ಬಾಗಲಕೋಟೆ: ವಿಧಾನಸಭೆ ಚುನಾವಣೆ ಮುಗಿದು ಮತದಾರರು ಹೊರಗೆ ಬಂದಿದ್ದಾರೆ. ಆಡಳಿತ, ಯೋಜನೆಗಳ ಬಗ್ಗೆ ನಿರೀಕ್ಷೆ ಗರಿಗೆದರಿದೆ. ಪಕ್ಷದ ಗೆಲುವಿಗೆ ಶ್ರಮಿಸಿದ ಎರಡನೇ ನಾಯಕರ ಕಣ್ಣು ಮಾತ್ರ ಬೇರೆಡೆ ನೆಟ್ಟಿದೆ…!!
ಹೌದು, ಬಹು ವರ್ಷಗಳಿಂದ ಮುಂದೆ ಸಾಗುತ್ತ ಬಂದಿರುವ ಜಿಲ್ಲಾ ಪಂಚಾಯಿತಿ, ತಾಲೂಕು ಪಂಚಾಯಿತಿ ಚುನಾವಣೆಗೆ ಸಿದ್ಧತೆ ಆರಂಭವಾಗಿದೆ. ಕ್ಷೇತ್ರ ವಿಗಂಡಗೆ, ಹಂಚಿಕೆ, ಮೀಸಲು ಹಂಚಿಕೆ ಒಂದು ಹಂತದಲ್ಲಿ ಪೂರ್ಣಗೊಂಡಿದೆ. ಮತದಾರರ ಯಾದಿ ಪಟ್ಟಿ ಸಿದ್ದಪಡಿಸಲು ಸೂಚನೆ ನೀಡಲಾಗಿದೆ. ಹೀಗಾಗಿ ಎರಡನೇ ಹಂತದ ನಾಯಕರು ವಿಶೇಷವಾಗಿ ತಾ.ಪಂ, ಜಿ.ಪಂ ಚುಣಾವಣೆ ಕಣದ ಮೇಲೆ ಹೆಚ್ಚು ಆಸಕ್ತಿ ವಹಿಸುತ್ತಿದ್ದಾರೆ.
ಗೆಲುವಿನ ನಾಗಾಲೋಟ ಮುಂದು ವರೆಸುತ್ತಾ ಕೈ ಪಡೆ:
ಮುಂಬರುವ ಲೋಕಸಭಾ ಚುನಾವಣೆ ದೃಷ್ಟಿಕೋನ ಇಟ್ಟುಕೊಂಡು ಸಿದ್ಧತೆ ಮಾಡಿಕೊಂಡು ವಿಧಾನಸಭೆ ಚುನಾವಣೆ ಎದುರಿಸಿದ್ದ ಕಾಂಗ್ರೆಸ್ ಜಿಲ್ಲೆಯ ಏಳು ವಿಧಾನ ಸಭೆ ಮತಕ್ಷೇತ್ರದಲ್ಲಿ 5 ವಶಕ್ಕೆ ಪಡೆಯಲು ಯಶಸ್ವಿಯಾಗಿತ್ತು. ಈ ಖುಷಿ, ಸಂಭ್ರಮ ಮನೆ ಮಾಡುವ ಹೊತ್ತಿಗೆ ಜಿ.ಪಂ, ತಾಪಂ ಚುನಾವಣೆಯಲ್ಲಿ ಮತ್ತೆ ಗೆಲುವಿನ ನಾಗಾಲೋಟ ಮುಂದುವರೆಸುವ ತವಕದಲ್ಲಿದೆ. ತಮ್ಮ ಚುನಾವಣೆಗೆ ತನು,ಮನ, ಧನ ಸೇರಿದಂತೆ ಹಗಲು ರಾತ್ರಿ ಎನ್ನದೇ ದುಡಿಮೆ ಮಾಡಿದ ಪಕ್ಷದ ಎರಡನೇ ಹಂತದ ಪ್ರಭಾವಿಗಳಿಗೆ ಪಕ್ಷದ ಅಭ್ಯರ್ಥಿಯಾಗಿ ಕಣಕ್ಕೆ ಇಳಿಸಬೇಕಿದೆ. ಅಸಮಾಧಾನದ ಹೊಗೆ ಆಡದಂತೆ ಎಚ್ಚರಿಕೆಯ ಹೆಜ್ಜೆ ಇಡಬೇಕಿದೆ. ಗೆಲವಿನ ನಾಗಾಲೋಟ ಮುಂದುವರೆಸಲು ಸಜ್ಜಾಗಿದೆ.
