ಮಹಿಳಾ ರಾಜಕೀಯ ಮೀಸಲಾತಿಯ ಕ್ರೆಡಿಟ್ ತೆಗೆದುಕೊಳ್ಳಲು ಎಲ್ಲ ಪಕ್ಷಗಳೂ ಈಗ ಪ್ರಯತ್ನ ನಡೆಸಿವೆ. ದೇವೇಗೌಡರೇ ಮೊದಲು ಮಸೂದೆ ಮಂಡಿಸಿದ್ದು ಎಂದು ಜೆಡಿಎಸ್ ಹೇಳುತ್ತದೆ. ಇಂದಿರಾ, ರಾಜೀವ ಗಾಂಧಿಯವರೇ ಮೊದಲು ತಂದಿದ್ದು ಅಂತ ಕಾಂಗ್ರೆಸ್ ನಾಯಕರು ಹೇಳಿಕೊಳ್ಳುತ್ತಾರೆ. ಹಾಗಿದ್ದರೆ ವಾಸ್ತವ ಏನು?
1996 ರಲ್ಲಿ ದೇವೇಗೌಡರು ಪ್ರಧಾನಿಯಿದ್ದಾಗ ಮೊದಲು ಈ ಮಸೂದೆ ಮಂಡನೆ ಆಯಿತು.
1998 ರಲ್ಲಿ ವಾಜಪೇಯಿಯವರು ಇದ್ದಾಗ ಮತ್ತೆ ಮಂಡನೆ ಆಯಿತು.
1999/ 2002/2003 ರಲ್ಲಿ ಮತ್ತೆ ಮಂಡಿಸಲ್ಪಟ್ಟವು.
2008 ರಲ್ಲಿ ಪ್ರಧಾನಿ ಮನಮೋಹನಸಿಂಗ್ ರಾಜ್ಯಸಭೆಯಲ್ಲಿ ಒಪ್ಪಿಗೆ ಪಡೆದರು. ಆದರೆ ಲೋಕಸಭೆಗೆ ಅದು ಬರಲೇಇಲ್ಲ. ಏಕೆ?
ಕಾಂಗ್ರೆಸ್ಸೇ ಇದಕ್ಕೆ ಉತ್ತರ ಹೇಳಬೇಕು.
೨೭ ವರ್ಷಗಳಾದವು ಈ ಪ್ರೊಸೆಸ್ ಆರಂಭವಾಗಿ. ಈ ಮಧ್ಯೆ ಹತ್ತು ವರ್ಷ ಕಾಂಗ್ರೆಸ್ಸೇ ಅಧಿಕಾರದಲ್ಲಿತ್ತು. ಆಗ ಏಕೆ ಮಸೂದೆ ಸ್ವೀಕರಿಸಲಿಲ್ಲ. ಇದೇ ಕಾಂಗ್ರೆಸ್ಸಿನ ಮಿತ್ರಪಕ್ಷಗಳು ಅಡ್ಡಗಾಲು ಹಾಕಿದ್ದಲ್ಲವೇ? ಮಾಡಲೇಬೇಕು ಎಂಬ ದೃಢ ಇಚ್ಛಾಶಕ್ತಿಯಿದ್ದಿದ್ದರೆ ಅಸಾಧ್ಯವೇನೂ ಆಗಿರಲಿಲ್ಲ. ಆದರೆ ದೇಶದ ತುಂಬ ಸಾವಿರಾರು ಶಂಕುಸ್ಥಾಪನೆ ಮಾಡಿದ್ದ ಕಾಂಗ್ರೆಸ್ಸಿನ ಯೋಜನೆಗಳು ಹತ್ತಿಪ್ಪತ್ತು ವರ್ಷ ಕಲ್ಲಾಗಿಯೇ ಉಳಿದದ್ದನ್ನು ಪೂರ್ತಿಗೊಳಿಸಿದ್ದು ಮೋದಿ ಸರಕಾರ ಬಂದ ನಂತರವೇ. ಕಲ್ಲು ಹಾಕುವುದು ದೊಡ್ಡ ಸಾಧನೆಯೋ , ನಿರ್ಮಾಣ ಮಾಡುವುದು ದೊಡ್ಡದೋ? ಹಾಗೆಯೇ ಮಹಿಳಾ ಮೀಸಲಾತಿ ಮಸೂದೆಯ ಕತೆ. ಮಸೂದೆಗೆ ಒಪ್ಪದೇ ಇದ್ದರೆ ಮಹಿಳಾ ವಿರೋಧಿಗಳೆಂಬ ಟೀಕೆಗೆ ಗುರಿಯಾಗುವ ಭಯದಿಂದ ಇವರೀಗ ಒಪ್ಪಿಗೆ ಕೊಡುತ್ತಿದ್ದಾರೆ.