ಬೆಂಗಳೂರು: ಮಣಿಪಾಲ್ ಆಸ್ಪತ್ರೆಯು ಪ್ರಯಾಣದ ಸಂದರ್ಭದಲ್ಲಿ ಜೀವ ಉಳಿಸಬಲ್ಲ ವಿಶೇಷ ವ್ಯವಸ್ಥೆಯೊಂದನ್ನು ಜಾರಿಗೊಳಿಸುವ ಸಲುವಾಗಿ ಯೋಜನೆ ರೂಪಿಸಿದೆ.
ಈ ಯೋಜನೆಯ ಅಡಿ ಟ್ರಾಫಿಕ್ ಸಿಗ್ನಲ್, ಅಪಾರ್ಟ್ಮೆಂಟ್ ಸಂಕೀರ್ಣ, ಕಾರ್ಪೋರೇಟ್ ಕಂಪನಿ ಕಟ್ಟಡಗಳು ಮುಂತಾದೆಡೆ QR ಕೋಡ್ ಅಳವಡಿಸಲಾಗುತ್ತದೆ.
ಇವುಗಳನ್ನು ಸುಧಾರಿತ SOS QR ಕೋಡ್ ಎಂದು ಕರೆಯಲಾಗುತ್ತಿದ್ದು, ವೈದ್ಯಕೀಯ ತುರ್ತು ಸಂದರ್ಭಗಳಲ್ಲಿ ಜೀವ ಉಳಿಸುವ ಗುರಿಯನ್ನು ಹೊಂದಲಾಗಿದೆ.
ಗೋಲ್ಡನ್ ಅವರ್’ ಅಂದರೆ ರೋಗಿಯ ಅತ್ಯಂತ ಕಷ್ಟದ ಪರಿಸ್ಥಿತಿಯಲ್ಲಿ ರೋಗಿಯು ಸಕಾಲಿಕ ಸಹಾಯ ನೀಡಲು ಈ ಯೋಜನೆಯ ಹಿಂದಿನ ಮುಖ್ಯ ಉದ್ದೇಶವಾಗಿದೆ.
ಈ QR ಕೋಡ್ ಸ್ಕ್ಯಾನ್ ಮಾಡಿದರೆ ಮಣಿಪಾಲ್ ಆಂಬುಲೆನ್ಸ್ ರೆಸ್ಪಾನ್ಸ್ ಸರ್ವಿಸ್ ಮತ್ತು 108 ಆಂಬುಲೆನ್ಸ್ ಗೆ ಸಾರ್ವಜನಿಕರು ಇರುವ ಸ್ಥಳದ ಮಾಹಿತಿ ತಿಳಿಯುತ್ತದೆ. ತಕ್ಷಣ ಆ್ಯಂಬುಲೆನ್ಸ್ ಆಗಮಿಸಿ ರೋಗಿಯನ್ನು ಹತ್ತಿರದ ಮಣಿಪಾಲ್ ಆಸ್ಪತ್ರೆಗೆ ಕೊಂಡೊಯ್ಯುತ್ತದೆ.
ಸಾರ್ವಜನಿಕರು ತಮ್ಮ Android ಮತ್ತು iOS ಸಾಧನಗಳನ್ನು ಬಳಸಿಕೊಂಡು ಈ ಕೋಡ್ಗಳನ್ನು ಸುಲಭವಾಗಿ ಸ್ಕ್ಯಾನ್ ಮಾಡಬಹುದು. iOS ಬಳಕೆದಾರರು ತಮ್ಮ ಸಾಧನದ ಕ್ಯಾಮರಾ ಮೂಲಕ ಕೋಡ್ ಅನ್ನು ಸುಲಭವಾಗಿ ಸ್ಕ್ಯಾನ್ ಮಾಡಬಹುದು, ಆದರೆ Android ಬಳಕೆದಾರರು Google Lens ಅಪ್ಲಿಕೇಶನ್ ಮೂಲಕ ಸೇವೆಯನ್ನು ಪಡೆಯಬಹುದು.