ಬಾಗಲಕೋಟೆ: ಅತೀವೃಷ್ಟಿ ಇಲ್ಲವೇ ಅನಾವೃಷ್ಟಿಯನ್ನೆ ತನ್ನ ಸೆರಗಲ್ಲಿ ಕಟ್ಟಿಕೊಂಡು ಬಂದಿರುವ ಬಾಗಲಕೋಟೆ ಜಿಲ್ಲೆಯಲ್ಲಿ ಈ ವರ್ಷ ತೀವ್ರ ಬರಗಾಲ!
೨೦೧೯ ರಿಂದ ೨೦೨೨ರ ವರೆಗೂ ಜಿಲ್ಲೆಯ ರೈತರನ್ನು ಪ್ರವಾಹ ಕಾಡಿತ್ತು. ಈ ವರ್ಷ ಪ್ರವಾಹ ಇಲ್ಲ ಎನ್ನುವಾಗಲೇ ಜಿಲ್ಲೆಯನ್ನು ಸಂಪೂರ್ಣವಾಗಿ ಬರ ಆವರಿಸಿದೆ.
ಮುಂಗಾರು ಹಂಗಾಮಿನಲ್ಲಿ ಅತ್ಯಗತ್ಯ ಸಮಯದಲ್ಲಿ ಕೈಕೊಟ್ಟ ಮಳೆರಾಯ ಇಡೀ ಜಿಲ್ಲೆಯನ್ನು ಈ ಸಲ ಬರಗಾಲಕ್ಕೆ ನೂಕಿದ್ದಾನೆ.
ಸರ್ಕಾರ ಘೋಷಣೆ ಮಾಡಿರುವ ತೀವ್ರ ಬರ ಪೀಡಿತ ಪ್ರದೇಶದ ಪಟ್ಟಿಯಲ್ಲಿ ಬಾಗಲಕೋಟೆ ಜಿಲ್ಲೆಯ ಎಲ್ಲ ೯ ತಾಲೂಕುಗಳು ಸೇರ್ಪಡೆ ಆಗಿವೆ.
ಬರದ ಹಿನ್ನಲೆಯಲ್ಲಿ ರೈತರು ಬಿತ್ತನೆ ಮಾಡಿದ್ದ ಬೆಳೆಗಳು ಒಣಗಿ ಹೋಗಿದ್ದು, ಮಾಡಿದ್ದ ಖರ್ಚು ವೆಚ್ಚವೂ ಲಾಸ್ ಆಗಿದೆ. ಜಿಲ್ಲೆಯಲ್ಲಿ ಬಹಳಷ್ಟು ಕಬ್ಬು ಬೆಳೆಯುವುದು ಹಾಗೂ ಕೃಷ್ಣಾ ನದಿಯಲ್ಲಿ ನೀರು ಇರುವುದರಿಂದ ಜಾನುವಾರುಗಳಿಗೆ ಸದ್ಯಕ್ಕೆ ಕುಡಿವ ನೀರು ಹಾಗೂ ಮೇವಿನ ಹಾಹಾಕಾರ ಇಲ್ಲವಾಗಿದೆ.
ಹಾಗೆಯೇ ಆಲಮಟ್ಟಿ ಜಲಾಶಯ ಭರ್ತಿ ಆಗಿ ಹಿನ್ನೀರು ತುಂಬಿಕೊಂಡಿರುವುದು, ಘಟಪ್ರಭಾ ನದಿಯ ಬ್ಯಾರೇಜಗಳಲ್ಲಿ ಸದ್ಯ ನೀರು ಇರುವುದರಿಂದ ಕುಡಿವ ನೀರಿಗೆ ಸದ್ಯಕ್ಕೆ ಅಭಾವ ತಲೆದೂರಿಲ್ಲ.
