ಬಹುತೇಕ ಅವಕಾಶ ಸಿಕ್ಕಲ್ಲೆಲ್ಲ cashless transaction ನಡೆಸುವ ಹಲವರಲ್ಲಿ ನಾನೂ ಒಬ್ಬ. ನನ್ನ ಬಳಿ cash ಇರೋದೇ ಬಹಳ ಅಪರೂಪ. ಬಸ್ಸಿನಲ್ಲಿ ಸಂಚರಿಸುವ ಸಂದರ್ಭ ಬಿಟ್ಟರೆ ಬೇರೆಲ್ಲಾ ಕಡೆ ಡಿಜಿಟಲ್ ಪೇಮೆಂಟೇ ನನ್ ಆಯ್ಕೆ. ಯಾವುದಾದರೂ ಅಂಗಡಿ, ಹೋಟೆಲ್ ಪ್ರವೇಶಿಸುವಾಗ, ಆಟೋದಲ್ಲಿ ಹೋಗುವಾಗ QR ಕೋಡ್ ಕಂಡರಷ್ಟೇ ಅಲ್ಲಿ ನನ್ನ ವ್ಯವಹಾರ. ಇಲ್ಲದಿದ್ದರೆ ಬಹುತೇಕ ರಿಜೆಕ್ಟ್.
ಎಷ್ಟೋ ಸಂದರ್ಭದಲ್ಲಿ ನನ್ನ ಬಳಿ ಕ್ಯಾಶ್ ಇಲ್ಲದೇ, ಅತ್ತ ಅಂಗಡಿಯಲ್ಲಿ QR ಕೋಡ್ ಸಹ ಇಲ್ಲದೇ, ಯಾರೋ ಅಪರಿಚಿತರ ಬಳಿ cash ಪಡೆದು, ಅವರಿಗೆ UPI ಮೂಲಕ ಹಣ transfer ಮಾಡಿದ್ದೂ ಉಂಟು. ಒಮ್ಮೆ ಬಸ್ಸಿನಲ್ಲಿ ಹೋಗುವಾಗ ಸಹ ಪ್ರಯಾಣಿಕರೊಬ್ಬರಿಗೆ ಹಣ Google pay ಮಾಡಿ ಅದನ್ನೇ ಕಂಡಕ್ಟರ್ ಗೆ ಕೊಟ್ಟದ್ದೂ ಉಂಟು.
‘ಅಗತ್ಯ ಇದ್ದರೆ ATM ಬಳಸಿ cash withdraw ಮಾಡ್ಬೋದಲ್ವಾ’ ಅಂತ ನೀವು ಕೇಳಬಹುದು. ATM ಕಾರ್ಡು ಇದ್ದರೂ, ಅದನ್ನಿನ್ನೂ activate ಮಾಡದ ಆಲಸಿ ನಾನು. ಆಕ್ಟಿವ್ ಮಾಡುವ ಸಲುವಾಗಿ ಒಂದೆರಡು ಬಾರಿ ಎಟಿಎಂಗೆ ಹೋಗಿದ್ದೆ, ಆಗಿರಲಿಲ್ಲ. ಆಮೇಲೆ ಹೋಗೂ ಇಲ್ಲ. ಹಾಗಾಗಿ ಈಗ ಎಲ್ಲಿಗೇ ಹೋಗೋದಾದ್ರೂ ಕಾರ್ಡ್ ಅನ್ನು ತೆಗೆದುಕೊಂಡು ಹೋಗೋದೂ ಇಲ್ಲ.
ಈಗ ವಿಷಯ ಏನಂದ್ರೆ, ಡಿಜಿಟಲ್ ಭಾರತದಲ್ಲಿ ಈಗ ಹೊಸ ಕ್ರಾಂತಿ ಆಗಿದೆ. ಹಿಟಾಚಿ ಪೇಮೆಂಟ್ ಸರ್ವಿಸಸ್, ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೋರೇಶನ್ ಇಂಡಿಯಾದ ಜೊತೆಗೂಡಿ UPI ಆಧಾರಿತ ಎಟಿಎಂ ಅನ್ನು ಪರಿಚಯಿಸಿದೆ. ಕಾರ್ಡ್ ಇಲ್ಲದೆಯೂ ATM ಮಶೀನ್ ಮೂಲಕ ಕ್ಯಾಶ್ withdraw ಮಾಡುವ ಮಶೀನ್ಗಳು ಇವು. ಈ ಎಟಿಎಂ ಅನ್ನು ಸೆಪ್ಟೆಂಬರ್ ೫ ರಂದು ಮುಂಬೈನಲ್ಲಿ ನಡೆದ ಗ್ಲೋಬಲ್ ಫಿನ್ಟೆಕ್ ಫೆಸ್ಟ್ 2023 ರಲ್ಲಿ ಅನಾವರಣಗೊಳಿಸಲಾಯಿತು. ಇದು ಬಹುಶಃ ನನ್ನಂತಹವರಿಗೆ ಹೇಳಿ ಮಾಡಿಸಿದ್ದು ಅನ್ಸುತ್ತೆ. ಎಲ್ಲವೂ ಮೊಬೈಲ್ ನಲ್ಲೇ ಆಗಬೇಕು ಎಂದು ಅಪೇಕ್ಷೆ ಪಡುವವರಿಗಂತೂ ಈ ಸುದ್ದಿ ಬಹಳ ಖುಷಿ ತರಿಸುತ್ತದೆ.
