ಅಸಲಿ ಮತ್ತು ನಕಲಿ ಉತ್ಪನ್ನಗಳ ನಡುವೆ ವ್ಯತ್ಯಾಸವನ್ನು ಕಂಡುಹಿಡಿಯುವುದು ಅನೇಕ ಜನರಿಗೆ ಗೊತ್ತಾಗುವುದಿಲ್ಲ. ಅಸಲಿ ಮತ್ತು ನಕಲಿ ಉತ್ಪನ್ನಗಳು ಒಂದೇ ರೀತಿ ಇರುವ ಹಾಗೆ ರೆಡಿ ಮಾಡಲಾಗುತ್ತದೆ. ಹಾಗಾಗಿ ಸಾಮಾನ್ಯ ಜನರು ಇದನ್ನು ಅರಿತುಕೊಳ್ಳುವುದು ಕಷ್ಟವಾಗಿದೆ. ಈ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸಲು ಇದೀಗ ಟೆಕ್ ಕಂಪನಿಯೊಂದು ಹೊಸ ಅಪ್ಲಿಕೇಶನ್ ಅನ್ನು ಬಿಡುಗಡೆ ಮಾಡಿದೆ.ಇಂದಿನ ದಿನದಲ್ಲಿ ಯಾವುದೇ ವಸ್ತುವನ್ನೂ ಆಫ್ಲೈನ್ ಅಥವಾ ಆನ್ಲೈನ್ ಮೂಲಕ ಖರೀದಿಸಬಹುದಾಗಿದೆ. ಎಕೆಂದರೆ ಟೆಕ್ನಾಲಜಿ ಅಷ್ಟು ಬೆಳೆದಿದೆ.
ಇನ್ನು ಈ ಆನ್ಲೈನ್ ಮಾರುಕಟ್ಟೆಯಂತೂ ಕೆಲವೇ ವರ್ಷಗಳಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದುಕೊಂಡಿದೆ. ಇದನ್ನೇ ಲಾಭವಾಗಿಟ್ಟುಕೊಂಡು ಕೆಲ ವಂಚಕರು ಆನ್ಲೈನ್ ಮತ್ತು ಆಫ್ಲೈನ್ ಎರಡರಲ್ಲೂ ನಕಲಿ ಉತ್ಪನ್ನಗಳನ್ನು ಮಾರಾಟ ಮಾಡಲು ಆರಂಭಿಸಿದ್ದಾರೆ. ಗ್ರಾಹಕರಿಗೆ ಇದನ್ನು ಪತ್ತೆಹಚ್ಚೋದೆ ಒಂದು ದೊಡ್ಡ ಸವಾಲಾಗಿದೆ.ಆದರೆ ಈ ಸಮಸ್ಯೆಯನ್ನು ಪರಿಶೀಲಿಸಲು, ಇದೀಗ Alit eon ಎಂಬ ಅಮೇರಿಕನ್ ಕಂಪನಿಯು Feature Print ಎಂಬ ಸ್ಮಾರ್ಟ್ಫೋನ್ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಿದೆ. ಈ ಡಿವೈಸ್ ಕ್ಯಾಮೆರಾದ ಸಹಾಯದಿಂದ ನಕಲಿ ಉತ್ಪನ್ನಗಳನ್ನು ಕೃತಕ ಬುದ್ಧಿಮತ್ತೆ (AI) ಶಕ್ತಿಯನ್ನು ಬಳಸಿಕೊಂಡು ನಕಲಿ ಮತ್ತು ಅಸಲಿ ಉತ್ಪನ್ನಗಳನ್ನು ಗುರುತಿಸುತ್ತದೆ.ಇನ್ನು ಫೀಚರ್ಪ್ರಿಂಟ್ ಅಪ್ಲಿಕೇಶನ್ ವಿಶೇಷ ಸೆನ್ಸಾರ್ಗಳು ಅಥವಾ ಉತ್ಪನ್ನಗಳ ಮೇಲೆ ಹೊಲೊಗ್ರಾಮ್ಗಳು, ಬಾರ್ಕೋಡ್ಗಳು ಅಥವಾ ಸ್ಟಿಕ್ಕರ್ಗಳನ್ನು ಓದುವ ಅಗತ್ಯವಿಲ್ಲದೆಯೇ ಸುಲಭವಾಗಿ AI ತಂತ್ರಜ್ಞಾನದೊಂದಿಗೆ ನಕಲಿ ಉತ್ಪನ್ನಗಳನ್ನು ಪತ್ತೆ ಮಾಡುತ್ತದೆ.
