ಬೆಂಗಳೂರು: ನಟ ಸೋನು ಸೂದ್ ಕೋವಿಡ್ ಸಮಯದಲ್ಲಿ ಜನರಿಗೆ ನೆರವಾಗುವ ಮೂಲಕ ಅಭಿಮಾನಿಗಳ ಮನಗೆದ್ದಿದ್ದಾರೆ. ಇದು ಮಾತ್ರವಲ್ಲದೇ ತಮ್ಮ ನಟನೆಯ ಮೂಲಕವೂ ಸಾಕಷ್ಟು ಅಭಿಮಾನಿಗಳನ್ನು ಪಡೆದಿದ್ದಾರೆ ಸೋನು ಸೂದ್.
ಇದೀಗ ಸುಮಾರು ವರ್ಷಗಳ ನಂತರ ಸೋನು ಸೂದ್ ಸ್ಯಾಂಡಲ್ ವುಡ್ ಗೆ ಮತ್ತೆ ಎಂಟ್ರಿ ಕೊಡಲಿದ್ದಾರೆ. 2019ರಲ್ಲಿ ತೆರೆ ಕಂಡ ಕುರುಕ್ಷೇತ್ರ ಚಿತ್ರದ ಬಳಿಕ ಸೋನು ಕನ್ನಡ ಚಿತ್ರಗಳಲ್ಲಿ ಯಾವುದೇ ಪಾತ್ರ ವಹಿಸಿಕೊಳ್ಳಲಿಲ್ಲ. ಇದೀಗ ರೈತರ ಕಥೆ ಶ್ರೀಮಂತ ಚಿತ್ರದ ಮೂಲಕ ಕಮ್ ಬ್ಯಾಕ್ ಮಾಡ್ತಿದ್ದಾರೆ.
ಈ ಚಿತ್ರಕ್ಕೆ ರಮೇಶ್ ಹಾಸನ್ ಆಕ್ಷನ್ ಕಟ್ ಹೇಳುತ್ತಿದ್ದು, ರೈತನ ಪಾತ್ರದಲ್ಲಿ ಸೋನು ಕಾಣಿಸಿಕೊಳ್ಳಲಿದ್ದಾರೆ. ಇನ್ನು ನಟಿಯರಾಗಿ ವೈಷ್ಣವಿ ಚಂದ್ರನ್, ವೈಷ್ಣವಿ ಪಟ್ಟವರ್ಧನ್, ಸಾಧುಕೋಕಿಲ, ಚರಣ್ ರಾಜ್ ಕಾಣಿಸಿಕೊಳ್ಳಲಿದ್ದಾರೆ.