ಆದರೆ, ಜಿಲ್ಲೆಯಲ್ಲಿ ಮಳೆ ಆಗದೇ ಇದ್ದಿದ್ದರಿಂದ ಮುಂಗಾರು ಹಂಗಾಮಿನ ಮೇಲೆ ಸಂಪೂರ್ಣ ಕರಿನೆರಳು ಬಿದ್ದಿದೆ. ಬೆಳೆಗಳೆಲ್ಲ ಒಣಗಿ ಹೋಗುವುದು ಹಾಗೂ ತೇವಾಂಶದ ಕೊರತೆಯಿಂದ ಬಿತ್ತನೆ ಮಾಡಿದ್ದ ಬೀಜ ನೆಲ ಬಿಟ್ಟು ಮೇಲೇಳದೆ ಅನ್ನದಾತರು ತಲೆ ಮೇಲೆ ಕೈಹೊತ್ತು ಕೂತಿದ್ದಾರೆ.
ಮುಂಗಾರು ಪರಿಸ್ಥಿತಿ ಏನಿದೆ…?
ಜಿಲ್ಲೆಯಲ್ಲಿ ಪ್ರಸಕ್ತ ವರ್ಷ ಬೇಸಿಗೆ ಮಳೆ, ಪೂರ್ವ ಮುಂಗಾರು ಮಳೆ ಹಾಗೂ ಮುಂಗಾರು ಈ ಮೂರು ಹಂತದಲ್ಲೂ ಮಳೆಯ ಕೊರತೆಯನ್ನು ಅನುಭವಿಸಿದೆ.
ಮುಂಗಾರು ಬಿತ್ತನೆ ಹಾಗೂ ಬೆಳೆಗಳ ಬೆಳವಣಿಗೆಗೆ ಪೂರಕವಾಗಿದ್ದ ಜೂನ ಹಾಗೂ ಆಗಸ್ಟ್ ತಿಂಗಳಲ್ಲಿ ತೀವ್ರ ಮಳೆ ಕೊರತೆ ಉಂಟಾಗಿರುವುದು ಜಿಲ್ಲೆಯಲ್ಲಿ ಸಂಪೂರ್ಣ ಬರ ಎದುರಿಸುವಂತಾಗಿದೆ. ಜುಲೈ ತಿಂಗಳಲ್ಲಿ ವಾಡಿಕೆ ಮೀರಿ ಮಳೆ ಸುರಿದಿದ್ದರಿಂದ ರೈತರು ೮೮೧೭೪ ಹೆಕ್ಟೇರ ಪ್ರದೇಶದಲ್ಲಿ ಆಹಾರ ಬೆಳೆಗಳು ಹಾಗೂ ೧೦೦೮೧ ಹೆಕ್ಟೇರ ಪ್ರದೇಶದಲ್ಲಿ ಎಣ್ಣೆಕಾಳುಗಳು ಹಾಗೂ ೧೨೭೫೯೨ ಹೆಕ್ಟರï ವಾಣಿಜ್ಯ ಬೆಳೆಗಳನ್ನು ಬಿತ್ತನೆ ಮಾಡಿದ್ದರು. ವಾಣಿಜ್ಯ ಬೆಳೆಯಲ್ಲಿ ಅಂದಾಜು ೧ ಲಕ್ಷಕ್ಕೂ ಅಽಕ ಹೆಕ್ಟರï ಕಬ್ಬು ಬೆಳೆ ಇದೆ.
ಮುಖ್ಯವಾಗಿ ಮಳೆ ಆಶ್ರಿತ ಪ್ರದೇಶದಲ್ಲಿ ಬಿತ್ತನೆ ಮಾಡಿರುವ ಆಹಾರ ಹಾಗೂ ಎಣ್ಣೆಕಾಳು ಬೆಳೆಗಳಿಗೆ ಮಳೆ ಅಭಾವದಿಂದಾಗಿ ಬಿತ್ತನೆಗೆ ಮಾಡಿದ್ದ ಖರ್ಚು ಸಹ ವಾಪಸ್ಸು ಬರದಂತಾಗಿದೆ. ಬಹುತೇಕ ಬೆಳೆಗಳು ಒಣಗಿ ಹೋಗಿವೆ.
ಮಳೆ ಸ್ಥಿತಿಗತಿ ಏನು…?