ಇದು ಸಾಂಪ್ರದಾಯಿಕ ಉತ್ಪನ್ನ ಗುರುತಿಸುವ ವಿಧಾನಗಳಿಗಿಂತ ಬೇರೆ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಅಪ್ಲಿಕೇಶನ್ ಭೌತಿಕ ವಸ್ತುಗಳ ಸಣ್ಣದಾಗಿ ಮೇಲ್ಮೈ ವಿವರಗಳನ್ನು ವಿಶ್ಲೇಷಿಸಲು ಅಥವಾ ಗುರುತಿಸಲು AI ಅಲ್ಗಾರಿಥಮ್ಗಳನ್ನು ಬಳಸಲಾಗುತ್ತದೆ, ನಂತರ ಇವುಗಳನ್ನು ಗಣಿತದ ಪ್ರಾತಿನಿಧ್ಯಗಳಾಗಿ ಪರಿವರ್ತಿಸಲಾಗುತ್ತದೆ. ನಕಲಿ ಉತ್ಪನ್ನಗಳನ್ನು ಪತ್ತೆಹಚ್ಚಲು ಈ ವಿಶಿಷ್ಟ ವಿಧಾನವು ತುಂಬಾ ವಿಭಿನ್ನ ರೀತಿಯಲ್ಲಿ ಉಪಯುಕ್ತವಾಗಿದೆ.
ನಕಲಿ ಉತ್ಪನ್ನಗಳ ಸಮಸ್ಯೆಯನ್ನು ಪರಿಹರಿಸಲು ಅಲಿಥಿಯಾನ್ ಈ ಫೀಚರ್ಪ್ರಿಂಟ್ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಿದೆ. ಹಾಗೆಯೇ ಕಂಪನಿಯ ಬ್ರಾಂಡ್ ಜನಪ್ರಿಯತೆಯನ್ನು ಕಾಪಾಡಿಕೊಳ್ಳಲು ಕಂಪನಿಗಳಿಗೆ ಸಹಾಯ ಮಾಡುತ್ತದೆ. ಅದಕ್ಕಾಗಿ ಕಂಪನಿಗಳು ಈ ಪ್ಲಾಟ್ಫಾರ್ಮ್ನಲ್ಲಿ ಸೈನ್ ಅಪ್ ಮಾಡಬಹುದು ಮತ್ತು ತಮ್ಮ ಉತ್ಪನ್ನಗಳನ್ನು ಗುರುತಿಸಲು ಮತ್ತು ದೃಢೀಕರಿಸಲು ಅಪ್ಲಿಕೇಶನ್ನ ಫೀಚರ್ಸ್ಗಳನ್ನು ಬಳಸಬಹುದಾಗಿದೆ. ಈ ನಕಲಿ ಉತ್ಪನ್ನಗಳ ಮಾರಾಟದಿಂದ ಕಂಪನಿಗಳ ಹಣಕಾಸಿನ ನಷ್ಟದ ಅಪಾಯವನ್ನು ಕಡಿಮೆ ಮಾಡಬಹುದಂತೆ. ಆದ್ದರಿಂದ ಬಳಕೆದಾರರು ಯಾವುದೇ ಉತ್ಪನ್ನ ಖರೀದಿಸುವಾಗ ಒರಿಜಿನಲ್ ಯಾವುದು, ನಕಲಿ ಯಾವುದು ಎಂಬುದನ್ನು ಸುಲಭವಾಗಿ ತಿಳಿಯಬಹುದಾಗಿದೆ. ಈ ಆ್ಯಪ್ ಮೂಲಕ ಚಿನ್ನ ಅಥವಾ ಪುರಾತನ ಕೈಗಡಿಯಾರಗಳಂತಹ ಯಾವುದೇ ಉತ್ಪನ್ನವನ್ನು ಕೂಡ ಪತ್ತೆಹಚ್ಚಬಹುದಾಗಿದೆ ಎಂದು ಕಂಪನಿ ವಿಶ್ವಾಸ ನೀಡುತ್ತದೆ.