ಇತ್ತೀಚಿನ ದಿನಗಳಲ್ಲಿ ಆನ್ಲೈನ್ ವಂಚನೆಯು ಹೆಚ್ಚಾಗಿ ನಡೆಯುತ್ತಿದ್ದು ವಂಚಕರು ದಿನೇ ದಿನೇ ಹೊಸ ರೂಪಗಳನ್ನು ಪಡೆದುಕೊಂಡು ಅಮಾಯಕರನ್ನು ವಂಚಿಸುತ್ತಿದ್ದಾರೆ. ಫಿಶಿಂಗ್, ಸೈಬರ್ ಸುಲಿಗೆ, ನಕಲಿ ಹೂಡಿಕೆ ಯೋಜನೆ ಮತ್ತು ಪಾವತಿ ವಂಚನೆಗಳು ಸೇರಿದಂತೆ ನಾನಾ ವಿಧದಲ್ಲಿ ಆನ್ಲೈನ್ನಲ್ಲಿ ಜನರಿಗೆ ವಂಚನೆಯನ್ನು ಮಾಡುತ್ತಿದ್ದಾರೆ.
ಈ ರೀತಿಯ ವಂಚನೆಯು ಜನರ ಹಣಕಾಸಿನ ಮಾಹಿತಿಯನ್ನು ತಿಳಿದುಕೊಳ್ಳಲು ಮತ್ತು ನಕಲಿ ಯೋಜನೆಗಳ ಮೂಲಕ ಅವರಿಂದ ಹಣ ಸುಲಿಗೆ ಮಾಡುವುದನ್ನು ಒಳಗೊಂಡಿರುತ್ತದೆ.
ಯಾವುದೆ ಅಪರಿತ ಕರೆ ಅಥವಾ ಇಮೇಲ್ಗಳು ಬಂದಾಗ ಜಾಗರೂಕರಾಗಿ ಇರಬೇಕು ಯಾವುದೇ ಕಾರಣಕ್ಕೂ ವೈಯಕ್ತಿಕ ಹಣಕಾಸಿನ ಮಾಹಿತಿಯನ್ನು ನೀಡಬಾರದು.
ಕೆಲವು ರೀತಿಯ ಆನ್ಲೈನ್ ವಂಚನೆಗಳು:
ಆನ್ಲೈನ್ ವಂಚಕರು ಜನರನ್ನು ತಮ್ಮ ಮಾತಿನಿಂದಲೇ ಮರಳು ಮಾಡಿ ಅವರು ವಂಚಕ ಮಾತನ್ನು ನಂಬುವಂತೆ ನಯವಾಗಿ ಮಾತನಾಡಿ ತಮ್ಮ ಜಾಲದ ಒಳಗೆ ಅಮಾಯಕರನ್ನು ಸಿಲುಕಿಸಿ ಹಣವನ್ನು ದೋಚುತ್ತಾರೆ.
*ಸೋಗು ಹಾಕುವ ವಂಚನೆಗಳು:
ವಂಚಕನು ಸರ್ಕಾರಿ ಅಧಿಕಾರಿ ಅಥವಾ ಯಾವುದೋ ಕಂಪನಿಯ ಪ್ರತಿನಿಧಿಯಂತೆ ವಿಶ್ವಾಸಾರ್ಹ ವ್ಯಕ್ತಿಯಂತೆ ನಟಿಸುತ್ತಾನೆ ಮತ್ತು ವೈಯಕ್ತಿಕ ಮಾಹಿತಿಯನ್ನು ಜನರು ತಾವಾಗಿಯೇ ಹೇಳುವಂತೆ ನಯವಾಗಿ ಮಾತನಾಡಿ ತನ್ನ ಜಾಲದ ಒಳಗೆ ಸಿಲುಕಿಸುತ್ತಾನೆ.
