ಕರ್ನಾಟಕದ ಹೊಸ ಸಿದ್ದರಾಮಯ್ಯ ಸರ್ಕಾರವು ಮಹಿಳೆಯರಿಗೆ ಉಚಿತ ಬಸ್ ಪ್ರಯಾಣವನ್ನು ಘೋಷಿಸಿದಾಗಿನಿಂದ, ಇದು ಮಹಿಳೆಯರ ಪಾಲಿಗೆ ನಿರಂತರ ಸಂತೋಷದ ಸವಾರಿಯಾಗಿದೆ. ಬಸ್ ಅವರ ಅತ್ಯುತ್ತಮ ಸ್ನೇಹಿತ ಆಗಿದೆ. ಹೆಂಗಸರ ಗುಂಪುಗಳು ರಸ್ತೆಗಿಳಿದು ಇದ್ದಕ್ಕಿದ್ದಂತೆ ದೂರದ ಸಂಬಂಧಿಕರನ್ನು ನೆನಪಿಸಿಕೊಳ್ಳುತ್ತಿದ್ದಾರೆ. ತೀರ್ಥಯಾತ್ರೆ ಮತ್ತು ಅರಮನೆ ಪ್ರವಾಸಗಳಿಗೆ ಅಂತ ನಿರಂತರ ತಿರುಗಾಡುತ್ತಿದ್ದಾರೆ. ರಾತ್ರೋರಾತ್ರಿ ಕರ್ತವ್ಯ ನಿರತ ಕುಟುಂಬ ಮಹಿಳೆಯರು ಸೀರೆಗಳನ್ನು ಧರಿಸಿ ಬ್ಯಾಗ್ ಪ್ಯಾಕ್ ಮಾಡಿ ದೂರದ ಊರಿನ ಪ್ರಯಾಣಕ್ಕೆ ಸಿದ್ಧರಾಗಿ ನಿಲ್ಲುತ್ತಿದ್ದಾರೆ.
ಜೂನ್ ನಲ್ಲಿ ಪ್ರಾರಂಭಿಸಲಾದ ಕರ್ನಾಟಕ ಶಕ್ತಿ ಯೋಜನೆಯು ಕರ್ನಾಟಕದ ಮಹಿಳೆಯರಿಗೆ ಸರ್ಕಾರಿ ಸಾಮಾನ್ಯ ಬಸ್ ಗಳಲ್ಲಿ ಉಚಿತ ಪ್ರಯಾಣವನ್ನು ಒದಗಿಸುತ್ತಿದೆ. ಇದು ಅಭೂತಪೂರ್ವ ಮತ್ತು ಅನಿರೀಕ್ಷಿತ ಪ್ರಯಾಣದ ಉತ್ತುಂಗ ಮತ್ತು ಮಾದರಿಗೆ ದಾರಿ ಮಾಡಿಕೊಟ್ಟಿದೆ. ಮಹಿಳೆಯರು ಹೊಸ ರೀತಿಯ ಸ್ವಾತಂತ್ರ್ಯವನ್ನು ಜೀವಿಸುತ್ತಿದ್ದಾರೆ. ಪುರುಷರೊಂದಿಗೆ ಸಾರ್ವಜನಿಕ ಸ್ಥಳಗಳು ಮತ್ತು ಸಂತೋಷದ ಮೇಲೆ ತಮ್ಮ ಹಕ್ಕನ್ನು ಪಡೆದುಕೊಳ್ಳುತ್ತಿದ್ದಾರೆ. ಹಿಂದೆಂದಿಗಿಂತಲೂ ರಸ್ತೆಯಲ್ಲಿ ಸ್ತ್ರೀ ಸ್ನೇಹವನ್ನು ಬೆಳೆಸುತ್ತಿದ್ದಾರೆ.