ಸುಳ್ಳಿನ ಸುಳಿಯಿಂದ ಹೊರ ಬರುತ್ತಾ ಬಿಜೆಪಿ?
ವಿಧಾನಸಭೆ ಚುನಾವಣೆಯಲ್ಲಿ ಹೀನಾಯ ಸೋಲು ಬಿಜೆಪಿ ಪಕ್ಷದಲ್ಲಿನ ನೋವು ಇನ್ನು ಮಾಸಿಲ್ಲ. ಪಕ್ಷದ ಜಿಲ್ಲಾಧ್ಯಕ್ಷ, ಹಾಲಿ ಸಚಿವರು, ಪ್ರಭಾವಿ ಶಾಸಕರು ಸೋಲಿನ ಕಹಿ ಪಕ್ಷದಲ್ಲಿ ತೀವ್ರ ಕಾಡತೊಡಗಿದೆ. ಈ ನಡುವೇ ಕೆಲವೇ ತಿಂಗಳಿನಲ್ಲಿ ನಡೆಯುವ ಜಿ.ಪಂ, ತಾಪಂ ಚುನಾವಣೆಯಲ್ಲಿ ಸವಾಲ್ ಸ್ವೀಕರಿಸಿ ಗೆಲುವಿನ ದಡ ಸೇರಿಸಬೇಕಿದೆ. ಕಾರ್ಯಕರ್ತರ ವಿಶ್ವಾಸಕ್ಕೆ ಧಕ್ಕೆಯಾಗದಂತೆ ಜಾಗೃತಿ ವಹಿಸಬೇಕಿದೆ. ವಿಧಾನಸಭೆ ಚುನಾವಣೆಯ ಸೋಲಿನ ಸುಳಿಯಿಂದ ಹೊರ ಬರಲು ಹೊಸ ಪ್ರಯತ್ನ ಮಾಡಬೇಕಿದೆ. ಈ ನಿಟ್ಟಿನಲ್ಲಿ ಹೆಚ್ಚು ಗಮನ ಹರಿಸಿದೆ ಕಮಲ ಸೇನೆ.
ಜೆಡಿಎಸ್, ಎಎಪಿ ಈ ಚುನಾವಣೆ ಮುಖ್ಯ:
ವಿಧಾನಸಭೆ, ಲೋಕಸಭೆ ಚುನಾವಣೆಯಲ್ಲಿ ಮಾತ್ರ ಕಾಣಿಸಿಕೊಳ್ಳುವ ಕೆಲವ ಪಕ್ಷಗಳು ಜಿ.ಪಂ, ತಾ.ಪಂ, ನಗರಸಭೆ, ಪುರಸಭೆ ಚುನಾವಣೆಯಲ್ಲಿ ಸೈಡಲೈನ್ ಆಗುವುದು ವಾಡಿಕೆಯಾಗಿ ಬಿಟ್ಟಿದೆ. ಆದರೇ ಈ ಸಾರಿ ಜೆಡಿಎಸ್, ಎಎಪಿ ಪಕ್ಷಗಳು ಈ ಚುನಾವಣೆಯಲ್ಲಿ ತಮ್ಮ ಪ್ರಾಬಲ್ಯ ಹೊಂದಲು ಕಸರತ್ತು ನಡೆಸಲು ತಯಾರಿ ನಡೆಸಿವೆ. ವಿಧಾನ ಸಭೆ, ಲೋಕಸಭೆಗೆ ಪ್ರಮುಖ ಮೆಟ್ಟಿಲಾಗಿರುವ ಈ ಚುನಾವಣೆ ಗ್ರಾಮೀಣ ಮತದಾರರ ಮನ ಗೆಲ್ಲಲು ಅತ್ಯಂತ ಪ್ರಭಲ ಪೈಪೋಟಿ ನೀಡಬೇಕಿದೆ.
