ಇತ್ತೀಚಿನ ದಿನಗಳಲ್ಲಿ ಆಫೀಸ್ ಕೆಲಸಕ್ಕೆ ಹೋಗುವವರು ಲ್ಯಾಪ್ಟಾಪ್ನ್ನೂ ಹೊತ್ತುಕೊಂಡು ಹೋಗಬೇಕು. ಬ್ಯಾಗ್ನಲ್ಲಿ ಬರೀ ಲ್ಯಾಪ್ಟಾಪ್ ಮಾತ್ರವಲ್ಲ, ಮದ್ಯಾಹ್ನ ಊಟದ ಡಬ್ಬಿ, ನೀರಿನ ಬಾಟಲಿ ಹೀಗೆ ಇನ್ನೇನೆಲ್ಲಾ ಅವಶ್ಯಕ ವಸ್ತುಗಳನ್ನು ಕೊಂಡೊಯ್ಯಬೇಕಾಗುತ್ತದೆ. ಇವೆಲ್ಲಾ ಸೇರಿ ಸುಮಾರು ೩ರಿಂದ ೪ ಕಿ.ಲೋ ತೂಕವನ್ನು ನಾವು ದಿನನಿತ್ಯ ಹೊತ್ತುಕೊಂಡು ಹೋಗುತ್ತೇವೆ. ಪ್ರತಿದಿನ ಹಲವಾರು ಕಿಲೋ ಮೀಟರ್ ಈ ಬ್ಯಾಗ್ನ್ನು ಹೊತ್ತುಕೊಂಡು ಹೋಗುವುದು ನಮ್ಮ ದೇಹಕ್ಕೆ ಹಾನಿಯನ್ನುಂಟು ಮಾಡಬಲ್ಲದು.
ದೇಹದ ಭಂಗಿಯ ಮೇಲೆ ಪರಿಣಾಮ
ದೀರ್ಘಕಾಲದವರೆಗೆ ಲ್ಯಾಪ್ಟಾಪ್ ಬ್ಯಾಗ್ನ್ನು ಹೆಗಲಿನಲ್ಲಿ ಏರಿಸಿಕೊಂಡಿರುವುದು ನಮ್ಮ ದೇಹದ ಭಂಗಿಯ ಮೇಲೆ ಪರಿಣಾಮ ಬೀರಲಿದೆ. ನಿಮ್ಮ ಮಾಂಸಖಂಡಗಳಿಗೆ ಆಯಾಸವನ್ನುಂಟು ಮಾಡಬಹುದು. ನಿಮ್ಮ ತೋಳು, ಭುಜ, ಕುತ್ತಿಗೆ ಭಾಗದಲ್ಲಿ ನೋವನ್ನುಂಟು ಮಾಡಬಹುದು.
ನೈಸರ್ಗಿಕ ವಕ್ರತೆಗೆ ಕಾರಣವಾಗುತ್ತದೆ
ನಿಮ್ಮ ಭಂಗಿಗೆ ದೀರ್ಘಾವಧಿಯ ಬದಲಾವಣೆಗಳನ್ನುಂಟು ಮಾಡಬಹುದು. ಇದು ನಿಮ್ಮ ಮೂಳೆಗಳ ಮೇಲೆ ಪರಿಣಾಮ ಬೀರಬಹುದು ನೈಸರ್ಗಿಕ ವಕ್ರತೆ ಮತ್ತು ದೀರ್ಘಕಾಲದ ನೋವು ಮತ್ತು ಅಸ್ವಸ್ಥತೆಗೆ ಕಾರಣವಾಗುತ್ತದೆ.
ಭಾರವಾದ ಚೀಲವನ್ನು ಒಯ್ಯುವುದು ಸಾಮಾನ್ಯವಾಗಿ ಸಣ್ಣಗಿರುವ ವ್ಯಕ್ತಿಯನ್ನು ಮುಂದಕ್ಕೆ ವಾಲುವಂತೆ ಮಾಡುತ್ತದೆ. ಈ ಭಂಗಿಯು ನಿಮ್ಮ ಕುತ್ತಿಗೆಯ ಸ್ನಾಯುಗಳನ್ನು ತಗ್ಗಿಸಬಹುದು, ಕುತ್ತಿಗೆಯ ನೋವು, ತಲೆನೋವು ಮತ್ತು ಸಮಸ್ಯೆಗೆ ಕಾರಣವಾಗುತ್ತದೆ.
