ಈಗಾಗಲೇ 10ನೇ ತರಗತಿಯ ಮಕ್ಕಳಿಗೆ ರಜೆ ಆರಂಭವಾಗಿದೆ. ಪಿಯುಸಿ ವಿದ್ಯಾರ್ಥಿಗಳು ಪರೀಕ್ಷೆ ಮುಗಿಸಿ ಬೇಸಿಗೆ ರಜೆ ಎಂಜಾಯ ಮಾಡುತ್ತಿದ್ದಾರೆ. ಎಸ್ ಎಸ್ ಎಲ್ ಸಿ ವಿದ್ಯಾರ್ಥಿಗಳು ಕೂಡ ಏಪ್ರಿಲ್ 15ಕ್ಕೆ ಪರೀಕ್ಷೆ ಮುಗಿಸಿಕೊಂಡು ಮುಂದಿನ ಶೈಕ್ಷಣಿಕ ವರ್ಷ ಆರಂಭವಾಗುವವರೆಗೆ ವಿದ್ಯಾರ್ಥಿಗಳಿಗೆ ರಜೆ ಇರಲಿದೆ. ಅಂತೂ ಎಲ್ಲಾ ವಿದ್ಯಾರ್ಥಿಗಳಿಗೆ ಹಾಲಿಡೇ ಮೂಡ್ ಶುರುವಾಗಿದೆ. ಮಕ್ಕಳು ಪೋಷಕರಿಗೆ ಮನೆಯಲ್ಲಿ ಟ್ರಿಪ್ ಪ್ಲಾನ್ ಮಾಡಲು ಹಠ ಮಾಡುತ್ತಿದ್ದಾರೆ.
ಈಚೆಯಿಂದ ಚುನಾವಣೆ ರಂಗು ಕಾವೇರಿದ್ದರೆ, ಆಚೆಯಿಂದ ಐಪಿಎಲ್ ಹವಾ ಜೋರಾಗಿದೆ. ಒಟ್ಟಿನಲ್ಲಿ ಎಲ್ಲಾ ವಿದ್ಯಾರ್ಥಿಗಳು ರಜೆಯನ್ನು ಖುಷಿಯಾಗಿ ಅನುಭವಿಸಿನಲ್ಲಿದ್ದಾರೆ.
ಪಿಯುಸಿಯಲ್ಲಿ ವಿಜ್ಞಾನ ವಿಭಾಗ ಪಡೆಯಲು ಬಯಸುವ ವಿದ್ಯಾರ್ಥಿಗಳು ಮುಂದಿನ ಶಿಕ್ಷಣಕ್ಕೆ ಬೇಕಾಗುವ ತರಗತಿಯನ್ನು ಪಡೆಯಲು ಈ ರಜೆಯನ್ನು ಸಮರ್ಪಕವಾಗಿ ಬಳಸಿಕೊಳ್ಳಲು ಯೋಚಿಸುತ್ತಿದ್ದರೆ ಪಿಯುಸಿ ಪರೀಕ್ಷೆ ಬರೆದಿರುವ ವಿದ್ಯಾರ್ಥಿಗಳು ಸಿಇಟಿ, ನೀಟ್ ಮೊದಲಾದ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಸಜ್ಜಾಗುತ್ತಿದ್ದಾರೆ. ಹೀಗೆ ವಿದ್ಯಾರ್ಥಿಗಳು ಬೇಸಿಗೆ ರಜೆಯನ್ನು ಒಂದಿಲ್ಲೊಂದು ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಲು ಪೂರಕವಾಗಿದ್ದಾರೆ.