35 ಕ್ಕೆ ಇಳಿದ ಜಿ.ಪಂ ಕ್ಷೇತ್ರ
ಈವರೆಗೆ ಜಿಲ್ಲಾ ಪಂಚಾಯಿತಿಯಲ್ಲಿ ಬಿಜೆಪಿ ಸ್ವತಂತ್ರವಾಗಿ ಅಧಿಕಾರ ಹಿಡಿಯಲು ಬಹುಮತ ಪಡೆಯಲು ಸಾಧ್ಯವಾಗಿಲ್ಲ. ಒಂದಿಲ್ಲೊ0ದು ಕಾರಣಕ್ಕೆ ಹಿನ್ನಡೆ ಅನುಭವಿಸುತ್ತಾ ಬಂದಿದೆ. ಕಾಂಗ್ರೆಸ್ ಜಿಲ್ಲಾ ಪಂಚಾಯಿತಿಯಲ್ಲಿ ತನ್ನ ಹಿಡಿತ ಕೈ ಬಿಟ್ಟಿಲ್ಲ. ಈ ಸಾರಿ ಏನು ಮಾಡುತ್ತೆ ಕಾದು ಕೋಡಬೇಕು. ಇನ್ನು ಜಿಲ್ಲೆಯಲ್ಲಿ ಈ ಹಿಂದೆ 36 ಜಿಲ್ಲಾ ಪಂಚಾಯಿತಿ ಕ್ಷೇತ್ರಗಳು 35ಕ್ಕೆ ಇಳಿದಿವೆ. ಹಲವು ಕ್ಷೇತ್ರಗಳ ಕೇಂದ್ರಗಳು ಪಟ್ಟಣ ಪಂಚಾಯಿತಿಗಳಾಗಿರುವುದರಿ0ದ ಹೊಸ ಊರುಗಳಿಗೆ ಜಿಲ್ಲಾ ಪಂಚಾಯಿತಿ ಕ್ಷೇತ್ರದ ಕೇಂದ್ರವಾಗುವ ಅವಕಾಶ ಸಿಕ್ಕಿದೆ. ಕೆಲವು ಕ್ಷೇತ್ರಗಳ ವ್ಯಾಪ್ತಿಯೂ ಬದಲಾಗಿದೆ.
ಬಾಗಲಕೋಟೆ ತಾಲೂಕಿನ ಶಿರೂರ ಪಟ್ಟಣ ಪಂಚಾಯಿತಿ ಆಗಿರುವುದರಿಂದ ಬೇವೂರ ಹೊಸದಾಗಿ ಅಸ್ತಿತ್ವಕ್ಕೆ ಬಂದಿದೆ. ರಾಂಪುರ ಜಿಲ್ಲಾ ಪಂಚಾಯ್ತಿ ರದ್ದು ಮಾಡಲಾಗಿದ್ದು, ರಾಂಪುರ ಅನ್ನು ಈ ಹಿಂದೆ ಇದ್ದ ಬೇವೂರ ಜಿಲ್ಲಾ ಪಂಚಾಯಿತಿಗೆ ಸೇರಿಸಲಾಗಿದೆ.
ಮುಧೋಳ ತಾಲೂಕಿನ ಮೊದಲು ಆರು ಕ್ಷೇತ್ರಗಳಿದ್ದವು, ಈಗ ಅವುಗಳ ಸಂಖ್ಯೆ ಐದಕ್ಕೆ ಇಳಿದಿದೆ. ಲೋಕಾಪುರ ಹಾಗೂ ಬೆಳಗಲ್ ಪಟ್ಟಣ ಪಂಚಾಯಿತಿಗಳಾಗಿವೆ. ಅವುಗಳ ಬದಲಾಗಿ ನಾಗರಾಳ, ಹೆಬ್ಬಾಳ ಹೊಸದಾಗಿ ಅಸ್ತಿತ್ವಕ್ಕೆ ಬಂದಿವೆ. ಹಿಂದಿದ್ದ ಮಂಟೂರ, ಮೆಟಗುಡ್ಡ, ಶಿರೋಳ ಮುಂದುವರೆದಿವೆ. ಇಂಗಳಗಿ ರದ್ದಾಗಿದ್ದರಿಂದ. ಹುನಗುಂದ ತಾಲೂಕಿನಲ್ಲಿದ್ದ ಆರು ಕ್ಷೇತ್ರಗಳ ಪೈಕಿ ಹುನಗುಂದದಿ0ದ ಬೇರ್ಪಟ್ಟ ಇಳಕಲ್ಲ ತಾಲೂಕಿನಲ್ಲಿ ಮೂರು ಹಾಗೂ ಹುನಗುಂದ ತಾಲೂಕಿನಲ್ಲಿ ಮೂರು ಕ್ಷೇತ್ರಗಳಿವೆ. ಹುನಗುಂದ ತಾಲೂಕಿನಲ್ಲಿದ್ದ ಧನ್ನೂರು, ಬಲಕುಂದಿ ಕ್ಷೇತ್ರಗಳು ರz್ದÁಗಿವೆ, ಅಮರಾವತಿ ಹೊಸ ಕ್ಷೇತ್ರ ಅಸ್ತಿತ್ವಕ್ಕೆ ಬಂದಿದೆ. ಕೂಡಲಸಂಗಮ, ಐಹೊಳೆ ಮುಂದುವರೆದಿವೆ. ಇಳಕಲ್ಲ ತಾಲೂಕಿನಲ್ಲಿ ಗುಡೂರ ಎಸ್.ಸಿ, ಕಂದಗಲ್ ಮುಂದುವರೆದಿದ್ದು, ಕರಡಿ ಹೊಸದಾಗಿ ರಚನೆಯಾಗಿದೆ.
