ಭಾರತೀಯ ಮಾರುಕಟ್ಟೆಯಲ್ಲಿ ಎರಡು ದೈತ್ಯ ಪಾದರಕ್ಷೆ ಕಂಪನಿಗಳಲ್ಲಿ ಅಡಿಡಾಸ್ ಹಾಗೂ ಬಾಟಾ ಇಂಡಿಯಾ ಸಂಸ್ಥೆಗಳು ಮುಂಚೂಣಿಯಲ್ಲಿವೆ. ಈಗ ಈ ಎರಡು ಸಂಸ್ಥೆಗಳು ಪಾಲುದಾರಿಕೆಗೆ ಮುಂದಾಗಿದೆ ಎಂಬ ಸುದ್ದಿ ಕೇಳಿಬರುತ್ತಿದೆ.
ಈ ಮಾತುಕತೆಯ ಬಗ್ಗೆ ಸುದ್ದಿ ಹರಿದಾಡುತ್ತಿದ್ದಂತೆ ಅಡಿಡಾಸ್ ಕಂಪನಿಯ ಷೇರಿನ ಬೆಲೆ ಗುರುವಾರ ಶೇ.7ಕ್ಕಿಂತ ಹೆಚ್ಚು ಏರಿಕೆ ಕಂಡಿದೆ.
ಬೆಂಗಳೂರು ಸ್ಟಾಕ್ ಮಾರುಕಟ್ಟೆಯಲ್ಲಿ (ಬಿಎಸ್ಇ) ಬಾಟಾದ ಷೇರುಗಳು ಶೇ. 7.37ರಷ್ಟು ಏರಿಕೆ ಆಗುವ ಮೂಲಕ 1767.65 ರೂ. ಗೆ ತಲುಪಿದೆ.
ಆರಂಭದಲ್ಲಿ 6.02ರಷ್ಟು ಏರಿಕೆ ಕಂಡು 1,745.75 ರೂ.ನಲ್ಲಿ ವಹಿವಾಟು ನಡೆಸಿದೆ. ದಿನದ ಅಂತ್ಯಕ್ಕೆ ಶೇ. 5.58ತರಷ್ಟು ಅಂದರೆ 91.85 ರೂ. ಏರಿಕೆ ಕಂಡು 1,739 ರೂ.ಗೆ ತಲುಪಿದೆ.
ಬಾಟಾ ಇಂಡಿಯಾ ದೇಶೀಯ ಮಾರುಕಟ್ಟೆಗಾಗಿ ಅಥ್ಲೆಟಿಕ್ಸ್ ಶೂ ತಯಾರಕ ದೈತ್ಯ ಅಡಿಡಾಸ್ನೊಂದಿಗೆ ಒಪ್ಪಂದ ಮಾಡಿಕೊಳ್ಳುವ ಸಾಧ್ಯತೆಯಿದೆ ಎಂದು ಸುದ್ದಿ ಮಾಧ್ಯಮಗಳ ವರದಿ ತಿಳಿಸಿದೆ. ಒಪ್ಪಂದದ ಅಂತಿಮ ಹಂತದ ಮಾತುಕತೆ ಚಾಲ್ತಿಯಲ್ಲಿದೆ ಎನ್ನಲಾಗಿದೆ.
ಇತ್ತೀಚೆಗಷ್ಟೆ ಬಾಟಾ ಹಶ್ ಪಪ್ಪೀಸ್, ಕಾಂಫಿಟ್, ಫ್ಲೋಟ್ಜ್ ಮತ್ತು ನಾರ್ತ್ ಸ್ಟಾರ್ನಂತಹ ಬ್ರಾಂಡ್ಗಳ ಹೆಚ್ಚಿನ ಪಾಲನ್ನು ಗಳಿಸಿದೆ.
ಜೂನ್ ತ್ರೈಮಾಸಿಕದಲ್ಲಿ ಬಾಟಾ ಇಂಡಿಯಾ 106.8 ಕೋಟಿ ರೂ. ಏಕೀಕೃತ ನಿವ್ವಳ ಲಾಭ ಗಳಿಸಿದೆ. ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ಕಂಪನಿ 119.3 ಕೋಟಿ ರೂ. ಲಾಭ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಕಂಪನಿಯ ಲಾಭ ಗಳಿಕೆ ಶೇ. 10.3ರಷ್ಟು ಕುಸಿದಿದೆ.
ಬಾಟಾ ಸಂಸ್ಥೆ 700 ನಗರಗಳಲ್ಲಿ 2,100 ಮಳಿಗೆಗಳನ್ನು ಹೊಂದಿದೆ. ಇದರಲ್ಲಿ ಫ್ರ್ಯಾಂಚೈಸಿ ಮತ್ತು ಎಸ್ಐಎಸ್ ನೆಟ್ವರ್ಕ್ ಮಳಿಗೆಗಳು ಶೇ. 38ಕ್ಕಿಂತ ಹೆಚ್ಚಿವೆ.
2025ರ ವೇಳೆಗೆ ಫ್ರಾಂಚೈಸಿ ಸ್ಟೋರ್ಗಳ ಸಂಖ್ಯೆಯನ್ನು 500ಕ್ಕೆ ವಿಸ್ತರಿಸುವ ಗುರಿಯನ್ನು ಬಾಟಾ ಇಂಡಿಯಾ ಹೊಂದಿದೆ