* ನಕಲಿ ಹೂಡಿಕೆ ಯೋಜನೆ:
ನಕಲಿ ಹೂಡಿಕೆಯಲ್ಲಿ ವಂಚಕನು ಹೂಡಿಕೆಯ ಮೇಲೆ ಹೆಚ್ಚಿನ ಆದಾಯವನ್ನು ಭರವಸೆ ನೀಡುತ್ತಾನೆ ಮತ್ತು ಪಾವತಿ ಮಾಡಲು ನಿಮ್ಮನ್ನು ಕೇಳುತ್ತಾನೆ. ಪಾವತಿಯನ್ನು ಮಾಡಿದ ನಂತರ, ವಂಚಕನು ಕಣ್ಮರೆಯಾಗುತ್ತಾನೆ.
* ಪಾವತಿ ವಂಚನೆ:
ಈ ರೀತಿಯ ಹಗರಣವು ನ್ಯಾಯಸಮ್ಮತವಾಗಿ ಇರುವಂತೆ ಕಾಣಿಸಿದರು ಕೂಡ ವಾಸ್ತವವಾಗಿ ನಕಲಿ ಘಟಕಕ್ಕೆ ಹಣವನ್ನು ನಿಮ್ಮ ಬಳಿ ಪಾವತಿ ಮಾಡಲು ಹೇಳಿ ನಿಮ್ಮನ್ನು ಬಲಿಪಶು ಮಾಡುತ್ತಾರೆ.
* ಮುಂಗಡ ಶುಲ್ಕ:
ನಿಮಗೆ ದೊಡ್ಡ ಬಹುಮಾನ ಬಂದಿದೆ ಅದನ್ನು ಪಡೆದುಕೊಳ್ಳಲು ಇಂತಿಷ್ಟು ಮುಂಗಡ ಶುಲ್ಕದ ಪಾವತಿಸಲು ನಿಮ್ಮಲ್ಲಿ ವಿನಂತಿಸುವುದು ನಿಮ್ಮಲ್ಲಿ ಆಸೆ ಹುಟ್ಟಿಸಿ ವಂಚಿಸುತ್ತಾರೆ.
* ಲಾಟರಿ:
ಯಾರಿಗಾದರೂ ಅವರು ಲಾಟರಿಯಲ್ಲಿ ಬಹುಮಾನವನ್ನು ಗೆದ್ದಿದ್ದಾರೆ ಎಂದು ತಿಳಿಸುವುದು ಆದರೆ ಬಹುಮಾನವನ್ನು ಪಡೆಯಲು ಶುಲ್ಕವನ್ನು ಅಥವಾ ತೆರಿಗೆ, ಇತ್ಯಾದಿ ಪಾವತಿಸುವ ಅಗತ್ಯವಿದೆ ಎಂದು ಹೇಳಿ ಹಣ ಪಡದು ವಂಚಿಸುವುದು.
* ಉದ್ಯೋಗ:
ನಕಲಿ ಉದ್ಯೋಗಾವಕಾಶಗಳನ್ನು ನೀಡುವುದು ಮತ್ತು ಉದ್ಯೋಗಾಕಾಂಕ್ಷಿಗಳಿಂದ ಉದ್ಯೋಗ ಕೊಡಿಸುವುದಾಗಿ ವೈಯಕ್ತಿಕ ಮಾಹಿತಿ ಅಥವಾ ಹಣವನ್ನು ಸಂಗ್ರಹಿಸುವುದು.
* ನಕಲಿ ಎನ್ಜಿಒ:
ವೈಯಕ್ತಿಕ ಲಾಭಕ್ಕಾಗಿ ದೇಣಿಗೆ ಸಂಗ್ರಹಿಸಲು ನಕಲಿ ದತ್ತಿಗಳನ್ನು ಸ್ಥಾಪಿಸುವುದು.
* ಪಂಪ್-ಅಂಡ್-ಡಂಪ್ ಯೋಜನೆ:
ಸ್ಟಾಕ್ ಬಗ್ಗೆ ಸುಳ್ಳು ಅಥವಾ ತಪ್ಪುದಾರಿಗೆಳೆಯುವ ಮಾಹಿತಿಯನ್ನು ಹರಡುವ ಮೂಲಕ ಷೇರುಗಳ ಬೆಲೆಯನ್ನು ಅಕ್ರಮವಾಗಿ ಪಡದುಕೊಳ್ಳುವುದು.