ಇನ್ನು ಬೇಸಿಗೆ ರಜೆಯಲ್ಲಿ ನಾವೆಲ್ಲ ಅಜ್ಜಿ ಮನೆಗೆ, ಸಂಬಂಧಿಕರ ಮನೆಗೆ ಹೋಗಿ ಅಲ್ಲಿಯವರೊಂದಿಗೆ ಕಾಲ ಕಳೆಯುವುದಕ್ಕಾಗಿ ಕಾಯುತ್ತಿದ್ದೆವು, ಆದರೆ ಇಂದು ಕಾಲ ಬದಲಾಗಿದೆ ಬೇಸಿಗೆ ರಜಾ ಅಂದ ಕೂಡಲೇ ಬೇಸಿಗೆ ಶಿಬಿರದ ಪ್ಲಾನ್ ಮುಂಚೆ ನಿಗದಿಯಾಗಿರುತ್ತದೆ. ಬೇಸಿಗೆ ಶಿಬಿರ ನಡೆಸುವ ಅನೇಕ ಸಂಘ-ಸಂಸ್ಥೆಗಳು ಪರೀಕ್ಷೆ ಮುಗಿಯುವ ಮೊದಲೇ ಮಕ್ಕಳನ್ನು ಸಂಪರ್ಕಿಸಿ ಶಿಬಿರದ ದಿನಾಂಕ ಮತ್ತು ಸ್ಥಳವನ್ನು ತಿಳಿಯಪಡಿಸಿರುತ್ತಾರೆ. ಮಕ್ಕಳನ್ನು ಬೆಳಗಿನಿಂದ ಸಂಜೆಯವರೆಗೂ ಎಂಗೇಜ್ ಮಾಡಲು, ವ್ಯಕ್ತಿತ್ವ ವಿಕಾಸಕ್ಕೆ ಪೂರಕವಾಗುವಂತೆ ಬೇಸಿಗೆ ಶಿಬಿರವನ್ನು ಆಯೋಜಿಸಿರುತ್ತಾರೆ. ಪೋಷಕರು ಶಿಬಿರದ ಪೀಸನ್ನು ಕಟ್ಟಿದರೆ ಸಾಕು, ಮುಂದಿನದೆಲ್ಲವನ್ನು ಶಿಬಿರದ ಆಯೋಜಕರು ನೋಡಿಕೊಳ್ಳುತ್ತಾರೆ. ಇಂತಹ ಶಿಬಿರ 10 ರಿಂದ 15 ದಿನಗಳವರೆಗೆ ಇರುತ್ತದೆ ಹಾಗಾಗಿ ವಿದ್ಯಾರ್ಥಿಗಳು ರಜೆ ಸಮಯದಲ್ಲಿ ಇದರ ಉಪಯೋಗ ಪಡೆದುಕೊಳ್ಳುವ ಅವಕಾಶ ಇದೆ.
ಇನ್ನು ಕೆಲವು ಪೋಷಕರು ಮಕ್ಕಳಿಗೆ ರಜಾ ಶುರುವಾಗುತ್ತಿದ್ದ ಹಾಗೆ ಈಜು, ಕ್ರಿಕೆಟ್,ವಾಲಿಬಾಲ್, ಚೆಸ್ಸ್ , ಬ್ಯಾಡ್ಮಿಂಟನ್ ಹೀಗೆ ಹತ್ತು ಹಲವಾರು ತರಬೇತಿಗಳಿಗೆ ಮಕ್ಕಳನ್ನು ಸಕ್ರಿಯ ವಾಗುವಂತೆ ನೋಡಿಕೊಳ್ಳುತ್ತಾರೆ.
ಒಟ್ಟಿನಲ್ಲಿ ಮಕ್ಕಳು ಬೇಸಿಗೆ ರಜೆಯನ್ನು ಎಂಜಾಯ್ ಮಾಡುತ್ತ, ಅವರಿಗೆ ಬೇಕಾದ ತಿಂಡಿ ತಿನಿಸುಗಳನ್ನು ಪೋಷಕರಿಂದ ಮಾಡಿಸಿಕೊಂಡು ತಿಂದು ಖುಷಿಯಿಂದ ರಜೆಯನ್ನು ಎಂಜಾಯ್ ಮಾಡಲಿ ಎನ್ನುವುದೇ ನಮ್ಮ ಆಶಯ.