ಆರೋಗ್ಯ ಕಾಪಾಡಿಕೊಳ್ಳಲು ಆಹಾರದಲ್ಲಿ ಪೋಷಕಾಂಶ ಅತ್ಯಗತ್ಯವಾಗುತ್ತದೆ. ನಮ್ಮ ದೇಹ ಮತ್ತು ಆರೋಗ್ಯದ ವಿಷಯದಲ್ಲಿ ಎಲ್ಲರೂ ಕಾಳಜಿ ವಹಿಸುತ್ತಾರೆ. ಅದು ತೂಕ ಇಳಿಸಿಕೊಳ್ಲೂವವರಿಂದ ಹಿಡಿದು ಆರೋಗ್ಯ ಸಮಸ್ಯೆ ಅನುಭವಿಸುತ್ತಿರುವವರು ಕೂಡ ಇರಬಹುದು. ನಿಮ್ಮ ದೇಹಕ್ಕೆ ಅಗತ್ಯವಿರುವ ಪೋಷಕಾಂಶ ಭರಿತ ತರಕಾರಿಗಳ ಬಗ್ಗೆ ಇಲ್ಲಿದೆ ಮಾಹಿತಿ.
ಪಾಲಕ್ ಸೊಪ್ಪು: ಪಾಲಕ್ ತುಂಬಾ ಪೌಷ್ಠಿಕ ಭರಿತ ಆಹಾರ. ಅಲ್ಲದೆ ಇದು ನಿಮ್ಮ ದೇಹಕ್ಕೆ ತುಂಬಾ ಒಳ್ಳೆಯದು. ಇದರಲ್ಲಿ ವಿಟಮಿನ್ ಎ, ಸಿ ಮತ್ತು ಕೆ ಸಮೃದ್ಧವಾಗಿದೆ. ಇದು ದೃಷ್ಟಿ ದೋಷ, ರೋಗನಿರೋಧಕ ಶಕ್ತಿ ಮತ್ತು ರಕ್ತ ಹೆಪ್ಪುಗಟ್ಟುವಿಕೆ ಸಮಸ್ಯೆಗೆ ಪರಿಹಾರ ನೀಡಲಿದೆ.
ಕೇಲ್: ಕೇಲ್ ನಲ್ಲಿ ಫೈಬರ್ ಅಂಶವಿದ್ದು, ವಿಶೇಷವಾಗಿ ವಿಟಮಿನ್ ಕೆ ಹೆಚ್ಚಿನ ಅಂಶ ಇರಲಿದೆ. ಕೇಲ್ ವಿಟಮಿನ್ ಸಿ ಯ ಅತ್ಯುತ್ತಮ ಮೂಲವಾಗಿದ್ದು, ಇದು ಪ್ರತಿರಕ್ಷಣಾ ವ್ಯವಸ್ಥೆ ಮತ್ತು ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ.
ಬ್ರೊಕೋಲಿ: ಬ್ರೊಕೋಲಿ ವಿಟಮಿನ್ ಸಿ, ಕೆ ಮತ್ತು ಎ ನಂತಹ ಪೋಷಕಾಂಶಗಳಿಂದ ತುಂಬಿದೆ. ಮೂಳೆಯ ಆರೋಗ್ಯ ಮತ್ತು ರಕ್ತ ಹೆಪ್ಪುಗಟ್ಟುವಿಕೆಗೆ ಇವು ಅತ್ಯಗತ್ಯ. ಫೋಲೇಟ್, ಫೈಬರ್, ಪೊಟ್ಯಾಸಿಯಮ್ ಮತ್ತು ಇತರ ಖನಿಜಗಳನ್ನು ಸಹ ಒದಗಿಸುತ್ತದೆ.
ಬ್ರಸೆಲ್ಸ್: ಚಿಕ್ಕ ಎಲೆಕೋಸುಗಳಂತೆ ಕಾಣುವ ಬ್ರಸೆಲ್ಸ್ ವಿಟಮಿನ್ ಸಿ ಮತ್ತು ಕೆ ಯ ಮೂಲವಾಗಿದೆ. ಅವು ಗ್ಲುಕೋಸಿನೋಲೇಟ್ಗಳನ್ನು ಸಹ ಹೊಂದಿರುತ್ತವೆ, ಇದು ಕ್ಯಾನ್ಸರ್- ರಕ್ಷಣಾತ್ಮಕ ಗುಣಲಕ್ಷಣಗಳನ್ನು ಹೊಂದಿರುವ ಸಂಯುಕ್ತಗಳಾಗಿವೆ.
ಸಿಹಿ ಆಲೂಗಡ್ಡೆ: ಸಿಹಿ ಆಲೂಗಡ್ಡೆಯಲ್ಲಿ ಬೀಟಾ- ಕ್ಯಾರೋಟಿನ್ ಇದೆ, ಇದು ವಿಟಮಿನ್ ಎ ಯ ಪೂರ್ವಗಾಮಿಯಾಗಿದೆ, ಇದು ದೃಷ್ಟಿ, ರೋಗನಿರೋಧಕ ಶಕ್ತಿ ಮತ್ತು ಚರ್ಮದ ಆರೋಗ್ಯಕ್ಕೆ ಅವಶ್ಯಕವಾಗಿ