* ಮನೆಯಿಂದ ಕೆಲಸ ಮಾಡಿ:
ಮನೆಯಿಂದ ಉದ್ಯೋಗದ ಭರವಸೆಯನ್ನು ಒಳಗೊಂಡಿರುತ್ತದೆ. ತರಬೇತಿ ಅಥವಾ ಠೇವಣಿಗಳಿಗೆ ಪಾವತಿ ಅಗತ್ಯವಿರುತ್ತದೆ ಎಂದು ಹಣವನ್ನು ಸಂಗ್ರಹಿಸುವುದು ಮತ್ತು ಯಾವುದೇ ಉದ್ಯೋಗವನ್ನು ನೀಡದೇ ನಾಪತ್ತೆಯಾಗಿ ಬಿಡುತ್ತಾರೆ.
* ಓವರ್ ಪೇಮೆಂಟ್ ವಂಚನೆಗಳು:
ಬಾಕಿ ಮೊತ್ತಕ್ಕಿಂತ ಹೆಚ್ಚಿನ ಮೊತ್ತಕ್ಕೆ ನಕಲಿ ಚೆಕ್ ಕಳುಹಿಸುವುದು ಮತ್ತು ಚೆಕ್ ರವಾನೆಗೆ ಮುಂಚಿತವಾಗಿ ನಿಮ್ಮಲ್ಲಿ ಹೆಚ್ಚಿನ ಪಾವತಿಯನ್ನು ಹಿಂದಿರುಗಿಸುವಂತೆ ವಿನಂತಿಸುವುದು.
* ನಕಲಿ ಸಾಲ:
ಕೆಲವು ಸೆಕೆಂಡುಗಳಲ್ಲಿ ಅವಾಸ್ತವಿಕ ನಿಯಮಗಳು ಮತ್ತು ಯಾವುದೇ ಆಧಾರ ರಹಿತ ಸಾಲಗಳನ್ನು ನೀಡುವುದು ಮತ್ತು ನಂತರ ಸಾಮಾಜಿಕ ಜಾಲತಾಣಗಳನ್ನು ಬಳಸಿಕೊಂಡು ಹಣವನ್ನು ಸುಲಿಗೆ ಮಾಡುವುದು. ಹಣ ವಸೂಲಿ ಮಾಡಲು ಕಿರುಕುಳವನ್ನುನೀಡುವುದು.
* ಆನ್ಲೈನ್ ಗೇಮಿಂಗ್:
ನೀವು ಆರಂಭದಲ್ಲಿ ಹಣವನ್ನು ಗೆದ್ದಿದ್ದೀರಿ ಎಂದು ನಂಬುವಂತೆ ವಂಚಕರು ನಿಮ್ಮನ್ನು ಮೋಸಗೊಳಿಸಲು ಪ್ರಯತ್ನಿಸುತ್ತಾರೆ ಮತ್ತು ನಂತರ, ನೀವು ಹೆಚ್ಚು ಹಣವನ್ನು ಹೂಡಿಕೆ ಮಾಡಿದರೆ, ನಿಮಗೆ ಹಿಂಪಡೆಯಲು ಸಾಧ್ಯವಾಗುವುದಿಲ್ಲ.
* ಬಾಡಿಗೆ:
ನಕಲಿ ಬಾಡಿಗೆ ಆಸ್ತಿಗಳನ್ನು ಪಟ್ಟಿ ಮಾಡುವುದು ಮತ್ತು ಆಸ್ತಿಯನ್ನು ಬಾಡಿಗೆಗೆ ನೀಡುತ್ತಿದ್ದಾರೆ ಎಂದು ನಂಬುವ ವ್ಯಕ್ತಿಗಳಿಂದ ಶುಲ್ಕವನ್ನು ಸಂಗ್ರಹಿಸುವುದು.
ವಂಚನೆಗೆ ಬಲಿಯಾಗದೇ ಸುರಕ್ಷಿತವಾಗಿರುವುದು ಹೇಗೆ:
ಮೋಸಹೋಗುವ ಅಪಾಯವನ್ನು ಕಡಿಮೆ ಮಾಡಲು ಮತ್ತು ನಿಮ್ಮ ವೈಯಕ್ತಿಕ ಮತ್ತು ಹಣಕಾಸಿನ ಮಾಹಿತಿಯನ್ನು ಕಳ್ಳತನದಿಂದ ರಕ್ಷಿಸಲು ನಿಮಗೆ ಸಹಾಯ ಮಾಡುವ ಕೆಲವು ಸಲಹೆಗಳು ಇಲ್ಲಿವೆ.
