ನಿಧಾನಕ್ಕೆ ಸಾರ್ವಜನಿಕರಿಗೆ ಬರೆ ಹಾಕಲಾಗುತ್ತಿದೆ.
200 ಯುನಿಟ್ ವಿದ್ಯುತ್ ಉಚಿತ ಗೃಹ ಜ್ಯೋತಿ ಭರಸವಸೆಯ ಪೂರೈಕೆಗೂ ಮುನ್ನವೇ ವಿದ್ಯುತ್ ದರವನ್ನು ಹೆಚ್ಚಿಸಲಾಯಿತು. ಇದರ ಪರಿಣಾಮವಾಗಿ ಈಗ ಹೊಟೇಲ್ ಮಾಲಿಕರು ಊಟ ತಿಂಡಿದರವನ್ನು ಹೆಚ್ಚಿಸಲು ಮುಂದಾಗಿದ್ದು ಜನ ಸಾಮಾನ್ಯರ ಜೇಬಿಗೆ ಕತ್ತರಿ ಹಾಕಲಾಗಿದೆ. ಸರ್ಕಾರದ ಗ್ಯಾರಂಟಿಗಳ ಪೂರೈಕೆಯ ಭರದಲ್ಲಿ ನಿಧಾನಕ್ಕೆ ಜನರಿಗೆ ಬೆಲೆಯೇರಿಕೆಯ ಬಿಸಿಯನ್ನು ನೀಡುತ್ತಿದೆ.
ಶಕ್ತಿ ಯೋಜನೆ, ಗೃಹ ಲಕ್ಷ್ಮಿ, ಗೃಹಜ್ಯೋತಿ ಯೋಜನೆಗೆ ಸರ್ಕಾರವು ಹಣ ಹೊಂದಿಸುವ ಸಲುವಾಗಿ ಬೆಲೆ ಹೆಚ್ಚಳಕ್ಕೆ ಮುಂದಾಗಿದೆ. ಈ ಯೋಜನೆಗಳನ್ನು ಜಾರಿಗೆ ಗೊಳಿಸುವ ಮೊದಲು ವಿರೋಧ ಪಕ್ಷಗಳು ಹಣದ ಮೂಲಗಳನ್ನು ತಿಳಿಸಿ ಎಂದು ಸವಾಲು ಎಸೆದಾಗ ತೆರಿಗೆ ಹಣವನ್ನು ಕಟ್ಟುನಿಟ್ಟಾಗಿ ಸಮಯಕ್ಕೆ ಸರಿಯಾಗಿ ಸಂಗ್ರಹಿಸಲಾಗುವುದು ಎಂದು ಜಮಾಯಿಸಿ ಉತ್ತರ ನೀಡಿದ್ದರು.
ಆದರೆ ಈಗ ನಡೆಯುತ್ತಿರುವುದೇ ಬೇರೆ. ಇತ್ತ ಯೋಜನೆಗಳ ಮಜಾ ಮಾಡುತ್ತಿರುವ ಜನರ ಅರಿವಿಗೆ ಇನ್ನು ಬಂದಿಲ್ಲ. ಒಂದು ಕೈಯಿಂದ ಕೊಟ್ಟು ಇನ್ನೊಂದು ಕೈಯಿಂದ ಕಿತ್ಕೊಂಡಂತಿದೆ ಈ ಸರ್ಕಾರದ ನಡೆ.
ಹಾಲಿನ ದರವು ಹೆಚ್ಚಳ ಆಗುವ ಸಾಧ್ಯತೆ ಇದ್ದು , ಸರ್ಕಾರ ಸಮ್ಮತಿಸಿದರೆ ಹಾಲಿನ ಉತ್ಪನ್ನಗಳ ದರ ಏರಿಕೆಯಾಗಲಿದೆ. ಈ ಬಗ್ಗೆ ಸಕಾರಕ್ಕೆ ಪ್ರಸ್ತಾವನೆಯನ್ನು ಸಲ್ಲಿಸುವುದಾಗಿ ಕೆಎಂಎಫ್ ಅಧ್ಯಕ್ಷ ಭೀಮಾ ನಾಯ್ಕ್ ಹೇಳಿಕೆ ನೀಡಿದ್ದಾರೆ.
ಈ ಹಿಂದೆಯೇ ಬೆಲೆ ಏರಿಕೆಯಿಂದ ತತ್ತರಿಸಿರುವ ಜನತೆ ಹೊಸ ಸಕಾರದಿಂದ ತುಸು ನೆಮ್ಮದಿಯ ವಾತಾವರಣ ಸೃಷ್ಟಿಯಾಗಬಹದು ಅಂದು ಕೊಂಡಿದ್ದ ಜನತೆಗೆ ಈಗ ಬೆಲೆ ಏರಿಕೆಯ ಬಿಗ್ ಶಾಕ್ ನೀಡಿದೆ.