ಜಗತ್ತಿನ ಸಾಮಾಜಿಕ ಮಾಧ್ಯಮಗಳ ದೊರೆಯಾಗಿ ಮೆರೆಯುತ್ತಿರುವ ವಾಟ್ಸಾಪ್ ಚಾಟ್ ಅಪ್ಲಿಕೇಶನ್ ದಿನೇ ದಿನೇ ಬಹಳ ಯೂಸರ್ ಫ್ರೆಂಡ್ಲಿಯಾಗಿ ನವೀಕರಣಗೊಳ್ಳುತ್ತಿದೆ. ಮಾರುಕಟ್ಟೆಯಲ್ಲಿ ತನಗೆ ತಕ್ಕಮಟ್ಟಿನ ಪ್ರತಿಸ್ಪರ್ಧಿ ಇಲ್ಲ ಎಂಬುದನ್ನು ಅರಿತಿದ್ದರೂ ಸಹ, ವಾಟ್ಸಾಪ್ ಆಗಾಗ್ಗೆ ಒಂದಿಲ್ಲೊ0ದು ಹೊಸ ಅಪ್ಡೇಟ್ಗಳನ್ನು ಕೊಡುವ ಮೂಲಕ ಜನರಿಗೆ ಇನ್ನಷ್ಟು ಹತ್ತಿರುವೂ ಆಗುತ್ತಿದೆ. ಕೋಟ್ಯಂತರ ಬಳಕೆದಾರರನ್ನು ಹೋದಿರು ವಾಟ್ಸಾಪ್, ಇತ್ತೀಚೆಗೆ ಹೊಸ ವೈಶಿಷ್ಟಗಳನ್ನು ಪರಿಚಯಿಸಿದ್ದು, ಆ ಬಗೆಗಿನ ಡೀಟೇಲ್ಸ್ ಇಲ್ಲಿದೆ.
ಚಾಟ್ ಲಾಕ್
ವಾಟ್ಸಾಪ್ನಲ್ಲಿ ನಾವು ಬಹಳಷ್ಟು ಗ್ರೂಪ್ಗಳಲ್ಲಿ ಇರುತ್ತೇವೆ. ಅದಲ್ಲದೇ ಒಂದಷ್ಟು ಖಾಸಗಿ ಮಾಹಿತಿಗಳನ್ನೂ ನಾವು ನಮ್ಮ ಆಪ್ತರೊಂದಿಗೆ ಹಂಚುಕೊಳ್ಳುತ್ತೇವೆ. ಆದರೆ ಇದುವರೆಗೆ ವೈಯುಕ್ತಿಕ ಚಾಟ್ಗಳಿಗೆ ಲಾಕ್ ಹಾಕುವ ವೈಶಿಷ್ಟ ವಾಟ್ಸಾಪ್ನಲ್ಲಿ ಇರಲಿಲ್ಲ. ಇತ್ತೀಚಿಗೆ ಬಿಡುಗಡೆಯಾಗಿರುವ ಹೊಸ ಅಪ್ಡೇಟ್ನಲ್ಲಿ ನಮಗೆ ಬೇಕಾದ ಗ್ರೂಪ್ ಅಥವಾ ಪರ್ಸನಲ್ ಚಾಟ್ಗಳನ್ನು ಲಾಕ್ ಮಾಡಿ ಇಡುವ ಆಯ್ಕೆಯನ್ನು ವಾಟ್ಸಾಪ್ ಒದಗಿಸಿದೆ.
ಚಾಟ್ ಲಾಕ್ ಮಾಡಲು, ಮೊದಲಿಗೆ ಲಾಕ್ ಮಾಡಬೇಕಾದ ಗ್ರೂಪ್ ಅಥವಾ ಪರ್ಸನಲ್ ಚಾಟ್ ಓಪನ್ ಮಾಡಿ, ಅಲ್ಲಿ ಅವರ ಹೆಸರಿನ ಮೇಲೆ ಕ್ಲಿಕ್ ಮಾಡಿ, ಕೆಳಗೆ ಸ್ಕಾçಲ್ ಮಾಡಿದಾಗ ಲಾಕ್ ಚಾಟ್ ವೈಶಿಷ್ಟ ಕಾಣುತ್ತದೆ. ನಿಮ್ಮ ಫಿಂಗರ್ ಪ್ರಿಂಟ್ ಮೂಲಕ ಚಾಟ್ ಲಾಕ್ ಮಾಡಿ ಇಡಬಹುದು. ಎಡಿಟ್ ಮೆಸೇಜ್
ಈ ಹಿಂದೆ ಟೆಲಿಗ್ರಾಂ ಅಪ್ಲಿಕೇಶನ್ನಲ್ಲಿ ಇದ್ದ ಎಡಿಟ್ ಚಾಟ್ ವೈಶಿಷ್ಟ ಈಗ ವಾಟ್ಸಾಪ್ಗೂ ಬಂದಿದೆ. ಸಂದೇಶವನ್ನು ಕಳಿಸಿದ 15 ನಿಮಿಷದವರೆಗೆ ಅದನ್ನು ಎಡಿಟ್ ಮಾಡುವ ಆಯ್ಕೆ ಸಿಗಲಿದೆ. ಕಳುಹಿಸಿದ ಸಂದೇಶದಲ್ಲಿ ಏನಾದರೂ ತಪ್ಪು ಆದರೆ, ಅದನ್ನು ಡಿಲೀಟ್ ಮಾಡುವ ಬದಲು ಅಲ್ಲೇ ತಿದ್ದಬಹುದು.
ಇದನ್ನು ಪ್ರಯತ್ನಿಸಿ. ಯಾರಿಗಾದರೂ ಒಂದು ಸ0ದೇಶವನ್ನು ಕಳುಹಿಸಿ. 15 ನಿಮಿಷದ ಒಳಗೆ, ಆ ಸಂದೇಶವನ್ನು ಒತ್ತಿ ಹಿಡಿದಾಗ ಮೇಲೆ ‘ಎಡಿಟ್ ಆಯ್ಕೆ ಸಿಗುತ್ತದೆ. ಎಡಿಟ್ ಮಾಡಿದ ಮೆಸೇಜ್ಗಳ ಕೆಳಗೆ ‘ಎಡಿಟೆಡ್ ಎಂದು ಕಾಣುತ್ತದೆ.
ಮತ/ ಸಮೀಕ್ಷೆ ನಡೆಸುವ ವೈಶಿಷ್ಟ ಇಲ್ಲಿ ಮತದಾನ ಎಂದರೆ ಚುನಾವಣೆ ಮತ ಎಂದಲ್ಲ. ಸಾಮಾನ್ಯವಾಗಿ ಏನಾದರೂ ಪ್ರಶ್ನೆ ಕೇಳಿ, ವಾಟ್ಸಾಪ್ ಗುಂಪಿನಲ್ಲಿರುವ ಸದಸ್ಯರಿಂದ ಅಭಿಪ್ರಾಯ ಸಂಗ್ರಹಿಸಲು ಸಹಕಾರಿ ಎನಿಸುವ ಹೊಸ ವೈಶಿಷ್ಟವನ್ನು ವಾಟ್ಸಾಪ್ ಪರಿಚಯಿಸಿದೆ.