ರಬಕವಿಬನಹಟ್ಟಿ ತಾಲೂಕಿನಲ್ಲಿ ಮೂರು ಜಿಲ್ಲಾ ಪಂಚಾಯಿತಿ ಕ್ಷೇತ್ರಗಳಿದ್ದವು. ಈಗ ಅವುಗಳ ಸಂಖ್ಯೆ ನಾಲ್ಕಕ್ಕೆ ಏರಿದೆ. ಸಸಾಲಟ್ಟಿ, ಸೈದಾಪುರ, ಕುಲಹಳ್ಳಿ ಇದ್ದವು. ಅದರಲ್ಲಿ ಈಗ ಕುಲಹಳ್ಳಿ ಬದಲಾಗಿ ಹಿಪ್ಪರಗಿ ರಚನೆಯಾಗಿದ್ದರೆ, ಚಿಮ್ಮಡ ಹೊಸಗಾಗಿ ಅಸ್ತಿತ್ವಕ್ಕೆ ಬಂದಿದೆ. ಜಮಖಂಡಿ ತಾಲೂಕಿನ ಕುಂಬಾರಹಳ್ಳ ಕ್ಷೇತ್ರವು ಈಗ ಆಲಗೂರ ಆಗಿ ಬದಲಾಗಿದೆ, ಸಾವಳಗಿ, ಹುನ್ನೂರ, ತೊದಗಲಬಾಗಿ, ಕೊಣ್ಣೂರ ಕ್ಷೇತ್ರಗಳು ಉಳಿದುಕೊಂಡಿವೆ.
ಬಾದಾಮಿ ತಾಲೂಕಿನ ಅನವಾಲ ಕ್ಷೇತ್ರವು ಜಲಗೇರಿ, ನೀಲಗುಂದ ಕ್ಷೇತ್ರವು ಮುತ್ತಲಗೇರಿ ಹಾಗೂ ಹಂಸನೂರ ಕ್ಷೇತ್ರವು ಕರಡಿಗುಡ್ಡ ಎಸ್.ಎನ್. ಕ್ಷೇತ್ರವಾಗಿ ಬದಲಾಗಿವೆ. ಜಾಲಿಹಾಳ, ನಂದಿಕೇಶ್ವರ ಮುಂದುವರೆದಿವೆ. ಗುಳೇದಗುಡ್ಡ ತಾಲೂಕಿನಲ್ಲಿ ಹುಲ್ಲಿಕೇರಿ ಎಸ್.ಪಿ, ಕಟಗೇರಿ ಇವೆ.
ತಾಲೂಕು ಪಂಚಾಯಿತಿ ಕ್ಷೇತ್ರಗಳು:
ಬಾಗಲಕೋಟೆ ತಾಲೂಕು: ಖಜ್ಜಿಡೋಣಿ, ಕಲಾದಗಿ, ತುಳಸಿಗೇರಿ, ಗದ್ದನಕೇರಿ. ಮುರನಾಳ, ವೀರಾಪುರ, ಶೀಗಿಕೇರಿ, ಬೇವಿನಮಟ್ಟಿ, ಬೆನಕಟ್ಟಿ, ಹಳ್ಳೂರ, ಕಿರಸೂರ, ಬೇವೂರ, ನಾಯನೇಗಲಿ, ಸುತಗುಂಡಾರ, ರಾಂಪೂರ, ಶಿರಗುಪ್ಪಿ.
