ಕನ್ನಡ ಹಾಗೂ ಕನ್ನಡ ಅಸ್ಮಿತೆ ಅಂದರೆ ಎಲ್ಲ ರಾಜಕೀಯ ಪಕ್ಷಗಳು ಕೇವಲ ರಾಜಕೀಯ ಅಸ್ತ್ರವನ್ನಾಗಿ ಮತ್ತು ಜನರನ್ನು ಭಾವನಾತ್ಮಕವಾಗಿ ಬಳಸಿಕೊಳ್ಳಲು ಮಾತ್ರ ಕನ್ನಡಿರನ್ನು ಬಳಸಿಕೊಳ್ಳಲು ಎಲ್ಲ ರಾಜಕೀಯ ಪಕ್ಷಗಳು ಕಲಿತಿವೆ. ಇನ್ನೂ ಅಧಿಕಾರವನ್ನು ಪಡೆದ ಪಕ್ಷಗಳಿಗೆ ಮತ್ತು ತಮ್ಮ ಸದ್ಧಾಂತದ ಪ್ರತಿಪಾದನೆಯನ್ನೇ ಮುಖ್ಯ ಕಸಬನ್ನಾಗಿಸಿಕೊಂಡಿರುವ ಕನ್ನಡಪರ ಹೋರಾಟಗಾರರು ತಮ್ಮತಮ್ಮ ಜೇಬು ಬಿಸಿ ಮಾಡಿಕೋಳ್ಳುವ ಭರಾಟೆಯಲ್ಲಿದ್ದಾರೆ.
ಈ ಹಿಂದೆ ಬಿಜೆಪಿ ಸರ್ಕಾರ ಅಸ್ತಿತ್ವದಲ್ಲಿದ್ದಾಗ ಹಿಂದಿ ಭಾಷೆಯ ಹೇರಿಕೆಯನ್ನು ಪ್ರಾರಂಭಿಸಿತು.ಇದು ಇಂದಿಗೂ ಬಿಜೆಪಿಯ ದಕ್ಷಿಣ ಭಾರತದ ನೀತಿಯಂದು ಹೇಳ ಬಹುದಾಗಿದೆ. ಇವರಕಾಲಾವಧಿಯಲ್ಲೇ ಕನ್ನಡಕ್ಕೆ ಶಾಸ್ತ್ರೀಯಸ್ಥಾನಮಾನ ಮತ್ತು ಬೆಳಗಾವಿಯಲ್ಲಿಎರಡನೆ ಬಾರಿಗೆ ವಿಶ್ವ ಕನ್ನಡ ಸಮ್ಮೇಳನ ಯಡಿಯುರಪ್ಪನವರ ಕಾಲದಲ್ಲಿಆದದನ್ನು ಬಿಟ್ಟರೆ ಹೇಳಿಕೊಳ್ಳುವಂತಹ ಸಾಧನೆ ಭಾರತದ ಪ್ರಮುಖ ರಾಜಕೀಯ ಪಕ್ಷವಾದ ಬಿಜೆಪಿಯ ಸಾಧನೆ.
ಪ್ರಾದೇಶಿಕ ಪಕ್ಷವಾದ ಜಾತ್ಯಾತೀತ ಜನತಾದಳದಿಂದ ದೇವೇಗೌಡರು ಪ್ರಧಾಣ ಮಂತ್ರಿಯಾಗಿ ಕರ್ನಾಟಕದ ಮುಖ್ಯಮಂತ್ರಿಗಳಾಗಿ ಕಾರ್ಯನಿರ್ವಹಿದಾಗಲೂ ಕನ್ನಡ ಮತ್ತು ಕರ್ನಾಟಕ್ಕೆ ಹೆಚ್ಚಿನ ಆದ್ಯತೆ ಮತ್ತು ಅನುದಾನಗಳೇನು ಬಂದಿಲ್ಲ. ಕುಮಾರಸ್ವಾಮಿಗಳು ಮುಖ್ಯಮಂತ್ರಿ ಆದಾಗ ನಡೆದದ್ದುಇದೆ ಕಥೆ
ಕಾಂಗ್ರೆಸ್ ಪಕ್ಷಕ್ಕೆ ಕೇವಲ ಚುನಾವಣಾ ವಸ್ತು, ಬಳಸಿ ಬಿಸುಟುವ ಕರವಸ್ತ್ರವಷ್ಟೇ ಎಂಬುದು ಈಗ ಮತ್ತೆ ರುಜುವಾಗಿದೆ.