ವರದಿಯ ಪ್ರಕಾರ ಜೂನ್ ಮತ್ತು ಜುಲೈ ನಡುವೆ, ಉಚಿತ ಸರ್ಕಾರಿ ಬಸ್ಸುಗಳನ್ನು ತೆಗೆದುಕೊಳ್ಳುವ ಮಹಿಳೆಯರ ಸಂಖ್ಯೆ 10.54 ಕೋಟಿಯಿಂದ 19.63 ಕೋಟಿಗೆ ದ್ವಿಗುಣಗೊಂಡಿದೆ. ಆಗಸ್ಟ್ ವೇಳೆಗೆ ಈ ಸಂಖ್ಯೆ 20.03 ಕೋಟಿಗೆ ಏರಿದೆ. ಇನ್ನು ಮಹಿಳಾ ಪ್ರಯಾಣಿಕರ ಉತ್ಸಾಹ ಕಡಿಮೆಯಾಗಿಲ್ಲ.
ಕರ್ನಾಟಕದ ಮಹಿಳೆಯರು ತಮ್ಮ ಮನೆಗಳಿಂದ ಹೊರಗೆ ಪ್ರಯಾಣಿಸುತ್ತಿರುವುದು ಇದೇ ಮೊದಲಲ್ಲ, ಆದರೆ ಅವರು ನಿಜವಾಗಿಯೂ ಅನಿರ್ಬಂಧಿತರಾಗಿ ಹೋರಗಡೆ ಸುತ್ತುತ್ತಿರುವುದು ಇದೆ ಮೊದಲು.
ಮಹಿಳೆಯರು ತಮ್ಮ ಕೈಚೀಲದಲ್ಲಿ ಕೆಲವು ಸೀರೆಗಳು, ಶಾಲು ಮತ್ತು ಇತರ ಅಗತ್ಯ ವಸ್ತುಗಳನ್ನು ಕೊಂಡೊಯ್ಯುತ್ತಿದ್ದಾರೆ. ದೇವಾಲಯದ ಆಹಾರ ಲಭ್ಯವಿಲ್ಲದಿದ್ದರೆ ಮನೆಯಿಂದಲೇ ರೊಟ್ಟಿ, ಚಟ್ನಿ, ಪಫ್ಡ್ ರೈಸ್ ಮತ್ತು ಈರುಳ್ಳಿಗಳಲ್ಲಿ ಆಹಾರ ಮತ್ತು ತಿಂಡಿಗಳನ್ನು ಪ್ಯಾಕ್ ಮಾಡಿ ಕೊಂಡೊಯ್ಯುತ್ತಿದ್ದಾರೆ. ಮಹಿಳೆಯರು ಭೇಟಿ ನೀಡಿದ ಸ್ಥಳಗಳಲ್ಲಿ ಫೋಟೋಗೆ ಪೋಸ್ ನೀಡುವುದು ಸಾಮಾನ್ಯ ದೃಶ್ಯವಾಗಿದೆ.
ಈ ಬಸ್ ಯೋಜನೆಯು ಆರ್ಥಿಕವಾಗಿ ದುರ್ಬಲ ವರ್ಗಗಳ ಮಹಿಳೆಯರಿಗೆ ಪ್ರಯಾಣವನ್ನು ಆನಂದಿಸಲು ಬಾಗಿಲು ತೆರೆದಿದೆ. ಇದು ಅವರಿಗೆ ಹೊಸ ಆತ್ಮವಿಶ್ವಾಸ, ಧ್ವನಿ ಮತ್ತು ಆಕಾಂಕ್ಷೆಗಳನ್ನು ನೀಡಿದೆ. ಆದರೆ ಈ ಸ್ವಾತಂತ್ರ್ಯವನ್ನು ಕಳೆದುಕೊಳ್ಳುವ ಭಯಂಕರ ಸಾಧ್ಯತೆ ಅವರ ಮನಸ್ಸಿನಿಂದ ದೂರವಿಲ್ಲ.
