ಎಐಎಡಿಎಂಕೆಯು ಬಿಜೆಪಿಯೊಂದಿಗಿನ ಮೈತ್ರಿಯನ್ನು ಕಡಿದುಕೊಂಡಿದೆ. ಇದು ಆಚ್ಚರಿಯ ಬೆಳವಣಿಗೆಯಾಗಿದೆ. ದಕ್ಷಿಣ ಭಾರತದಲ್ಲಿ ಅದರಲ್ಲೂ ತಮಿಳುನಾಡಿನಲ್ಲಿ ತನ್ನ ಅಸ್ತಿತ್ವವನ್ನು ಸ್ಥಾಪಿಸಲು ಬಿಜೆಪಿಯು ರಣ ತಂತ್ರವನ್ನು ಹೂಡಿತ್ತು. ಅದುವೆ ಎಐಎಡಿಎಂಕೆ ಯ ಜೊತೆಗಿನ ಸ್ನೇಹ. ಹದಿನಾರನೇ ತಮಿಳುನಾಡು ವಿಧಾನಸಭೆ ಚುನಾವಣೆ 2021 ರ ಏಪ್ರಿಲ್ 6 ರಂದು ನಡೆಯಿತು. ಈ ಚುನಾವಣೆಯಲ್ಲಿ ಬಿಜೆಪಿಯು ಡಿಎಂಕೆ ಪಕ್ಷಕ್ಕೆ ಸೆಡ್ಡು ಹೊಡೆದು ನಿಂತು ಚುನಾವಣೆಯನ್ನು ಎದುರಿಸಿತ್ತು. ರಾಜಕೀಯವಾಗಿ ಲಾಭ ಪಡೆಯಲು ಇತ್ತ ಅಮ್ಮ ಎಂದು ಕರೆಯುವ ಮಾಜಿ ಮುಖ್ಯ ಮಂತ್ರಿ ಜಯಲಲಿತರವರ ಜೀವನಾಧರಿತ ಸಿನಿ ಕತೆಯನ್ನು ಹೆಣೆದು ಜನರ ಮುಂದೆ ತಂದು ಹೇಗೆ ಒಬ್ಬ ಮಹಿಳೆಯನ್ನು ತುಂಬಿದ ಸಭೆಯಲ್ಲಿ ಅವಮಾನಿಸಲಾಯಿತ್ತು ಎಂದು ಜನರಿಗೆ ತೋರಿಸಲಾಯಿತು.
ರಾಜಕೀಯ ದುರುದ್ದೇಶವನ್ನು ಅರಿತ ಜನ ಬಿಜೆಪಿ ಮತ್ತು ಎಐಎಡಿಎಂಕೆ ಪಕ್ಷಕ್ಕೆ ಚುನಾವಣೆಯಲ್ಲಿ ಸರಿಯಾದ ಪಾಠವೊಂದನ್ನು ಕಲಿಸಿತ್ತು. ಆದರೆ ಬಿಜೆಪಿ ಮೊದಲ ಬಾರಿಗೆ ತಮಿಳಿನಾಡಿನಲ್ಲಿ ಖಾತೆಯೊಂದನ್ನು ತೆರೆಯಿತು . ಇದರ ಶ್ರೇಯಸ್ಸು ಸಂಪೂರ್ಣವಾಗಿ ಎಐಎಡಿಎಂಕೆಗೆ ಸೇರಬೇಕು. ಇದೀಗಾ ತಮಿಳುನಾಡಿಗೆ ದಾರಿ ಮಾಡಿಕೊಟ್ಟ ಎಐಎಡಿಎಂಕೆ ಪಕ್ಷವು ಬಿಜೆಪಿಯಿಂದ ದೂರ ಸರಿದಿದೆ.
ಈ ಕುರಿತು ಎಐಎಡಿಎಂಕೆ ಉಪ ಪ್ರಧಾನಿ ಕಾರ್ಯದರ್ಶಿ ಕೆಪಿ ಮುನುಸಾಮಿ ಅಧಿಕೃತವಾಗಿ ಮಾಹಿತಿ ನೀಡಿದ್ದಾರೆ. ಇನ್ನು ಪಕ್ಷದ ನಾಯಕ ಜಯಕುಮಾರ್ ಹೇಳಿಕೆಯ ಪ್ರಕಾರ ಬಿಜೆಪಿ ರಾಜ್ಯಾಧ್ಯಕ್ಷ ಅಣ್ಣಮಲೈ ನಮ್ಮ ನಾಯಕರನ್ನು ಟೀಕಿಸಿದ್ದಾರೆ ಹಾಗೂ ಅಮ್ಮ ಜಯಲಲಿತಾ ಅವರನ್ನು ಟೀಕಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.
ಇಂದಿನ ಮಟ್ಟಿಗೆ ಇದು ಒಂದು ಯಾವುದೇ ಕಾರಣಕ್ಕೂ ನಮ್ಮ ಪಕ್ಷ ಮತ್ತು ಪಕ್ಷದವನ್ನು ಬಿಟ್ಟುಕೋಡುವುದಿಲ್ಲ ಎಂಬಂತಿದೆ ನಡೆ. ಒಟ್ಟಿನಲ್ಲಿ ಇದು ರಾಜಕೀಯ ನಡೆಯೋ ಅಥವಾ ತಮ್ಮ ಪಕ್ಷ ಮತ್ತು ಪಕ್ಷದ ನಾಯಕರ ಮೇಲಿನ ಒಲವೋ ಇದು ಮುಂದಿನ ದಿನಗಳಲ್ಲಿ ತಿಳಿಯಲಿದೆ.
ಇನ್ನೊಂದೆಡೆ ಇಂಡಿಯಾ ಮೈತ್ರಿ ಕೂಟದಲ್ಲೂ ಬಿರುಕು ಕಂಡಿದ್ದು ಕೇರಳದಲ್ಲಿ ಸಿಪಿಐ ಮತ್ತು ತಮಿಳುನಾಡಿನಲ್ಲಿ ಎಐಎಡಿಎಂಕೆ ಪಕ್ಷಗಳು ಮುಂದಿನ ಲೋಕಾ ಸಭಾ ಚುನಾವಣೆಗೆ ಸ್ವತಂತ್ರವಾಗಿ ಸ್ಫರ್ಧಿಸಲು ಮನಸ್ಸು ಮಾಡಿದಂತೆ ಭಾಸವಾಗುತ್ತಿದೆ.