ಬೆಂಗಳೂರಿನಲ್ಲಿ ಬುಧವಾರದಂದು ಸಂಜೆ ಉಂಟಾದ ಟ್ರಾಫಿಕ್ ಜಾಮ್ ಜನರ ತಾಳ್ಮೆಯನ್ನು ಪರೀಕ್ಷಿಸದಂತ್ತಿತ್ತು. ಈದ್ ಮಿಲಾದ್, ಕರ್ನಾಟಕ ಬಂದ್, ಭಾನುವಾರ ಮತ್ತು ಸೋಮವಾರದಂದು ಗಾಂಧಿ ಜಯಂತಿ ಹೀಗೆ ಸಾಲು ರಜೆಯನ್ನು ತಮ್ಮ ಮನೆಯವರೊಂದಿಗೆ ಕಳೆಯಬೇಕೆಂಬ ಬಯಕೆಯಲ್ಲಿ ಜನ ತಮ್ಮ ತಮ್ಮ ಊರಿಗೆ ಹೊರಡಲು ಸಿದ್ದರಾಗಿದ್ದರು.
ಇದರಿಂದ ಇಡೀ ಬೆಂಗಳೂರೇ ಟ್ರಾಫಿಕ್ ಜಾಮ್ ಹಿಂಸೆಯನ್ನು ಅನುಭವಿಸುವಂತಾಯಿತ್ತು. ಬೆಂಗಳೂರಿನಲ್ಲಿ ಟ್ರಾಫಿಕ್ ಜಾಮ್ ಹೊಸತೇನಲ್ಲ. ಒಂದು ಜೋರಾದ ಮಳೆ ಬಂದರೆ ಸಾಕು ಕೃತಕ ನೆರೆ ಸೃಷ್ಟಿಯಾಗಿ ಇಡೀ ಬೆಂಗಳೂರು ಜನರ ಅಂದಿನ ದಿನ ಅಸ್ತವ್ಯಸ್ಥ. ಕೇವಲ ಒಂದು ಕಿಲೋಮೀಟರ್ ದೂರವನ್ನು ತಲುಪಲು ಒಂದೂವರೆ ಗಂಟೆ ತೆಗೆದುಕೊಂಡರು ಆಶ್ಚರ್ಯ ಪಡಬೇಕಾಗಿಲ್ಲ.
ಈಗಾಗಲೇ ನಮ್ಮ ಬೆಂಗಳೂರಿನ ಟ್ರಾಫಿಕ್ ಜಾಮ್ ಬಗ್ಗೆ ಜನರು ಸಮಾಜಿಕ ಮಾಧ್ಯಮದಲ್ಲಿ ತಾವು ಅನುಭವಿಸಿದ ನರಕಯಾತನೆಯ ಬಗ್ಗೆ ಬಗೆಬಗೆಯಾಗಿ ಬರೆದುಕೊಂಡಿದ್ದಾರೆ. ಒಬ್ಬರು ಅಂತೂ ಎಕ್ಸ್ನಲ್ಲಿ ನಮ್ಮ ಮಕ್ಕಳು ಶಾಲೆಯಿಂದ ಮನೆಗೆ 6.30 ಕ್ಕೆ ಬರಬೇಕಿದ್ದವರು ಎಂಟು ಗಂಟೆಯಾದರೂ ದಾರಿಯಲ್ಲಿಯೇ ಇದ್ದರು ಎಂದು ಬರೆದುಕೊಂಡಿದ್ದಾರೆ.
ವರದಿಯ ಪ್ರಕಾರ 1.5 ರಿಂದ 2 ಲಕ್ಷದವರಗೆ ಇರಬೇಕಿದ್ದ ವಾಹನಗಳ ದಟ್ಟನೆಯು ಬುಧವಾರದಂದು ಎರಡು ಪಟ್ಟು ಜಾಸ್ತಿ ಇತ್ತು.
