ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್ ನಲ್ಲಿ ಚಿನ್ನದ ಪದಕ ಮುಡಿಗೇರಿಸಿಕೊಂಡಿರುವ ನೀರಜ್ ಚೋಪ್ರಾಗೆ ಇಡೀ ವಿಶ್ವವೇ ಅಭಿನಂದನೆ ಸಲ್ಲಿಸುತ್ತಿವೆ.
ಈ ನಡುವೆ ಚಿನ್ನದ ಹುಡುಗ ನೀರಜ್ ಜೊತೆ ಅಭಿಮಾನಿಗಳು ಫೋಟೋ ಕ್ಲಿಕ್ಕಿಸಿಕೊಂಡು ಆಟೋಗ್ರಾಫ್ ಪಡೆದಿದ್ದಾರೆ.
ಅದರಲ್ಲಿ ಹಂಗೇರಿಯಾದ ಅಭಿಮಾನಿ ನೀರಜ್ ಚೋಪ್ರ ಬಳಿ ಆಟೋಗ್ರಾಫ್ ನೀಡುವಂತೆ ಕೇಳಿಕೊಂಡಿದ್ದಾರೆ. ಅಷ್ಟಕ್ಕೂ ಅವರು ಕೇಳಿದ್ದು ಭಾರತದ ತ್ರಿವರ್ಣ ಧ್ವಜದ ಮೇಲೆ ಆಟೋಗ್ರಾಫ್ ನೀಡುವಂತೆ ಮನವಿ ಮಾಡಿದ್ದಾರೆ.
ಆದರೆ ಇದಕ್ಕೆ ನೀರಜ್ ತಕ್ಷಣ ಪ್ರತಿಕ್ರಿಸಿದ್ದು, ನಿಮಗೆ ಆಟೋಗ್ರಾಫ್ ನೀಡುತ್ತೇನೆ. ಆದರೆ ಧ್ವಜದ ಮೇಲೆ ಸಹಿ ಹಾಕಿ ಅದಕ್ಕೆ ಅಗೌರವ ತೋರಿಸಲಾರೆ ಎಂದು ನಿಋಜ್ ಹೇಳಿದ್ದಾರೆ. ನಂತರ ಅಭಿಮಾನಿಯ ಟಿ ಶರ್ಟ್ ಮೇಲೆ ಆಟೋಗ್ರಾಫ್ ನೀಡಿದ್ದಾರೆ. ನೀರಜ್ ಅವರ ದೇಶಪ್ರೇಮದ ನಡೆ ಎಲ್ಲರ ಮನಗೆದ್ದಿದೆ.