ಭಾರತದಲ್ಲಿ ಅತ್ಯಂತ ದುಬಾರಿ ಹೋಟೆಲ್ಗಳಿವೆ. ಐಷಾರಾಮಿ ಸೌಕರ್ಯ ಮತ್ತು ಸೊಬಗಿಗೆ ಅತಿಥಿಗಳು ಮಾರು ಹೋಗಿದ್ದಾರೆ. ಇಲ್ಲಿನ ಸ್ವಾದಿಷ್ಟವಾದ ಭೋಜನಗಳನ್ನು ಬಡಿಸುವ ರೆಸ್ಟೋರೆಂಟ್ಗಳು, ವರ್ಣರಂಜಿತ ಸ್ಪಾಗಳು, ಆಕರ್ಷಕ ಪೂಲ್ಗಳು, ಸೊಂಪಾದ ಉದ್ಯಾನವನ ಹಾಗು ಅದ್ಭುತ ಸೇವೆ ಯಾರಿಗೆ ಇಷ್ಟವಾಗಲ್ಲ ಹೇಳಿ?
ಬಹುತೇಕ ಸೆಲೆಬ್ರಿಟಿಗಳು ಇಂತಹ ಐಷಾರಾಮಿ ಹೋಟೆಲ್ಗಳಲ್ಲಿ ವಿವಾಹ ಅಥವಾ ಸಂತೋಷದ ಸಮಾರಂಭವನ್ನು ಏರ್ಪಡಿಸುತ್ತಾರೆ. ಅಷ್ಟಕ್ಕೂ ರಾಜಸ್ಥಾನದ ಅತ್ಯಂತ ಐಷಾರಾಮಿ ಹೋಟೆಲ್ಗಳು ಯಾವುವು? ಅಲ್ಲಿ ಒಂದು ದಿನ ಉಳಿಯಲು ಎಷ್ಟು ವೆಚ್ಚವಾಗುತ್ತದೆ ಎಂದು ನೋಡೋಣ.
ತಾಜ್ ಲೇಕ್ ಪ್ಯಾಲೇಸ್, ಉದಯಪುರ
ರಾಜಸ್ಥಾನ ರಾಜ್ಯದ ಉದಯಪುರದಲ್ಲಿರುವ ತಾಜ್ ಲೇಕ್ಸರೋವರದ ಮಧ್ಯದಲ್ಲಿ ನಿರ್ಮಿಸಲಾಗಿರುವ ವಿಶೇಷವಾದ ಅರಮನೆ ಕೂಡ ಹೌದು.
ಐಷಾರಾಮಿತನವನ್ನು ಇಷ್ಟಪಡುವ ಮಂದಿ ಪಿಚೋಲಾ ಸರೋವರದ ಈ ತಾಜ್ ಲೇಕ್ ಪ್ಯಾಲೇಸ್ಗೆ ಭೇಟಿ ನೀಡುತ್ತಾರೆ. ಇದನ್ನು ಒಂದು ಕಾಲದಲ್ಲಿ ‘ಜಗ್ ನಿವಾಸ್’ ಎಂದು ಕೂಡ ಕರೆಯುತ್ತಿದ್ದರು. ರಾಜ ಮಹಾರಾಣಾ ಜಗತ್ ಸಿಂಗ್ II ನಿರ್ಮಿಸಿದ ಈ ಅರಮನೆಯಲ್ಲಿ ಉಳಿಯುವುದು ತುಂಬಾನೇ ದುಬಾರಿ ಎನ್ನಬಹುದು. ಒಂದು ರಾತ್ರಿ ಇಲ್ಲಿ ತಂಗಲು ಸುಮಾರು 6,00,000 ರೂಪಾಯಿ ವೆಚ್ಚವಾಗುತ್ತದೆ.
ರಾಮಬಾಗ್ ಅರಮನೆ, ಜೈಪುರ
ಭಾರತದ ಐಷಾರಾಮಿ ಅರಮನೆಗಳಲ್ಲಿ ರಾಜಸ್ಥಾನದ ಪಿಂಕ್ ಸಿಟಿಯಲ್ಲಿರುವ ಜೈಪುರದ ರಾಮಬಾಗ್ ಅರಮನೆ ಕೂಡ ಒಂದು. ಇಲ್ಲಿ ಸಾಕಷ್ಟು ಸಿನಿಮಾಗಳು ಚಿತ್ರೀಕರಣ ನಡೆಸಿವೆ. ಈ ರಾಮಬಾಗ್ ಅರಮನೆಯು ಜೈಪುರದ ಮಹಾರಾಜರ ಹಿಂದಿನ ನಿವಾಸವಾಗಿತ್ತು. ಪ್ರಸ್ತುತ ಇದು ತಾಜ್ ಗ್ರೂಪ್ನಿಂದ ನಿರ್ವಹಿಸಲ್ಪಡುತ್ತಿದೆ.
