ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ನಲ್ಲಿ ಭಾರತದ ಎಚ್. ಎಸ್. ಪ್ರಣಯ್ ಕಂಚಿನ ಪದಕ ಪಡೆದಿದ್ದಾರೆ.
ಶನಿವಾರ ನಡೆದ ಸೆಮಿ ಫೈನಲ್ಸ್ ನಲ್ಲಿ ಥಾಯ್ಲೆಂಡ್ ನ ಕುನ್ಲವುತ್ ವಿಟಿಡ್ಸರ್ನ್ ವಿರುದ್ಧ ಸೋತಿದ್ದಾರೆ. ವಿಟಿಡ್ಸರ್ನ್ 18-1, 21-13, 21-14 ರಿಂದ ಗೆದ್ದು ಬೀಗಿದ್ದಾರೆ.
ಇದು ವಿಶ್ವ ಬ್ಯಾಡ್ಮಿಂಟನ್ ಸ್ಪರ್ಧೆ ಮೂಲಕ ಭಾರತ ಗೆದ್ದ 14ನೇ ಪದಕ ಇದಾಗಿದ್ದು, ಪ್ರಣಯ್ ಗಳಿಸಿದ ಮೊದಲ ಪದಕವಾಗಿದೆ.
ಕೇರಳದ 31 ವರ್ಷದ ಶಟ್ಲರ್ ಎಚ್.ಎಸ್. ಪ್ರಣಯ್ ಪ್ರಸಕ್ತ ಋತುವಿನಲ್ಲಿ ಮಲೇಷ್ಯಾ ಮಾಸ್ಟರ್ ಸೂಪರ್-500 ಚಾಂಪಿಯನ್ ಆಗಿ ಮೂಡಿಬಂದಿದ್ದರು. ಆಸ್ಟ್ರೇಲಿಯನ್ ಓಪನ್ 500 ಫೈನಲ್ ಕೂಡ ಪ್ರವೇಶಿಸಿದ್ದರು. ಈಗ 2023ರಲ್ಲಿ ವಿಶ್ವ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ಸಾಧನೆ ಮಾಡಿದ್ದಾರೆ.
ಸದ್ಯ ಭಾರತಕ್ಕೆ 13 ಪದಕಗಳಲ್ಲಿ ಪಿ.ವಿ ಸಿಂಧು ಅವರು 5 ಪದಕ ಗಳಿಸಿದ್ದಾರೆ. ಸೈನಾ ನೆಹವಾಲ್ 2 ಪದಕ, ಕೆ. ಶ್ರೀಕಾಂತ್, ಲಕ್ಷ್ಯ ಸೇನ್, ಬಿ ಸಾಯಿ ಪ್ರಣೀತ್ ಮತ್ತು ಪ್ರಕಾಶ್ ಪಡುಕೋಣೆ ತಲಾ ಒಂದೊಂದು ಪದಕ ಗಳಿಸಿದ್ದಾರೆ.