ಔಟರ್ ರಿಂಗ್ ರಸ್ತೆ, ಮಾರತ್ತಹಳ್ಳಿ, ಸರ್ಜಾಪುರ ಮತ್ತು ಸಿಲ್ಕ್ಬೋರ್ಡ್ ರಸ್ತೆಗಳು ಸಿಟಿಯಿಂದ ಹೊರ ವಲಯಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆಗಳೂ ಆಗಿದ್ದು ಜನರು ಸಾಕಷ್ಟು ಪರದಾಡುವಂತಾಗಿತ್ತು. ಈ ಕುರಿತು ದೇಶದಲ್ಲೇ ಭರ್ಜರಿ ಚರ್ಚೆ ಗಳು ನಡೆಯುತಿದ್ದು, ಜನ ತಮ್ಮ ಅಭಿಪ್ರಾಯ ಅನುಭವಗಳನ್ನು ಸಾಮಾಜಿಕ ಮಾದ್ಯಮದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಸಮಾಜಿಕ ಮಾಧ್ಯಮದಲ್ಲಿ ಒಬ್ಬರು ಐಟ ಕಂಪೆನಿಗಳು ತಮ್ಮ ಉದ್ಯೋಗಿಗಳಿಗೆ ಶಾಶ್ವತವಾಗಿ ವರ್ಕ್ ಫ್ರಮ್ ಹೋಂ ನೀಡಲಿ ಎಂದು ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.
ತುಂಬಿ ತುಳುಕುತ್ತಿರುವ ಬೆಂಗಳೂರಿನಲ್ಲಿ ಇದು ನಿತ್ಯದ ಸಮಸ್ಯೆ. ಬೆಂಗಳೂರು ಅನೇಕ ಕಾರಣಗಳಿಗೆ ವಿಶೇಷ ಆಕರ್ಷಣೆಯನ್ನು ಪಡೆದಿದೆ. ಇಲ್ಲಿಗೆ ಉದ್ಯೋಗ ಅರಸಿಕೊಂಡು ಬರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಾಲೇ ಇದೆ. ಬದುಕು ಕಟ್ಟಿಕೊಳ್ಳುವ ಅದಷ್ಟೋ ಮಂದಿ ಇಲ್ಲಿಯೇ ನೆಲೆಸಲು ಬಯಸುತ್ತಾರೆ. ಜನದಟ್ಟನೆಯ ಜೋತಗೆ ವಾಹನ ದಟ್ಟನೆಯು ಕೂಡ ಹೆಚ್ಚಾಗುತ್ತಾಲೇ ಇದೆ.
ಗಮನಿಸಬೇಕಾಗಿರುವ ಸಂಗತಿಯೆಂದರೆ ಬೆಂಗಳೂರಿಗೆ ನೀಡಿರುವ ವಿಶೇಷ ಸೌಲಭ್ಯ, ವಿಶೇಷ ಆಕರ್ಷಣೆ, ಉದ್ಯೋಗ ವಲಯ, ಐಟಿ, ಬಿಟಿ ಕ್ಷೇತ್ರವನ್ನು ರಾಜ್ಯದ ವಿವಿಧ ಜಿಲ್ಲೆಗಳಿಗೂ ನೀಡಬಹುದು. ಉದ್ಯೋಗ ಅರಸಿಕೊಂಡು ಬರುವವರ ಸಂಖ್ಯೆ ಕೊಂಚ ಕಡಿಮೆ ಆಗಬಹುದು. ಒಂದಷ್ಟು ಜನ ತಮ್ಮದೇ ಊರಲ್ಲಿ ಬದುಕು ಕಟ್ಟಿಕೊಳ್ಳಬಹುದು. ವಿದ್ಯಾವಂತ ಯುವಕ ಯುವತಿಯರು ನಮ್ಮದೇ ಊರಲ್ಲಿ ಕೆಲಸ ಗಿಟ್ಟಿಸಿಕೊಂಡು ತಮ್ಮವರ ಜೋತೆ ತೃಪ್ತ ಬದುಕು ಸಾಗಿಸಬಹುದು. ಒಟ್ಟಿನಲ್ಲಿ ಬೆಂಗಳೂರು ಇನ್ನಷ್ಟು ತುಂಬಿ ತುಳುಕುವುದನ್ನು ತಪ್ಪಿಸುವಂತಹ ಯೋಜನೆಯನ್ನು ಸರ್ಕಾರ ಹಾಕಿಕೊಳ್ಳಲೇ ಬೇಕು.