ಇಡೀ ವಿಶ್ವವೇ ಎದುರು ನೋಡುತ್ತಿರುವ ಭಾರತದ ಇಸ್ರೋದ ಚಂದ್ರಯಾನ 3 ಯಶಸ್ವಿಯಾಗಿ ಲ್ಯಾಂಡ್ ಆಗಲು ಕ್ಷಣಗಣನೆ ಶುರುವಾಗಿದ್ದಿ. ಸದ್ಯದ ಮಾಹಿತಿ ಪ್ರಕಾರ ಆ.23ಕ್ಕೆ ವಿಕ್ರಮ್ ಲ್ಯಾಂಡರ್ ಚಂದ್ರನ ಮೇಲೆ ಇಳಿಯಲಿದೆ.
ಆದರೆ ಒಂದು ವೇಳೆ ಆ.23ಕ್ಕೆ ಸಾಧ್ಯವಾಗದಿದ್ದರೆ ಆ.27ಕ್ಕೆ ಚಂದ್ರನ ಮೇಲೆ ಇಳಿಸಲಾಗುತ್ತದೆ ಎಂದು ಇಸ್ರೋ ಅಹ್ಮದಾಬಾದ್ ಕೇಂದ್ರದ ನಿರ್ದೇಶಕ ನಿಲೇಶ್ ಎಂ ದೇಸಾಯಿ ಹೇಳಿದ್ದಾರೆ.
ಚಂದ್ರಯಾನ 3 ಯಾವುದೇ ತೊಂದರೆ ಇಲ್ಲದೆ ಚಂದ್ರನ ಮೇಲೆ ಯಶಸ್ವಿಯಾಗಿ ಇಳಿಯಲಿದೆ. ನಾವು ನೌಕೆ ಉಡಾವಣೆಯಾದ ಬಳಿಕ ಎಲ್ಲವನ್ನು ಸೂಕ್ಷ್ಮವಾಗಿ ಗಮನಿಸಿದ್ದೇವೆ,ನಿರ್ವಹಣೆ ಮಾಡಿದ್ದೇವೆ. ಸದ್ಯ ಆ.23ಕ್ಕೆ ಲ್ಯಾಂಡ್ ಮಾಡಲು ಸಿದ್ದವಾಗಿದೆ. ಆದರೆ ಚಂದ್ರನಲ್ಲಿರುವ ವಾತಾವರಣ, ಪರಿಸ್ಥಿತಿ ಹಾಗೂ ಮಾಡ್ಯುಲರ್ ನ ಸ್ಥಿತಿಗತಿ ಗಮನಿಸಿ ಲ್ಯಾಂಡಿಂಗ್ ಮಾಡಿಸಲಾಗುತ್ತದೆ ಎಂದರು.
ವಿಕ್ರಮ್ ಲ್ಯಾಂಡರ್ ಆ.23ರಂದು ಚಂದ್ರನ ಮೇಲೆ ಇಳಿಯುವುದಕ್ಕಿಂತ 2 ಗಂಟೆ ಮೊದಲು ನಿರ್ಧಾರ ತೆಗೆದುಕೊಳ್ಳಲಾಗುತ್ತದೆ. ಈ ವೇಳೆ ಆ.27ಕ್ಕೆ ಲ್ಯಾಂಡಿಂಗ್ ಮಾಡಬೇಕಾ ಎಂಬುದರ ಬಗ್ಗೆ ತೀರ್ಮಾನಿಸಲಾಗುತ್ತದೆ.
2019 ರಲ್ಲಿ ಚಂದ್ರಯಾನ-2 ನೌಕೆಯ ಜತೆ ಉಡಾವಣೆ ಮಾಡಲಾಗಿದ್ದು, ಚಂದಿರನ ಕಕ್ಷೆಯಲ್ಲಿ ಈಗಲೂ ಆರ್ಬಿಟರ್ ಜತೆ ಚಂದ್ರಯಾನ-3 ನೌಕೆಯ ಮಾಡ್ಯೂಲ್ ಸಂಪರ್ಕ ಸಾಧಿಸಿದೆ.