ಜಿಲ್ಲೆಯಲ್ಲಿ ಪ್ರಸಕ್ತ ಮುಂಗಾರು ಹಂಗಾಮಿನಲ್ಲಿ ಮಳೆ ಕೊರತೆ ದೊಡ್ಡ ಮಟ್ಟದಲ್ಲಿ ಆಯಿತು. ಬಿತ್ತನೆಗೆ ಭೂಮಿ ಸಜ್ಜುಗೊಳಿಸಲು ಮೇ ತಿಂಗಳ ಅಂತ್ಯಕ್ಕೆ ಉತ್ತಮ ಮಳೆ ಆಗುವ ನಿರೀಕ್ಷೆ ಈಡೇರಲಿಲ್ಲ. ವಾಡಿಕೆ ಮಳೆ ೫೧.೩ ಎಂಎಂ ಆಗಬೇಕಿತ್ತು. ಸುರಿದಿದ್ದು ೩೯.೧ಎಂಎಂ ಮಾತ್ರ. ಇದರಿಂದ ಶೇ.೨೩.೮ ಎಂಎಂ ಕೊರತೆ ಆಗಿತ್ತು. ಜೂನ ತಿಂಗಳಲ್ಲಿ ಇದು ಪುನರಾವರ್ತನೆ ಆಗಿ, ವಾಡಿಕೆ ಮಳೆ ೮೯.೯ ಎಂಎಂ ಪೈಕಿ ಕೇವಲ ೧೯.೯ಎಂಎಂ ಸುರಿದು ಶೇ.೭೭.೪ ರಷ್ಟು ಮಳೆ ಕಡಿಮೆ ಆಗಿತ್ತು. ಜುಲೈ ತಿಂಗಳು ೧೦ ದಿನಗಳ ಕಾಲ ಬಿಟ್ಟು ಬಿಡದೇ ಸುರಿದ ಮಳೆ ವಾಡಿಕೆಯಂತೆ ೬೧.೮ಎಂಎಂ ಗಿಂತ ೧೦೫.೭ಎಂಎಂ ಆಗಿದೆ. ಇದರಿಂದ ಶೇ.೭೧ ರಷ್ಟು ಅಽಕ ಮಳೆ ಆಯಿತು. ಆಗಸ್ಟï ತಿಂಗಳಲ್ಲಿ ಮತ್ತೆ ಕೈಕೊಟ್ಟ ಮಳೆರಾಯ, ವಾಡಿಕೆ ಮಳೆ ೭೫.೫ ಎಂಎಂ ಪೈಕಿ ೨೪.೪ಎಂಎಂ ಸುರಿದಿದ್ದು, ಶೇ. ೬೭.೭ರಷ್ಟು ಕಡಿಮೆ ಮಳೆ ಆಗಿದೆ. ಸೆಪ್ಟಂಬರï ತಿಂಗಳಲ್ಲಿ ಮೊದಲ ವಾರ ಉತ್ತಮ ಮಳೆ ಆಗಿದ್ದು, ಈ ವರೆಗೂ ವಾಡಿಕೆಯಂತೆ ೪೦.೧ಎಂಎಂ ಮೀರಿ ೫೨.೬ಎಂಎಂ ಮಳೆ ಆಗಿದ್ದು, ಶೇ.೩೧.೨ ಅಽಕ ಮಳೆ ಸುರಿದಿದೆ. ಒಟ್ಟಾರೆ, ಈ ವರೆಗೂ ೨೬೫.೩ ಎಂಎಂ ಪೈಕಿ ೨೦೨.೬ಎಂಎಂ ಮಳೆ ಆಗಿದ್ದು, ಶೇ.೨೩.೬ರಷ್ಟು ಮಳೆ ಕೊರತೆ ಆಗಿದೆ. ಆದರೆ, ಜುಲೈ ಮತ್ತು ಸೆಪ್ಟಂಬರಯ ತಿಂಗಳಲ್ಲಿ ವಾಡಿಕೆಗಿಂತ ಅಧಿಕ ಮಳೆ ಆಗಿದ್ದರೂ ಅದು ಬೆಳೆಗಳನ್ನು ರಕ್ಷಿಸಲು ಸಾಧ್ಯವಾಗಿಲ್ಲ. ಜುಲೈನಲ್ಲಿ ಸುರಿದ ಮಳೆಗೆ ಬಿತ್ತನೆ ಮಾಡಿದ ರೈತರಿಗೆ ಆಗಸ್ಟ್ ಸಂಪೂರ್ಣ ಕೈಕೊಟ್ಟಿದ್ದರಿಂದ ಬೆಳೆಗಳು ನಾಶವಾಗಿ ಹೋಗಿದ್ದು, ಸಂಪೂರ್ಣ ಲಾಸ್ ಆಗಿದೆ.
