ಸ್ಟಾರ್’ ಅಲ್ಲು ಅರ್ಜುನ್ ಅವರು ಓರ್ವ ಅತ್ಯುತ್ತಮ ನಟ ಮಾತ್ರವಲ್ಲ, ಒಬ್ಬ ಅತ್ಯುತ್ತಮ ಬ್ಯುಸಿನೆಸ್ಮ್ಯಾನ್ ಎಂದು ಹೆಸರುಗಳಿಸಿದ್ದಾರೆ.
ಸದ್ಯ ಅವರೀಗ ಹೈದರಾಬಾದ್ನಲ್ಲಿ ಹೊಸ ಬ್ಯುಸಿನೆಸ್ ಶುರು ಮಾಡಿದ್ದಾರೆ ಎಂದು ಎಲ್ಲ ಕಡೆ ವೈರಲ್ ಆಗಿರುವ ವಿಷಯವಾಗಿದೆ. ನಟ ಅಲ್ಲು ಅರ್ಜುನ್ ಅವರು ‘ಪುಷ್ಪ’ ಸಿನಿಮಾದ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಎನಿಸಿಕೊಂಡಿದ್ದಾರೆ. ಅವರ ಸಿನಿಮಾಗಳಿಗೆ ದೊಡ್ಡಮಟ್ಟದ ಬೇಡಿಕೆ ಇದ್ದು, ಅವರ ಸಂಭಾವನೆ 100 ಕೋಟಿ ರೂ. ಇರಬಹುದು ಎಂದು ಅಂದಾಜಿಸಲಾಗಿದೆ.
ಅಲ್ಲದೆ ತೆಲುಗು ಚಿತ್ರೋದ್ಯಮದಲ್ಲಿ ಅವರು ಉದ್ಯಮಿ ಆಗಿಯೂ ಗುರುತಿಸಿಕೊಂಡಿದ್ದಾರೆ. ಅಲ್ಲು ಅರ್ಜುನ್ ತಂದೆ ಅಲ್ಲು ಅರವಿಂದ್ ಅವರು ದೊಡ್ಡ ನಿರ್ಮಾಪಕರಾಗಿದ್ದು, ತಂದೆ ಜೊತೆಗೆ ಪಾಲುದಾರರಾಗಿ ಅಲ್ಲು ಅರ್ಜುನ್ ಕೂಡ ಹಲವಾರು ವ್ಯವಹಾರ ಮಾಡುತ್ತಿದ್ದಾರೆ. ಇದೀಗ ಟಾಲಿವುಡ್ನಲ್ಲಿ ಸಿನಿಮಾ ಪ್ರದರ್ಶಕರಾಗಿ ಅಲ್ಲು ಅರ್ಜುನ್ ಹೊಸ ಸಾಹಸಕ್ಕೆ ಕಾಲಿಟ್ಟಿದ್ದಾರೆ.
ನಟ ಅಲ್ಲು ಅರ್ಜುನ್ ಅವರು ‘ಎಎಎ ಸಿನಿಮಾಸ್’ ಎಂಬ ಐಷಾರಾಮಿ ಮಲ್ಟಿಪ್ಲೆಕ್ಸ್ ಪ್ರಾರಂಭಿಸಿದ್ದಾರೆ. ಏಷ್ಯನ್ ಸಿನಿಮಾಸ್ ಸಹಭಾಗಿತ್ವದಲ್ಲಿ ಹೈದರಾಬಾದ್ನ ಅಮೀರ್ ಪೇಟೆಯಲ್ಲಿ ಎಎಎ ಸಿನಿಮಾಸ್ ಈಗಾಗಲೇ ಅದ್ಧೂರಿಯಾಗಿ ಶುಭರಾಂಭಗೊಂಡಿದೆ.
ಎಎಎ ಸಿನಿಮಾಸ್ ಉದ್ಘಾಟನಾ ಸಮಾರಂಭಕ್ಕೆ ತಂದೆ ಅಲ್ಲು ಅರವಿಂದ್ ಮತ್ತು ಪುತ್ರ ಅಲ್ಲು ಅಯಾನ್ ಜೊತೆಗೆ ಅಲ್ಲು ಅರ್ಜುನ್ ಅವರು ಪಾಲ್ಗೊಂಡಿದ್ದರು. ಈಗಾಗಲೇ ಮಹೇಶ್ ಬಾಬು ಮತ್ತು ವಿಜಯ್ ದೇವರಕೊಂಡ ಅವರು ಮಲ್ಟಿಪ್ಲೆಕ್ಸ್ ಆರಂಭಿಸಿದ್ದಾರೆ. ಆ ಸಾಲಿಗೆ ಅಲ್ಲು ಅರ್ಜುನ್ ಹೊಸ ಸೇರ್ಪಡೆ ಆದಂತಾಯಿತು.
‘ಪುಷ್ಪ’ ಸಿನಿಮಾದ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿರುವ ಅಲ್ಲು ಅರ್ಜುನ್ ಅವರು ತಮ್ಮ ತಂದೆ ಅಲ್ಲು ಅರವಿಂದ್ ಒಡೆತನದ Aha ಓಟಿಟಿಯಲ್ಲಿಯೂ ಪಾಲುದಾರಾಗಿದ್ದಾರೆ. ಹಾಗೆಯೇ ಅಲ್ಲು ಸ್ಟುಡಿಯೋ ನಿರ್ಮಾಣ ಕೂಡ ಪ್ರಾರಂಭಿಸಿದ್ದು ವಿಶೇಷ. ಈ ಮಲ್ಟಿಪ್ಲೆಕ್ಸ್ 3 ಲಕ್ಷ ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದ್ದು, ಮೂರನೇ ಮಹಡಿಯಲ್ಲಿ 35 ಸಾವಿರ ಚದರ ಅಡಿಯಲ್ಲಿ ಫುಡ್ ಕೋರ್ಟ್ ಮತ್ತು ನಾಲ್ಕನೇ ಫ್ಲೋರ್ನಲ್ಲಿ ಐದು ಸ್ಕ್ರೀನ್ಗಳ ಎಎಎ ಚಿತ್ರಮಂದಿರದ ನಿರ್ಮಾಣವಾಗಿದೆ. ಸ್ಕ್ರೀನ್ 2ರಲ್ಲಿ ಎಲ್ಇಡಿ ಪರದೆಯನ್ನು ಒಳಗೊಂಡಿದೆ. ದಕ್ಷಿಣ ಭಾರತದದಲ್ಲಿ ಎಲ್ಇಡಿ ಪರದೆಯನ್ನು ಒಳಗೊಂಡಿರುವ ಏಕೈಕ ಮಲ್ಟಿಪ್ಲೆಕ್ಸ್ ಇದಾಗಿದೆ ಎಂಬ ಹೆಗ್ಗಳಿಕೆಯನ್ನು ಗರಿಗೇರಿಸಿಕೊಂಡಿದೆ