ಆರಾಮ ಇದ್ದೀರೇನ್ ಪಾ ಯಲ್ಲಾರೂ? ಗಣಪತಿ ಹಬ್ಬಾ ಅದು ಹೆಂಗ್ ಆತು? ನಮ್ಮ ಮನ್ಯಾಗ ಅಂತಿ ಭಾಳ ಜೋರದಾರ್ ಗಣಪತಿ ಹಬ್ಬಾ ಮಾಡಿದ್ವಿ. ಈ ಹಬ್ಬಾ ಅದು ಬಂತು ಅಂದ್ರ ನಮ್ಮ ಹುಡಗೋರ ಹುಡಗ್ಯಾರಿಗೆ ಏನೋ ಒಂದ ಥರಾ ಮಜಾ ಇರ್ತದ ನೋಡ್ರಿ. ಯಾಕಂದ್ರ ಚೊಲೋ ಚೊಲೋ ತಿನಲಿಕ್ಕೆ ಸಿಗತ್ತದ ಮತ್ತ ಪೀರಿ ಪೀರಿ ತಿರ್ಗಾಡಲಿಕ್ಕೆ ಸಿಗ್ತದ ಇನ್ನೂ ಮತ್ತೇನ ಬೇಕು ಹೇಳ್ರಿ ಈ ಜೀವಕ್ಕ. ಹಬ್ಬಾ ಅದು ಬಂತು ಅಂದ್ರ ಸಾಕು ಈ ಅವ್ವಂದ್ರು ಕೆಲಸಾ ತಾವು ಮಾಡೊಕ್ಕಿಂತಾ ನಮಗ ಹೆಚ್ಚಿಗೆ ಹೇಳತಾರ ಮತ್ತ ಕೇಳಿದ್ರ ಅಂತಾರ ನೀವೇನ ಕೆಲಸಾ ಮಾಡತಿರಿ ಬರೇ ಕೈಯಾಗ ಮೋಬೈಲ್ ಹಿಡಕೊಂಡ ಕುಡತಿರಿ ಅದನ್ನ ಬಿಟ್ಟ ಬ್ಯಾರೆಯೇನು ಮಾಡೋದಿಲ್ಲಾ ಅಂತ ಹೇಳತಾರ. ಹಂಗ ಆದ್ರ ನಾವ ಮಾಡಿದ್ದ ಕೆಲಸಾ ಎಲ್ಲಾ ಏನಾತು ಅದೇ ತಿಳಿಯುದಿಲ್ಲಾ.
ಹಿಂಗ ಹಬ್ಬದ ತಯಾರಿ ನಡದಾಗ ಎಲ್ಲಾರಗಿಂತಾ ತ್ರಾಸ ಆಗೋದ ಯಾರಿಗೆ ಅಂದ್ರ ಈ ಅರ್ಧಂ-ಬರ್ದಾ ಪ್ರೀತಿನ್ಯಾಗ ಸಿಕ್ಕೊಂಡಿರ್ತಾರಲಾ ಅವ್ರ ನೋಡ್ರಿ ಈ ಕಡೆ ಪೂರಾ ಟೈಮ್ ಕೊಟ್ಟ ಮುಂದಿನಾವ್ರ ಜೋಡಿ ಮಾತಾಡ್ಲಿಕ್ಕೂ ಆಗೋದಿಲ್ಲಾ ಮತ್ತ ಈ ಕಡೆ ಬಿಡ್ಲಿಕ್ಕೂ ಆಗೋದಿಲ್ಲಾ ನಮ್ಮ ಕಡೆ ನುಂಗಲಿಕ್ಕೂ ಇಲ್ಲಾ ಊಗಳಲ್ಲಿಕ್ಕೂ ಇಲ್ಲಾ ಅಂತಾರ ನೋಡ್ರಿ ಹಂಗ ಅದು ಪರಿಸ್ಥಿತಿ. ಇನ್ನ ನಮ್ಮ ಹಂತಾವ್ರು ಹಿಂದಯಿಲ್ಲಾ ಮುಂದಿಲ್ಲಾ ಅನ್ನಾವ್ರ ಇರ್ತೇವಲಾ ನಾವ ನೋಡ್ರಿ ಎಲ್ಲಾರಕ್ಕಿಂತಾ ಆರಾಮ ಇದ್ದಾವ್ರು. ಯಾಕಂದ್ರ ನಮಗೇನ ಯಾರ ಮೆಸೇಜ್ ಮಾಡುದಿಲ್ಲಾ ಮತ್ತ ಮಾಡಿದ್ರೂ ನಾವ ಆಗಿಂದ ಆಗ ಅದಕ್ಕ ಹೊಳ್ಳಿ ಮೆಸೇಜ್ ಮಾಡಬೇಕು ಅಂತನು ಇರುದಿಲ್ಲಾ ಯಾಕಂದ್ರ ನಮಗೆ ಮೇಸೆಜ್ ಮಾಡಾವ್ರು ಯಲ್ಲಾ ನಮ್ಮ ಹಂಗ ಸಿಂಗಲ್ ಇದ್ದ ಹಣಮಪ್ಪಗೋಳ. ಅವಕ್ಕೇನು ನೀವ ಇವತ್ತ ಮೇಸೇಜ್ ಮಾಡಿದ್ದಕ್ಕ ನಾಳೆ ಉತ್ತರಾ ಕೊಟ್ರು ಅವು ಏನು ತಪ್ಪ ತಿಳಿಯುದಿಲ್ಲಾ ಆದ್ರ ಈ ಪ್ರೀತಿ ಮಾಡಾವ್ರ ಕಥಿ ಹಂಗಲ್ಲ ನೋಡ್ರಿ ನೀ ಇನ್ನೂ ಮಾತು ಮುಗಿಯೋ ಪುರಸೋತ್ತಯಿಲ್ದ ಅದಕ್ಕ ಹೊಳ್ಳಿ ಉತ್ತರಾ ಬಂದಿರ್ಬೇಕು ಅಲ್ಲಾ ಅಂದ್ರ ಆಗಿಂದನ ಇಬ್ಬ್ರ ನಡು ಯುದ್ದಾ ಚಾಲೂನ ಆಗ್ತದ. ಅದು ಯಾವದಾ ಸಣ್ಣ ವಿಷಯನ ಇರ್ಲಿ ಆದ್ರ ಯುದ್ಧಾ ಆಗೂದ ಅಂತು ಪಕ್ಕಾ.