ನಾಡದೇವಿ ಭುವನೇಶ್ವರಿಗೆ ಪ್ರತಿಮೆ ನಿರ್ಮಾಣ ಮಾಡುವ ಯೋಜನೆ ಎಲ್ಲಾ ಅನುಮತಿಯೂ ಪಡೆದು ಅನುದಾನ ಬಿಡುಗಡೆಯಷ್ಟೇ ಬಾಕಿ ಎಂದಾಗ ಕಾಂಗ್ರೆಸ್ ಸರ್ಕಾರ ರಾಜ್ಯದ ಬೊಕ್ಕಸದಲ್ಲಿ ಹಣವಿಲ್ಲ ಎನ್ನುತ್ತಿದೆ.
ಆದರೆ ಅದೇ ಬೊಕ್ಕಸದಿಂದ ತೆಗೆದು ರಾಜೀವ್ ಗಾಂಧಿಯವರ ಕಂಚಿನ ಪ್ರತಿಮೆ ನಿರ್ಮಾಣಕ್ಕೆ ಹಣ ಒದಗಿಸಿದೆ.
ಬೆಂಗಳೂರಿನ ಕಲಾಗ್ರಾಮದಲ್ಲಿ ತಾಯಿ ಭುವನೇಶ್ವರಿ ಪ್ರತಿಮೆಯೂ ಸೇರಿ ಥೀಮ್ ಪಾರ್ಕ್ ನಿರ್ಮಾಣಕ್ಕೆ ನಮ್ಮ ಬಿಜೆಪಿ ಸರ್ಕಾರ ಅನುಮೋದನೆ ನೀಡಿತ್ತು. ಕಲಾವಿದರು ಸಿದ್ದಪಡಿಸಿದ್ದ ನಾಡದೇವಿ ಚಿತ್ರವನ್ನು ತಜ್ಞರ ಶಿಫಾರಸ್ಸಿನೊಂದಿಗೆ ಅಧಿಕೃತಗೊಳಿಸಲಾಗಿತ್ತು. ಆದರೆ ಈಗ ಆ ಯೋಜನೆ ಅನುಷ್ಠಾನಕ್ಕೆ ಹಣವೇ ಇಲ್ಲ ಎಂದು ಕುಂಟುನೆಪವನ್ನು ಕಾಂಗ್ರೆಸ್ ಸರ್ಕಾರ ಹುಡುಕಿದೆ.
ಅಷ್ಟಕ್ಕೂ ರಾಜೀವ್ ಗಾಂಧಿಯವರ ಕಂಚಿನ ಪ್ರತಿಮೆ ನಿರ್ಮಿಸುತ್ತಿರುವ ಮಲ್ಲೇಶ್ವರ ಸೆಂಟ್ರಲ್ನ ವೃತ್ತಕ್ಕೆ ಈಗಾಗಲೇ ರಾಜೀವ್ ಗಾಂಧಿ ವೃತ್ತ ಎಂಬ ಹೆಸರಿದೆ.
ಅಷ್ಟೇ ಅಲ್ಲದೆ ಅಲ್ಲಿ ಈಗಾಗಲೇ ಶಿಲೆಯಿಂದ ಕೆತ್ತಲಾದ ರಾಜೀವ್ ಗಾಂಧಿಯವರ ಪ್ರತಿಮೆಯಿದೆ. ಅದೇ ಜಾಗದಲ್ಲಿ ಇರುವುದನ್ನು ಕೆಡವಿ ನಿರ್ಮಿಸಲು ಹಣ ಹೊಂದಿಸುವ ಕಾಂಗ್ರೆಸ್ ಸರ್ಕಾರಕ್ಕೆ ಕನ್ನಡಿಗರಿಗಿಂತ ಒಂದು ಕುಟುಂಬವನ್ನು ಒಲೈಸುವುದೇ ಹೆಚ್ಚಿನ ಆದ್ಯತೆಯಾದಂತಿದೆ.
ಅಮೂಲ್ ಮತ್ತು ನಂದಿನಿ ಹಾಲಿನ ಬಗ್ಗೆ ಇರುವ ಇವರ ಕಾಳಜಿ ಭಾಷೆಯನ್ನು ಉಳಿಸುವ ಬಗ್ಗೆಯಾಗಲಿ ಅಥವಾ ಕನ್ನಡ ಶಾಲೆಯನ್ನುಉಳಿಸುವ ಮತ್ತು ಬೆಳೆಸುವಲ್ಲಿ ಕಾಣುತ್ತಿಲ್ಲ.