ಬಾದಾಮಿ ತಾಲೂಕು: ಅನವಾಲ, ಜಲಗೇರಿ, ಸೂಳಿಕೇರಿ, ಚಿಂಚಲಕಟ್ಟಿ, ನರೇನೂರ, ನೀರಲಕೇರಿ, ಹಲಕುರ್ಕಿ, ಕರಡಿಗುಡ್ಡ ಎಸ್.ಎನ್, ಅಡಗಲ್ಲ, ನಂದಿಕೇಶ್ವರ, ಪಟ್ಟದಕಲ್ಲ, ಖಾನಾಪುರ ಎಸ್.ಕೆ, ಮುತ್ತಲಗೇರಿ ಚೋಳಚಗುಡ್ಡ, ಹೊಸೂರ, ನರಸಾಪುರ, ಹೆಬ್ಬಳ್ಳಿ, ಖ್ಯಾಡ, ಜಾಲಿಹಾಳ. ಗುಳೇದಗುಡ್ಡ ತಾಲೂಕು: ಕಟಗೇರಿ, ಹಂಗರಗಿ, ಕೋಟೆಕಲ್ಲ, ಹಳದೂರ, ಹಂಸನೂರ, ಹಾನಾಪುರ ಎಸ್.ಪಿ, ಹುಲ್ಲಿಕೇರಿ ಎಸ್.ಪಿ, ಲಾಯದಗುಂದಿ, ನಾಗರಾಳ ಎಸ್.ಪಿ.
ಹುನಗುಂದ ತಾಲೂಕು: ಕೂಡಲಸಂಗಮ, ಗಂಜಿಹಾಳ, ಧನ್ನೂರ, ಮರೋಳ, ಹಿರೇಮಾಗಿ, ಚಿತ್ತರಗಿ, ಅಮರಾವತಿ, ಐಹೊಳೆ, ಸೂಳೇಭಾವಿ, ಹುಲಗಿನಾಳ, ನಾಗೂರ ಮತ್ತು ಇಳಕಲ್ಲ ತಾಲೂಕು: ಕರಡಿ, ನಂದವಾಡಗಿ, ಹಿರೇಸಿಂಗನಗುತ್ತಿ, ತುಂಬ, ಗೊರಬಾಳ, ಹಿರೇಓತಗೇರಿ, ಕಂದಗಲ, ಬಲಕುಂದಿ, ಕೆಲೂರ, ಗುಡೂರ ಎಸ್.ಸಿ, ಮರಡಿ ಹಾಗೂ ರಬಕವಿ-ಬನಹಟ್ಟಿ ತಾಲೂಕು ಕ್ಷೇತ್ರಗಳು: ಹಳಿಂಗಳಿ, ಆಸಂಗಿ, ಕುಲಹಳ್ಳಿ, ಹಿಪ್ಪರಗಿ, ಸಸಾಲಟ್ಟಿ, ಹನಗಂಡಿ, ಗೋಲಬಾಂವಿ, ಜಗದಾಳ, ನಾವಲಗಿ, ಚಿಮ್ಮಡ, ಸೈದಾಪುರ, ಕೆಸರಕೊಪ್ಪ, ಡವಳೇಶ್ವರ.
ಜಮಖಂಡಿ ತಾಲೂಕು ಕ್ಷೇತ್ರಗಳು: ತುಂಗಳ, ಸಾವಳಗಿ, ಕನ್ನೋಳ್ಳಿ, ಗೋಠೆ, ತೊದಲಬಾಗಿ, ಹಿರೇಪಡಸಲಗಿ, ಜಂಬಗಿ ಬಿ.ಕೆ, ಶೂರಪಾಲಿ, ಮೈಗೂರು, ಮುತ್ತೂರ, ಕಂಕಣವಾಡಿ, ಆಲಗೂರ, ಚಿಕ್ಕಪಡಸಲಗಿ, ಬಿದರಿ, ಕುಂಚನೂರು, ಹುನ್ನೂರ, ಮದರಖಂಡಿ, ಮರೇಗುದ್ದಿ, ಕೊಣ್ಣೂರ, ಲಿಂಗನೂರ.