ಹಣ ಪಡೆಯುವುದು ಹೇಗೆ?
– ಯುಪಿಐ ಏಟಿಎಂ ಮಷೀನ್ ನಲ್ಲಿ ಮೊದಲಿಗೆ ಕಾರ್ಡ್ ಲೆಸ್ ಟ್ರಾನ್ಸಾಕ್ಷನ್ ಆಯ್ಕೆ ಒತ್ತಿ.
– ಅಲ್ಲಿ ನೇರವಾಗಿ ಎಷ್ಟು ಮೊತ್ತ ಬೇಕು ಎಂದು ನಮೂದಿಸುವುದು – Rs 100, Rs 500, Rs 1,000, Rs 2,000 and Rs 5,000
– ಆಗ ಎಟಿಎಂ ಸ್ಕ್ರೀನ್ ನಲ್ಲಿ ಒಂದು QR ಕೋಡ್ ಜನರೇಟ್ ಆಗುತ್ತೆ.
– ಅದನ್ನು ನಿಮ್ಮ ಮೊಬೈಲ್ ನಲ್ಲಿರುವ ಯಾವುದಾದರೂ ಪೇಮೆಂಟ್ ಅಪ್ಲಿಕೇಶನ್ ಮೂಲಕ ಸ್ಕ್ಯಾನ್ ಮಾಡುವುದು (ಭೀಮ್, ಗೂಗಲ್ ಪೇ ಇತ್ಯಾದಿ)
– ಆಗ ನಿಮ್ಮ ಮೊಬೈಲ್ ಸ್ಕ್ರೀನ್ ಮೇಲೆ ಆ ಮೊತ್ತ ಕಾಣಿಸುತ್ತೆ
– ಬಳಿಕ ನಿಮ್ಮ ಯುಪಿಐ ಪಿನ್ ದಾಖಲಿಸಿ
– ಒಪ್ಪಿಗೆ ಸಿಕ್ಕ ಬಳಿಕ ಎಟಿಎಂ ನಲ್ಲಿ ಹಣ ಬರುತ್ತೆ.
ಯುಪಿಐ ಆಧಾರಿತ ಪೇಮೆಂಟ್ ಅಪ್ಲಿಕೇಶನ್ ಕಡ್ಡಾಯ
ಆಂಡ್ರಾಯ್ಡ್ ಹಾಗೂ ಐಫೋನ್ ಬಳಕೆದಾರರು ಇದನ್ನು ಉಪಯೋಗಿಸಬಹುದು. ಮೊಬೈಲ್ ನಲ್ಲಿ ಯುಪಿಐ ಆಧಾರಿತ ಪೇಮೆಂಟ್ ಅಪ್ಲಿಕೇಶನ್ ಇರಬೇಕಾಗಿರುವುದು ಕಡ್ಡಾಯ. ಏಟಿಎಂ ಕಾರ್ಡ್ ಮೂಲಕ ಆಗುವ ಫ್ರಾಡ್ ಗಳಿಗೂ ಇದು ಉತ್ತರವಾಗಲಿದೆ ಎಂದು ಅಂದಾಜಿಸಲಾಗಿದೆ. ಈ ಮೂಲಕ ಎಟಿಎಂ ಪಿನ್ ಬಳಸಿ ನಮ್ಮ ಬ್ಯಾಂಕ್ ಖಾತೆಯಿಂದ ಹಣ ಪಡೆದು ವಂಚಿಸುವ ಅಪರಾಧಗಳೂ ಕಡಿಮೆ ಆಗುವ ನಿರೀಕ್ಷೆ ಇದೆ.
ಅಂದಹಾಗೆ ಸದ್ಯ ಹಲವು ಎಟಿಎಂ ಗಳಲ್ಲಿ ಕ್ಯಾಶ್ ಲೆಸ್ ಟ್ರಾನ್ಸಾಕ್ಷನ್ ವೈಶಿಷ್ಟ್ಯ ಇದ್ದರೂ ಅವು ಮೊಬೈಲ್ ಹಾಗೂ ಒಟಿಪಿ ಆಧಾರಿತವಾಗಿವೆ. ಯುಪಿಐ ಎಟಿಎಂಗಳು ಇನ್ನಷ್ಟೇ ಎಲ್ಲ ಕಡೆಗಳಲ್ಲಿ ಬರಬೇಕಿದೆ. ಸದ್ಯದಲ್ಲೇ ಎಲ್ಲಾ ಬ್ಯಾಂಕ್ ಗಳೂ ಇದನ್ನು ಅಳವಡಿಸುವ ನಿರೀಕ್ಷೆ ಇದೆ.