ಪೀಕ್ ಸೀಸನ್ನಲ್ಲಿ ಒಂದು ರಾತ್ರಿ ಈ ಅರಮನೆಯಲ್ಲಿ ಕಳೆಯಲು 11,50,000 ರೂಪಾಯಿ ವೆಚ್ಚವಾಗುತ್ತದೆ ಎಂದರೆ ನೀವು ನಂಬಲೇಬೇಕು.
ಒಬೆರಾಯ್ ಉದಯವಿಲಾಸ್, ಉದಯಪುರ
ರಾಜಸ್ಥಾನದ ಉದಯಪುರದಲ್ಲಿರುವ ಒಬೆರಾಯ್ ಉದಯವಿಲಾಸ್ ಅರಮನೆಯು ಅತ್ಯಂತ ಐಷಾರಾಮಿ ಹೋಟೆಲ್ಗಳಲ್ಲಿ ಒಂದಾಗಿದೆ. ಇದು ಪಿಚೋಲಾ ಸರೋವರದ ದಡದಲ್ಲಿ ನೆಲೆಗೊಂಡಿದ್ದು, ಸಾಕಷ್ಟು ಸುಂದರವಾಗಿದೆ.
ವಿಶ್ವ ದರ್ಜೆಯ ಊಟ ಮತ್ತು ವಸತಿ ಸೌಕರ್ಯವನ್ನು ಈ ಅರಮನೆ ನೀಡುತ್ತದೆ. ಒಂದು ರಾತ್ರಿ ಇಲ್ಲಿನ ಐಷಾರಾಮಿ ಕೊಠಡಿಯಲ್ಲಿ ಉಳಿಯಲು ಬರೋಬ್ಬರಿ 3,50,000 ರೂ ವೆಚ್ಚವಾಗುತ್ತದೆ.
ಉಮೈದ್ ಭವನ ಅರಮನೆ, ಜೋಧಪುರ
ದೇಶದ ಅತಿದೊಡ್ಡ ಖಾಸಗಿ ನಿವಾಸ ಹಾಗು ಐಷಾರಾಮಿ ಹೋಟೆಲ್ಗಳಲ್ಲಿ ರಾಜಸ್ಥಾನ ರಾಜ್ಯದಲ್ಲಿರುವ ಜೋಧಪುರದ ಉಮೈದ್ ಭವನ ಅರಮನೆ ಕೂಡ ಒಂದಾಗಿದೆ. ಇದನ್ನು ತಾಜ್ ಹೊಟೇಲ್ ಸಮೂಹವು ನಿರ್ವಹಿಸುತ್ತಿದೆ. ರಾಯಲ್ ಸೂಟ್ನಲ್ಲಿ ಒಂದು ರಾತ್ರಿ ಉಳಿಯಲು 2,50,000 ರೂಪಾಯಿ ವೆಚ್ಚವಾಗುತ್ತದೆ.
ಲೀಲಾ ಪ್ಯಾಲೇಸ್, ಉದಯಪುರ
ಅರಾವಳಿಗಳು ಮತ್ತು ಸಿಟಿ ಪ್ಯಾಲೇಸ್ನ ಅದ್ಭುತ ನೋಟಗಳೊಂದಿಗೆ, ಲೀಲಾ ಪ್ಯಾಲೇಸ್ ಸರೋವರಕ್ಕೆ ಎದುರಾಗಿರುವ ಕೊಳ ಮತ್ತು ವಿಶ್ವ ದರ್ಜೆಯ ಸೌಕರ್ಯಗಳನ್ನು ಹೊಂದಿದೆ. ಇಲ್ಲಿ ಎಂಟು ಮೆಜೆಸ್ಟಿಕ್ ಸೂಟ್ಗಳಿವೆ. ಅವುಗಳಲ್ಲಿ ಒಂದರಲ್ಲಿ ತಂಗಲು ಸುಮಾರು 1,00,000 ರೂಪಾಯಿ ವೆಚ್ಚವಾಗುತ್ತದೆ.
ಒಬೆರಾಯ್ ರಾಜವಿಲಾಸ್, ಜೈಪುರ
ಜೈಪುರದ ಈ ಒಬೆರಾಯ್ ರಾಜವಿಲಾಸ್ ಅರಮನೆಯು ಐಷಾರಾಮಿ ಮತ್ತು ಕೊಹಿನೂರ್ ವಿಲ್ಲಾಗಳಿಗೆ ಹೆಸರುವಾಸಿಯಾಗಿದೆ. ಖಾಸಗಿ ಪೂಲ್ ಸೇವೆಗಳನ್ನು ಜನರು ಇಲ್ಲಿ ಪಡೆಯಲು ಬಯಸುತ್ತಾರೆ. ಇಲ್ಲಿ ಒಂದು ರಾತ್ರಿ ಉಳಿಯಲು 2,00,000 ರೂಪಾಯಿ ಬೇಕಾಗುತ್ತದೆ.