ಚಳಿ ಜಾಸ್ತಿ ಆಗುತ್ತಿರುವಾಗ ಮುಖ, ಕೈ-ಕಾಲು, ತುಟಿ ಒಡೆಯುತ್ತದೆ. ಹೆಚ್ಚಾಗಿ ತುಟಿ ಒಡೆದು, ಸಿಪ್ಪೆ ಬರೋದು ಆಗುತ್ತದೆ. ಕೆಲವೊಮ್ಮೆ ರಕ್ತ ಕೂಡ ಬರುತ್ತದೆ. ತುಟಿಗಳು ಸೂಕ್ಷ್ಮವಾದ ಚರ್ಮವನ್ನು ಹೊಂದಿರುತ್ತದೆ. ಧೂಮಪಾನ, ಮದ್ಯ ಸೇವನೆ, ಸೂರ್ಯನ ಬಿಸಿಲು, ಅಲರ್ಜಿಗಳಿಂದ ತುಟಿ ಒಡೆಯುತ್ತದೆ.
ಪೆಟ್ರೋಲಿಯಂ ಜೆಲ್ಲಿ: ಲಿಪ್ ಬಾಮ್ ಗಳಿಗೆ ಹೋಲಿಸಿದರೆ ಇದು ಅಧಿಕ ತೇವಾಂಶವನ್ನು ಹೊಂದಿದ್ದು, ಚರ್ಮವನ್ನು ಮಾಯಿಶ್ಚರ್ ಲಾಕ್ ಮಾಡುತ್ತದೆ. ಇದರಿಂದ ನಿಮ್ಮ ಚರ್ಮವು ಸಂಪೂರ್ಣವಾಗಿ ಒಣಗುವುದನ್ನು ತಡೆಯುತ್ತದೆ.
ಅಲೊವೆರಾ: ಅಲೋವೆರಾ ಬಳಸುವುದರಿಂದ ಚರ್ಮವನ್ನು ತೇವಾಂಶಗೊಳಿಸುವುದಲ್ಲದೇ, ತುಟಿಗಳನ್ನು ಹೈಡ್ರೇಟ್ ಮಾಡುತ್ತದೆ. ಇದರಿಂದ ತುಟಿ ಮೃದುವಾಗುತ್ತದೆ.
ಜೇನುತುಪ್ಪ: ಇದು ಹ್ಯೂಮೆಕ್ಟಂಟ್ ಆಗಿದ್ದು, ಹುಣ್ಣುಗಳು ಮತ್ತು ಬಿರುಕುಗಳನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ತೆಂಗಿನ ಎಣ್ಣೆ: ತೆಂಗಿನ ಎಣ್ಣೆಯಲ್ಲಿನ ಬ್ಯಾಕ್ಟೀರಿಯಾ ವಿರೋಧಿ ಗುಣಲಕ್ಷಣಗಳಿದ್ದು, ನಿಮ್ಮ ತುಟಿಗಳ ಸೂಕ್ಷ್ಮಾಣುಗಳಿಂದ ಮುಕ್ತವಾಗಿಡಲು ಸಹಾಯ ಮಾಡುತ್ತದೆ.
ಸಕ್ಕರೆ ಬಳಸಿ: ತುಟಿಗಳಿಗೆ ಅಗತ್ಯವಾದ ತೇವಾಂಶವನ್ನು ನೀಡಲು ಸಕ್ಕರೆಯು ಸಹಾಯ ಮಾಡುತ್ತದೆ. ಇದು ಕೇವಲ ತುಟಿಗಳಿಗೆ ಅಲ್ಲದೇ, ಚರ್ಮಕ್ಕೂ ಕೂಡ ಸಹಾಯಕವಾಗಲಿದೆ.