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ಶಕ್ತಿ ಯೋಜನೆಗೆ ಮೊದಲು ಮಹಿಳಾ ಪ್ರಯಾಣಿಕರ ಡೇಟಾವನ್ನು ಇಟ್ಟುಕೊಳ್ಳುತ್ತಿರಲಿಲ್ಲ, ಉಚಿತ ಸೇವೆಗೆ ಮೊದಲು ಒಟ್ಟಾರೆ 84 ಲಕ್ಷ ಪ್ರಯಾಣಿಕರ ಸಂಖ್ಯೆ ಈಗ 1.12 ಕೋಟಿಗೆ ಏರಿದೆ. ಸೆಪ್ಟೆಂಬರ್ 14 ರವರೆಗೆ ಕರ್ನಾಟಕದಾದ್ಯಂತ ಒಟ್ಟು 59,56,87,059 ಮಹಿಳಾ ಪ್ರಯಾಣಿಕರು ಈ ಸೇವೆಯನ್ನು ಬಳಸಿದ್ದಾರೆ.
ಬಸ್ಸುಗಳಲ್ಲಿ ಮಹಿಳೆಯರ ಸಂತೋಷದ ಸವಾರಿಗಳ ಹೆಚ್ಚಳವು ಕರ್ನಾಟಕ ಸರ್ಕಾರವೂ ಗಮನಿಸದ ವಿಷಯವಲ್ಲ. ರಾಜ್ಯದ ನಾಲ್ಕು ಸಾರಿಗೆ ನಿಗಮಗಳಲ್ಲಿ ಒಟ್ಟು 24,000 ಬಸ್ಸುಗಳು ಮತ್ತು ಸುಮಾರು 1.1 ಲಕ್ಷ ಉದ್ಯೋಗಿಗಳಿದ್ದಾರೆ. ಶಕ್ತಿ ಯೋಜನೆಯ ಮೂರು ತಿಂಗಳ ನಂತರ, ಹೆಚ್ಚುತ್ತಿರುವ ಬೇಡಿಕೆಯನ್ನು ಉಳಿಸಿಕೊಳ್ಳಲು ಸರ್ಕಾರವು ಇನ್ನೂ 5,000 ಬಸ್ಸುಗಳನ್ನು ಸೇರಿಸಲು ಮತ್ತು 13,000 ಬಸ್ ಚಾಲಕರು ಮತ್ತು ನಿರ್ವಾಹಕರನ್ನು ನೇಮಕ ಮಾಡಲು ಮುಂದಾಗಿದೆ.
ಸಾರಿಗೆ ಸಚಿವ ರಾಮಲಿಂಗಾ ರೆಡ್ಡಿರವರ ಪ್ರಕಾರ “ನಾವು 10-20 ಪ್ರತಿಶತದಷ್ಟು ಹೆಚ್ಚಳವನ್ನು ನಿರೀಕ್ಷಿಸಿದ್ದೇವೆ. ಈ ಸಂಖ್ಯೆ ಸುಮಾರು 30 ಲಕ್ಷ, ಅಂದರೆ ಸುಮಾರು 25 ಪ್ರತಿಶತದಷ್ಟು ಹೆಚ್ಚು ಜನರು ಪ್ರಯಾಣಿಸುತ್ತಿದ್ದಾರೆ”.
ಒಟ್ಟಿನಲ್ಲಿ ಮಹಿಳೆಯರು ಹೊರಗಡೆ ಪ್ರಯಾಣಿಸುವುದರ ಜೊತಗೆ ತಮ್ಮ ಕುಟುಂಬವನ್ನು ಕರೆದುಕೊಂಡು ಹೋಗುವುದರಿಂದ ದೇವಾಸ್ಥಾನ ಮತ್ತು ಪ್ರವಾಸೋದ್ಯಮ ವಲಯದಲ್ಲಿ ಸಾಕಷ್ಟು ಆರ್ಥಿಕವಾಗಿ ಸುಧಾರಣೆಯಾಗಿವೆ ಎಂದು ಹೇಳಲಾಗುತ್ತಿದೆ. ಇನ್ನೇನು ದಸರಾ ಹಬ್ಬವು ಆರಂಭವಾಗಿದ್ದು. ಮಹಿಳೆಯರ ಪ್ರಯಾಣ ಇನ್ನಷ್ಟು ಅಧಿಕವಾಗಲಿದೆ. ಬಹುಶಃ ದೇವಾಲಯಗಳು ಇನ್ನಷ್ಟು ತುಂಬಿ ತುಳುಕುವ ಸಾಧ್ಯತೆಗಳಿವೆ.