ಅದಕ್ಕ ಕನ್ನಡದಾಗ ಒಂದ ಗಾದಿ ಮಾತ ಅದ ತಾಳಿದವನು ಬಾಳಿಯಾನು ಅಂತ ಅಂದ್ರ ನೀವ ಎಷ್ಟ ಯಲ್ಲಾದಕ್ಕೂ ಲಗೂ ಲಗೂ ಅಂತಿರಿ ಮತ್ತ ಬಾಲಕ್ಕ ಬೆಂಕಿ ಹತ್ತಿದಾವ್ರ ಗತೇ ಮಾಡತೀರಿ ಅದು ಎಲ್ಲಾ ಟೈಮಿಗೆ ಸರಿ ಅಲ್ಲಾ ಅನ್ನೋದನ್ನ ತಿಳ್ಕೋರಿ. ನೀವ ಎಷ್ಟ ಗಡಬಡಿ ಮಾಡತೀರಿ ಅಷ್ಟ ನಿಮಗ ಮುಂದ ತ್ರಾಸ ಆಗ್ತದ. ಅದಕ್ಕ ಎಲ್ಲಾ ವಿಷಯದಾಗೂ ಸ್ವಲ್ಪ ತಾಳ್ಮಿ ಅನ್ನೋದನ್ನ ತೊಗೋರಿ. ನೀವ ಖಾಲಿಯಿದ್ದಾಗ ಮುಂದಿನ ಮನಷ್ಯಾ ಖಾಲಿಯಿರ್ಬೇಕು ಅಂತೇನಯಿಲ್ಲಾ ಆದ್ರ ಪರಿಸ್ಥಿತಿ ಹಿಂಗ ಆಗೇದಲ್ಲಾ ಈಗಿನ ಹುಡಗೋರ್ದು ಯಲ್ಲಾವು ಕುದರಿ ಮ್ಯಾಲೆ ಕುತ್ತಾವ್ರ ಗತೇನ ಮಾಡತಾವ. ಹಿಂಗಯಿನ್ನು ಮಾತು ಕಥಿ ಚಾಲು ಆಗಿರ್ತದ ಅಷ್ಟ್ರಾಗ ಮತ್ತೊಂದ ಹೊಸಾ ಕಥಿ ಚಾಲು ಮಾಡಿರ್ತಾವ. ಅದಕ್ಕ ಸ್ವಲ್ಪ ತಾಳ್ಮಿಯಿಂದ ಇರಲಿಕ್ಕೆ ಕಲಿರಿ ಮತ್ತ ಮುಂದಿನಾವ್ರಿಗೂ ಹಿಂಗೆ ಇರ್ಲಿಕ್ಕೆ ಹೇಳ್ರಿ. ಗಡಬಡಿ ಮಾಡಿ ಹಿಂದೇನ ಕೈ ಸುಟಗೊಂಡಿರಿ ಅದನ್ನ ತಪ್ಪಸ್ಲಿಕ್ಕೆ ಪ್ರಯತ್ನಾ ಮಾಡ್ರಿ. ಅದಕ್ಕ ಹಿರೇ ಮನಷ್ಯಾರು ಹೇಳ್ಯಾರ ತಾಳಿದವನು ಬಾಳಿಯಾನು ಅಂತ.
ಹಂಗ ನೀವು ತಾಳ್ಮಿಯಿಂದ ಇರಲಿಕ್ಕೆ ಕಲಿರಿ ಇವತ್ತಿಲ್ಲಾ ನಾಳೆ ನಿಮಗೂ ಚೊಲೋನ ಆಗ್ತದ ನೀವ ಯಾರಿಗೂ ಕೆಟ್ಟ ಮಾಡಿಲ್ಲಾ ಅಂದ್ರ ಆ ದೇವ್ರು ನಿಮಗೆಂದು ಕೆಟ್ಟ ಮಾಡೋದಿಲ್ಲಾ ಈ ನಂಬಿಕಿ ನಿಮಗಿರ್ಲಿ. ಆಗಿದ್ದಯಲ್ಲಾ ಚೊಲೋದಕ್ಕ ಅನ್ನು ವಿಶ್ವಾಸ ನಿಮ್ಮೊಳಗ ಇತ್ತು ಅಂದ್ರ ಇರಾವ್ರು ಇರ್ತಾರ ಹೊಗಬೇಕು ಅನಸಿದಾವ್ರು ಹೋಗ್ತಾರ ಅದಕ್ಕ ನಿಮ್ಮ ಜೀವನಾ ಹಾಳ ಮಾಡ್ಕೊಬ್ಯಾಡ್ರಿ ಅಂತ ಹೇಳಿ ಈ ವಾರದ್ದ ಕಥಿ ಮುಗಸ್ತೇನಿ.
ಮತ್ತ ಮುಂದಿನವಾರ ಸಿಗತೇನಿ ಅಲ್ಲಿ ತನಾ ತಾಳ್ಮಿಯಿಂದ ಇರ್ರಿ….
ಮುಂದವರಿತದ