ತಿರುಪತಿಯ ಪ್ರಸಾದದಲ್ಲಿ ಬಳಕೆಯಾಗುವ ನಂದಿನಿಯ ತುಪ್ಪವನ್ನು ಬಳಿಸುವುದಿಲ್ಲಎಂದು ಟಿಟಿಡಿ ಹೇಳಿಕೆಯನ್ನು ನೀಡಿದೆ ಇದಕ್ಕೆ ಪ್ರತಿಯಾಗಿ ರಾಜ್ಯ ಸರ್ಕಾರ ಇದು ಹಿಂದಿನ ಬಿಜೆಪಿ ಸರ್ಕಾರದಲ್ಲೇ ನಡೆದ ಕಾರ್ಯವಾಗಿದೆ ಇದಕ್ಕೂ ಕಾಂಗ್ರೆಸ್ಸಿಗೂ ಯಾವುದೇ ರೀತಿಯಾದ ಸಂಬಂಧವಿಲ್ಲ ಎಂದು ಪ್ರಕರಣದಿಂದ ಜಾರಿಕೊಂಡಿದೆ.
ಮಹಾದಾಯಿ,ಕಾವೇರಿ ಜಲವಿವಾದಗಳು ಮತ್ತು ಕಾಸರಗೂಡು ಬೆಳಗಾವಿಯಲ್ಲಿಸದಾ ಸುದ್ದಿಯಲ್ಲಿರುವ ಗಡಿ ಸಮಸ್ಯೆಯ ಬಗ್ಗೆ ಹಾಗೂ ಜಿ ಎಸ್ ಟಿ ಹಂಚಿಕೆಯಲ್ಲಿರಾಜ್ಯಕ್ಕಾಗುತ್ತಿರುವ ಅನ್ಯಾಯದ ಬಗ್ಗೆ ಎಂದಿಗೂ ಎಲ್ಲ ಪಕ್ಷಗಳುಒಟ್ಟಾಗಿ ಎಕ ನಿಲುವನ್ನು ಹೊಂದಿರಿವುದನ್ನು ಇಲ್ಲಿಯವರೆಗೆ ಕಂಡಿಲ್ಲ. ಎಲ್ಲರೂ ತಮ್ಮ ರಾಜಕೀಯ ಪ್ರತಿಫಲವನ್ನೇ ಮುಂದಿಟ್ಟುಕೊಂಡು ಕಾರ್ಯನಿರ್ವಹಿಸುವವರಾದರೆ ಕನ್ನಡದ ಗತಿಯೇನು ?
ಮೂಲತಃ ಇದು ನಮ್ಮ ನಾಡನ್ನು ತಾಯಿ, ಜನನಿ, ಜನ್ಮಭೂಮಿ ಎಂದು ಪೂಜಿಸುವ ನಮ್ಮ ಸಂಸ್ಕೃತಿಯ ನಿರಾಕರಣೆ. ಈ ಮೂಲಕ ತಾವು ತುಷ್ಟೀಕರಿಸುವ ಬಾಂಧವರನ್ನು ಸೆಳೆಯೋದು ಎಲ್ಲ ರಾಜಕೀಯ ಪಕ್ಷಗಳ ಹುನ್ನಾರವಾಗಿದೆ.
ಹಾಗಾಗಿ, ಕನ್ನಡ ತಾಯಿ ಪ್ರತಿಮಾರೂಪಿಯಾಗಿ ಜನರ ಮನಸ್ಸಲ್ಲಿ ಅಚ್ಚೊತ್ತುವುದು ಭಾರತದ ಸಂಸ್ಕೃತಿಯನ್ನು ಜನರ ಮನಸ್ಸಿಂದ ದೂರ ಇರಿಸಿ ನಂಬಿಕೆಗಳನ್ನು ವ್ಯವಸ್ಥಿತವಾಗಿ ಅಳಿಸಿ ಹಾಕುವ ಪ್ರಯತ್ನವನ್ನು ಎಲ್ಲ ರಾಜಕೀಯ ಪಕ್ಷಗಳು ಮಾಡುತ್ತಿವೆ.
ಈ ಎಲ್ಲದರ ಮಧ್ಯೆ ನಿದ್ರೆಗೆ ಜಾರಿರುವ ಕನ್ನಡಿಗ ಯಾವಾಗ ಎಚ್ಚೆತ್ತು ಕಾರ್ಯ ರೂಪಕ್ಕೆ ಬರುತ್ತಾನೋ ಕಾದು ನೋಡಬೇಕಾಗಿದೆ.
ಮುಂದುವರೆಯುತ್ತದೆ………
Nice