ಈಗಿನ ದುಬಾರಿ ದುನಿಯಾದಲ್ಲಿ ಎಲ್ಲಾ ಹಣ್ಣುಗಳ ಬೆಲೆ ಕೂಡ ಏರಿಕೆಯಾಗಿದೆ ಅದರಲ್ಲೂ ಈ ಸೀತಾಫಲದ ಹಣ್ಣು ತುಂಬಾ ಬೇಡಿಕೆ ಇರುವಂತದ್ದು ಇದಕ್ಕೆ ಬೆಲೆ ಕೂಡ ಎಲ್ಲಾ ಹಣ್ಣುಗಳಿಗಿಂತ ಸ್ವಲ್ಪ ಹೆಚ್ಚಾಗಿ ಇರುತ್ತದೆ. ಆದರೂ ಕೂಡ ಇದನ್ನು ಸೇವಿಸುವುದು ಆರೋಗ್ಯದ ದೃಷ್ಟಿಯಿಂದ ಉತ್ತಮ.
ಈ ಹಣ್ಣಿನ ಬೆಲೆ ಹೆಚ್ಚಿದ್ದರೂ ಜನರು ಉತ್ಸಾಹದಿಂದ ಸೀತಾಫಲ ಖರೀದಿಸಲು ಕಾರಣವೆಂದರೆ ಅದರ ಸಿಹಿ ಮತ್ತು ರುಚಿ. ಅಲ್ಲದೆ ಅದರಲ್ಲಿರುವ ಹಲವಾರು ಪೋಷಕಾಂಶಗಳು.
ಸೀತಾಫಲದಲ್ಲಿ ಆ್ಯಂಟಿಆಕ್ಸಿಡೆಂಟ್ ಹೇರಳವಾಗಿದ್ದು ನಮ್ಮ ದೇಹದಲ್ಲಿರುವ ವಿಷಕಾರಿ ಅಂಶಗಳನ್ನು ಹೊರಹಾಕುತ್ತದೆ. ಆದ್ದರಿಂದ ನಾವು ವಿವಿಧ ಕಾಯಿಲೆಗಳಿಗೆ ಒಳಗಾಗುವುದು ತಪ್ಪುತ್ತದೆ. ಸೀತಾಫಲ ಹಣ್ಣಿನಲ್ಲಿ ವಿಟಮಿನ್ ಸಿ ಇದ್ದು ಇದು ನಮ್ಮ ದೇಹಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಅಲ್ಲದೆ ಪೊಟ್ಯಾಸಿಯಮ್ ಮತ್ತು ಮೆಗ್ನೀಸಿಯಮ್ ನಮ್ಮ ಹೃದಯವನ್ನು ರಕ್ಷಿಸುತ್ತದೆ. ಅದಕ್ಕಾಗಿಯೇ ಸೀತಾಫಲಗಳಿಗೆ ಯಾವಾಗಲೂ ಬೇಡಿಕೆಯಿರುತ್ತದೆ.
ಸೀತಾಫಲದಲ್ಲಿರುವ ಮೆಗ್ನೀಶಿಯಂ ನಮ್ಮ ದೇಹದಲ್ಲಿನ ನೀರಿನ ಮಟ್ಟವನ್ನು ನಿಯಂತ್ರಿಸುತ್ತದೆ. ಇದು ಕೀಲುಗಳಲ್ಲಿನ ಆಮ್ಲಗಳನ್ನು ಹೊರಹಾಕುತ್ತದೆ. ಸಂಧಿವಾತ ಇರುವವರಿಗೆ ಇದು ತುಂಬಾ ಸಹಾಯಕಾರಿ. ನಿಮಗೆ ಆಲಸ್ಯ ಮತ್ತು ಸುಸ್ತಾಗಿದ್ದರೆ ತಕ್ಷಣ ಸೀತಾಫಲವನ್ನು ಸೇವಿಸಿ. ಇದರಲ್ಲಿರುವ ಪೊಟಾಶಿಯಂ ನಿಮ್ಮ ಸ್ನಾಯುಗಳ ದೌರ್ಬಲ್ಯವನ್ನು ಕಡಿಮೆ ಮಾಡುತ್ತದೆ ಮತ್ತು ನಿಮಗೆ ಶಕ್ತಿ ನೀಡುತ್ತದೆ.
ರಕ್ತಹೀನತೆಯಿಂದ ಬಳಲುತ್ತಿರುವವರು ಸೀತಾಫಲವನ್ನು ತಿನ್ನುತ್ತಿರಬೇಕು. ಏಕೆಂದರೆ ಇದು ಹೆಚ್ಚಿನ ಕ್ಯಾಲೋರಿಗಳನ್ನು ಹೊಂದಿರುತ್ತದೆ. ಸೀತಾಫಲ ಹಣ್ಣು ಕೂಡ ತೂಕ ಹೆಚ್ಚಿಸಲು ಉತ್ತಮ ಹಣ್ಣು. ಇದರಲ್ಲಿರುವ ನೈಸರ್ಗಿಕ ಸಕ್ಕರೆ ತುಂಬಾ ಆರೋಗ್ಯಕರ. ಅಸ್ತಮಾದಿಂದ ಬಳಲುತ್ತಿರುವವರಿಗೆ ಸೀತಾಫಲ ತಿನ್ನುವುದು ಒಳ್ಳೆಯದು. ಇದರಲ್ಲಿರುವ ವಿಟಮಿನ್ ಬಿ6 ಅಸ್ತಮಾವನ್ನು ಕಡಿಮೆಮಾಡಲು ಸಹಾಯಕವಾಗುತ್ತದೆ.
ಸೀತಾಫಲ ಹಣ್ಣು ಗರ್ಭಿಣಿಯರು ತಿನ್ನಲೇಬೇಕಾದ ಹಣ್ಣು. ಹೆರಿಗೆ ಸಮಯದಲ್ಲಿ ನೋವನ್ನು ತಡೆಯುವ ಗುಣ ಈ ಹಣ್ಣಿನಲ್ಲಿದೆ. ಸೀತಾಫಲ ಗ್ಲೈಸೆಮಿಕ್ ಇಂಡೆಕ್ಸ್ 54. ಆದ್ದರಿಂದ ಮಧುಮೇಹ ಇರುವವರು ಸಹ ಸೀತಾಫಲವನ್ನು ತಿನ್ನಬಹುದು. ಇದರಲ್ಲಿ ಜೀರ್ಣವಾಗುವ ಫೈಬರ್ ಅಧಿಕವಾಗಿದೆ ಇದು ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ. ಟೈಪ್-2 ಮಧುಮೇಹದ ಮತ್ತಷ್ಟು ಬೆಳವಣಿಗೆಯನ್ನು ಈ ಹಣ್ಣು ತಡೆಯುತ್ತದೆ.
ಇದರಲ್ಲಿರುವ ನಿಯಾಸಿನ್, ಫೈಬರ್ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಹಾಗಾಗಿ ದರ ಹೆಚ್ಚಿದ್ದರೂ ಈ ಸೀಸನ್ ನಲ್ಲಿ ಸೀತಾಫಲ ಖರೀದಿಸಿ ತಿನ್ನುವುದು ಉತ್ತಮವಾಗಿರುತ್ತದೆ. ಹಾಗಾದ್ರೆ ಪ್ರತಿಯೊಬ್ಭರು ತಿಂಗಳಿಗೆ 4 ಬಾರಿ ಆದ್ರೂ ಈ ಹಣ್ಣನ್ನು ತಿನ್ನಿ. ವೈದ್ಯರ ಬಳಿ ಹೋಗುವುದು ದೂರವಾಗುತ್ತದೆ