ಹೈನೋದ್ಯಮಕ್ಕೆ ಸಮಸ್ಯೆ :
ಇನ್ನು ಜಿಲ್ಲೆಯಲ್ಲಿ ಸದ್ಯ ಮೇವಿನ ಅಭಾವ ಇಲ್ಲ ಎಂದು ಇಲಾಖೆ ಅಧಿಕಾರಿಗಳು ಹೇಳುತ್ತಾರೆ. ೧೯ ರಿಂದ ೨೦ ತಿಂಗಳಿಗೆ ಆಗುವಷ್ಟು ಮೇವು ಇದೆ ಎನ್ನುತ್ತಾರೆ. ಆದರೆ, ಕಬ್ಬು ಬೆಳೆಯುವ ಪ್ರದೇಶವನ್ನು ಗಮನದಲ್ಲಿ ಇಟ್ಟುಕೊಂಡು ಅಽಕಾರಿಗಳು ಹೇಳುತ್ತಾರೆ. ಆದರೆ, ಮಳೆ ಆಶ್ರಿತ ಪ್ರದೇಶದಿಂದ ಲಭ್ಯ ಆಗುತ್ತಿದ್ದ ಜೋಳ, ಮೆಕ್ಕೆಜೋಳ, ಹೆಸರು ಹೊಟ್ಟು, ಶೇಂಗಾ ಹೊಟ್ಟು ಇಲ್ಲವಾಗಿದೆ. ಇದರಿಂದ ಈಗಾಗಲೇ ಹೈನೋದ್ಯಮದ ಕುಂಟಿತ ಆಗಿದೆ. ಹಾಲು ಉತ್ಪಾದನೆ ಶೇ.೪೦ ರಷ್ಟು ಕುಸಿತ ಕಂಡಿದೆ. ಮುಖ್ಯವಾಗಿ ಬಾಗಲಕೋಟೆ, ಬಾದಾಮಿ, ಹುನಗುಂದ ತಾಲೂಕಿನಲ್ಲಿ ಜಾನುವಾರು ಹೊಂದಿರುವ ಅನೇಕರ ಕಡೆ ಮೇವು ಸಂಗ್ರಹ ಇಲ್ಲ. ಅವರಿಗೆ ಮೇವು ಪೂರೈಕೆಗೆ ಜಿಲ್ಲಾಡಳಿತ ಗಮನ ಹರಿಸಬೇಕಿದೆ ಎಂದು ರೈತರು ಹೇಳುತ್ತಾರೆ.
ಜಿಲ್ಲೆಯ ಬರ ತಾಲೂಕುಗಳು:
ಜಿಲ್ಲೆಯ ಬಾಗಲಕೋಟೆ, ಬಾದಾಮಿ, ಗುಳೇದಗುಡ್ಡ, ಹುನಗುಂದ, ಇಳಕಲ್ಲ, ಬೀಳಗಿ, ಮುಧೋಳ, ರಬಕವಿ-ಬನಹಟ್ಟಿ, ಜಮಖಂಡಿ ತಾಲೂಕುಗಳನ್ನು ತೀವ್ರ ಬರ ಪೀಡಿತ ಎಂದು ಸರ್ಕಾರ ಘೋಷಣೆ ಮಾಡಿದೆ.