ಮುಧೋಳ ತಾಲೂಕು ಕ್ಷೇತ್ರಗಳು: ಮುಗಳಖೋಡ, ಕುಳಲಿ, ಶಿರೋಳ, ಮಂಟೂರ, ಹಲಗಲಿ, ನಾಗರಾಳ, ಮಳಲಿ, ಇಂಗಳಗಿ, ಬರಗಿ, ರಂಜಣಗಿ, ಉತ್ತೂರ, ಕಸಬಾಜಂಬಗಿ, ಮಾಚಕನೂರ, ಮೆಟಗುಡ್ಡ, ಹೆಬ್ಬಾಳ, ಭಂಟನೂರ, ದಾದನಟ್ಟಿ. ಬೀಳಗಿ ತಾಲ್ಲೂಕು ಕ್ಷೇತ್ರಗಳು: ಕೋಲೂರ, ಗಲಗಲಿ, ಯಡಹಳ್ಳಿ, ಬಾಡಗಿ, ಸೊನ್ನ, ಗಿರಿಸಾಗರ, ಬಾಡಗಂಡಿ, ಸಿz್ದÁಪುರ, ತೆಗ್ಗಿ, ಅರಕೇರಿ, ಕುಂದರಗಿ, ಸುನಗ, ಮನ್ನಿಕೇರಿ, ಹೆರಕಲ, ಅನಗವಾಡಿ.
ವಿಧಾನಸಭೆ ಚುನಾವಣೆಯಲ್ಲಿ ಗೆಲುವು ಹುಮ್ಮಸ್ಸು ಹೆಚ್ಚಿಸಿದೆ. ಎರಡು ಕ್ಷೇತ್ರದಲ್ಲಿ ಸೋಲಿನ ಕಾರಣ ಹುಡಕಲಾಗುತ್ತಿದೆ. ಜಿ.ಪಂ, ತಾಪಂ ಚುನಾವಣೆ ಗಂಭೀರವಾಗಿ ಪರಿಗಣಿಸಲಾಗಿದೆ. ಅಲ್ಲಿಯೂ ಅಧಿಕಾರ ಹಿಡಿಯುವ ನಿಟ್ಟಿನಲ್ಲಿ ಸಿದ್ಧತೆ ಮಾಡಿಕೊಳ್ಳಲಾಗುವುದು. ಲೋಕಸಭಾ ಚುನಾವಣೆ ವರೆಗೆ ವಿರಾಮವಿಲ್ಲ. ಗಟ್ಟಿಯಾದ ಹೋರಾಟ ಮುಂದುವರೆಯಲಿದೆ ಎಂದು ಕಾಂಗ್ರೆಸ್ ಪ್ರಚಾರ ಸಮಿತಿ ಜಿಲ್ಲಾಧ್ಯಕ್ಷ ನಾಗರಾಜ ಹದ್ಲಿ ಹೇಳಿದರು.
ವಿಧಾನಸಭೆ ಚುನಾವಣೆ ಸೋಲು ಸವಾಲ್ ಆಗಿ ಸ್ವೀಕರಿಸಿದ್ದೇವೆ. ಕಾರ್ಯಕರ್ತರು, ಮುಖಂಡರು ಹುಮಸ್ಸು ಕಳೆದುಕೊಂಡಿಲ್ಲ. ಖಂಡಿತವಾಗಿಯೂ ಮುಂದಿನ ಜಿ.ಪಂ, ತಾಪಂ, ಲೋಕಸಭೆ ಚುನಾವಣೆ ಮುಂದಿಟ್ಟುಕೊ0ಡು 11 ಆಯಾಮಗಳ ಪ್ರಕಾರ ಅಭಿಯಾನ ರೂಪದಲ್ಲಿ ಜೂನ್ ತಿಂಗಳಲ್ಲಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಮನೆ ಮನೆ ಸಂಪರ್ಕ ಅಭಿಯಾನ ಮುಂದುವರೆಯಲಿದೆ. ನಮ್ಮ ಸರ್ಕಾರಗಳ ಸಾಧನೆ ಮುಂದಿಟ್ಟು ಕೊಂಡು ಮತ ಕೇಳುತ್ತೇವೆ. ಅಧಿಕಾರಕ್ಕೆ ಬರುವುದು ನಿಶ್ಚಿತ ಎಂದು ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರಾಜು ನಾಯ್ಕರ ಹೇಳಿದರು.