* ವೈಯಕ್ತಿಕ ಮಾಹಿತಿಯನ್ನು ನಮೂದಿಸುವ ಮೊದಲು ವೆಬ್ಸೈಟ್ಗಳ ದೃಢೀಕರಣವನ್ನು ಪರಿಶೀಲಿಸಿ
* ವಿಶೇಷ ಅಕ್ಷರಗಳು, ಸಂಖ್ಯಾ ಮತ್ತು ದೊಡ್ಡ ಅಕ್ಷರಗಳನ್ನು ಹೊಂದಿರುವ ಬಲವಾದ, ವಿಭಿನ್ನ ಪಾಸ್ವರ್ಡ್ಗಳನ್ನು ಬಳಸಿ
* ಹಣಕಾಸು ಬ್ಯಾಂಕ್ ಸ್ಟೇಟ್ಮೆಂಟ್ನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡಿ
* ಕಿರು ಲಿಂಕ್ಗಳ ಮೇಲೆ ಕ್ಲಿಕ್ ಮಾಡಬೇಡಿ ಅಥವಾ ಗೊತ್ತಿಲ್ಲದೇ ಇರುವ ಸೈಟ್ಗಳಿಂದ ಡೌನ್ಲೋಡ್ ಮಾಡಬೇಡಿ
* ಮೊದಲು ಆಫರ್ಗಳನ್ನು ಪರಿಶೀಲಿಸಿ ನಂತರ ಪಾವತಿಗಳನ್ನು ಮಾಡುವುದು ಒಳ್ಳೆಯದು
* ಅಪರಿಚಿತ ಜನರಿಗೆ ವೈಯಕ್ತಿಕ ಅಥವಾ ಹಣಕಾಸಿನ ಮಾಹಿತಿಯನ್ನು ನೀಡಬೇಡಿ
* ಮುಂಗಡ ಪಾವತಿ ಮಾಡಲು ಹೇಳುವ ಕೊಡುಗೆಗಳ ಬಗ್ಗೆ ಜಾಗರೂಕರಾಗಿರಿ
* ವೆಬ್ಸೈಟ್ಗಳಲ್ಲಿ ಕಾರ್ಡ್ ಸಂಖ್ಯೆ ಮತ್ತು CVV ಸಂಖ್ಯೆಯನ್ನು ಎಂದಿಗೂ ಉಳಿಸಬೇಡಿ
* ಅಪರಿಚಿತ ಜನರೊಂದಿಗೆ ನಿಮ್ಮ ಮೊಬೈಲ್ ಅಥವಾ ಲ್ಯಾಪ್ಟಾಪ್ನ ರಿಮೋಟ್ ಸ್ಕ್ರೀನ್ ಹಂಚಿಕೆಯನ್ನು ಎಂದಿಗೂ ಮಾಡಬೇಡಿ
* ಎಲ್ಲಾ ಇಮೇಲ್ಗಳು ಮತ್ತು ಸಾಮಾಜಿಕ ಮಾಧ್ಯಮ ಖಾತೆಗಳಿಗೆ ಎರಡು ಅಂಶದ ದೃಢೀಕರಣವನ್ನು ಬಳಸಿ
* ಸಾಮಾಜಿಕ ಮಾಧ್ಯಮ ಪ್ರಭಾವಿಗಳಿಂದ ಹಣಕಾಸಿನ ಸಲಹೆಯನ್ನು ಎಂದಿಗೂ ನಂಬಬೇಡಿ
* ಯಾವುದೇ ಅನುಮಾನಾಸ್ಪದ ಚಟುವಟಿಕೆಯನ್ನು ಸಂಬಂಧಪಟ್ಟ ಅಧಿಕಾರಿಗಳಿಗೆ ವರದಿ ಮಾಡಿ