ಬೆಂಗಳೂರು: ಭಾರತೀಯ ಫುಟ್ ಬಾಲ್ ನ 2023-2024 ಆವೃತ್ತಿಯ ಪಂದ್ಯಾವಳಿಯು ಜೂನ್ 1 2023 ರಿಂದ ಮೇ 31 2024 ರಂದು ಕೊನೆಗೊಳ್ಳಲಿದೆ ಎಂದು ಅಖಿಲ ಭಾರತ ಫುಟ್ ಬಾಲ್ ಫೆಡರೇಶನ್ ತಿಳಿಸಿದೆ.
ಈ ಆವೃತ್ತಿಯಲ್ಲಿನ ದಿನಾಂಕ ಪುರುಷ ಹಾಗೂ ಮಹಿಳೆಯರ ಫುಟ್ ಬಾಲ್ ಪಂದ್ಯಗಳಿಗೆ ಅನ್ವಯಿಸಲಿದೆ.
ದೇಶಾದ್ಯಂತ ವೃತ್ತಿಪರ ಕ್ಲಬ್ ಗಳು ತಮ್ಮ ಆಟಗಾರರನ್ನು ನೋಂದಾಯಿಸಿಕೊಳ್ಳಬಹುದು. ಅದರಲ್ಲಿ ಮೊದಲನೆಯ ವಿಂಡೋ ಜೂನ್ 9 ರಂದು ಪ್ರಾರಂಭವಾಗಿ ಮತ್ತು ಆಗಸ್ಟ್ 31, 2023 ರಂದು ಮುಕ್ತಾಯಗೊಳ್ಳುತ್ತದೆ.
ಎರಡನೇ ವಿಂಡೋ ಜನವರಿ 1 ರಂದು ಪ್ರಾರಂಭವಾಗಿ ಜನವರಿ 31, 2024 ರಂದು ಕೊನೆಗೊಳ್ಳುತ್ತದೆ. ಹವ್ಯಾಸಿ ಆಟಗಾರರ ನೋಂದಣಿ ಅವಧಿಯು ಜೂನ್ 1, 2023 ರಂದು ಪ್ರಾರಂಭವಾಗಲಿದೆ.