ಸ್ನಾಯುವಿನ ಅಸಮತೋಲನ
ಒಂದೇ ಹೆಗಲಿನ ಮೇಲೆ ಬ್ಯಾಗ್ ಇಟ್ಟುಕೊಂಡು ಹೋಗುವುದು ನಿಮ್ಮ ಬೆನ್ನುಮೂಳೆಯ ತಪ್ಪಾದ ಜೋಡಣೆ ಮತ್ತು ಸ್ನಾಯುವಿನ ಅಸಮತೋಲನಕ್ಕೆ ಕಾರಣವಾಗಬಹುದು. ನೀವು ಬ್ಯಾಗ್ ಇಟ್ಟುಕೊಂಡಿರುವ ಭಾಗದ ಮಾಂಸಖಂಡಗಳು, ಸ್ನಾಯುಗಳು ಬಲಶಾಲಿಯಾಗಬಹುದು.
ಉಳಿದ ಭಾಗಗಳಲ್ಲಿನ ಮಾಂಸಖಂಡಗಳು ದುರ್ಬಲವಾಗುವ ಸಾಧ್ಯತೆ ಇದೆ. ಭಾರವಾದ ಚೀಲಗಳಿಂದ ಉಂಟಾಗುವ ಒತ್ತಡವು ಕೀಲುಗಳ ಚಲನೆಯ ವ್ಯಾಪ್ತಿಯನ್ನು ಕಡಿಮೆ ಮಾಡಬಹುದು. ಇದು ನಿಮ್ಮ ದಿನನಿತ್ಯದ ಚಟುವಟಿಕೆಯ ಮೇಲೆ ಪರಿಣಾಮ ಬೀರಬಹುದು.
ಇದನ್ನು ತಡೆಗಟ್ಟಲು ಟಿಪ್ಸ್
ನಿಮಗೆ ನಿಜಕ್ಕೂ ಅಗತ್ಯವೆನಿಸುವ ವಸ್ತುಗಳನ್ನು ಮಾತ್ರ ಬ್ಯಾಗ್ನಲ್ಲಿಡಿ. ಅನಗತ್ಯ ವಸ್ತುಗಳನ್ನು ಬ್ಯಾಗ್ನಿಂದ ಹೊರತೆಗೆಯುವುದರಿಂದ ಬ್ಯಾಗ್ನ ಭಾರವನ್ನು ಸ್ವಲ್ಪಮಟ್ಟಿಗೆ ಕಡಿಮೆ ಮಾಡಬಹುದು.
ಲ್ಯಾಪ್ಟಾಪ್ ಇಡಲು ಸರಿಯಾದ ಬ್ಯಾಗ್ನ್ನು ಆಯ್ಕೆ ಮಾಡಿಕೊಳ್ಳಿ.
ಪ್ಯಾಡೆಡ್ ಸ್ಟ್ರಾಪ್ ಹಾಗೂ ಬ್ಯಾಕ್ ಸಪೋರ್ಟ್ ಇರುವ ಬ್ಯಾಗ್ಗಳನ್ನೇ ಆಯ್ಕೆ ಮಾಡಿರಿ.
ಬ್ಯಾಗ್ನಲ್ಲಿ ವಸ್ತುಗಳನ್ನು ಇಡುವಾಗ ಭಾರವಾದ ವಸ್ತುಗಳನ್ನು ನಿಮ್ಮ ಬೆನ್ನಿನ ಪಕ್ಕದಲ್ಲಿ ಇಡಿ, ಹಗುರವಾಗಿರುವ ವಸ್ತುಗಳನ್ನು ಉಳಿದ ಪಾಕೇಟ್ಗಳಲ್ಲಿಡಿ.
ನೀವು ಬ್ಯಾಕ್ ಪ್ಯಾಕ್ ಬಳಸುತ್ತಿದ್ದರೆ ಆ ಬ್ಯಾಗ್ನ ಎರಡೂ ಕೈಗಳನ್ನು ಬಳಸಿ. ಬರೀ ಒಂದು ಕೈಯನ್ನು ಬಳಸುವುದರಿಂದ ನಿಮ್ಮ ಹೆಗಲಿಗೆ ನೋವನ್ನುಂಟು ಮಾಡುತ್ತದೆ.