ಚಿಕ್ಕ ವಯಸ್ಸಿನಲ್ಲಿಯೇ ಮಗುವಿಗೆ ಕಿವಿಯನ್ನು ಚುಚ್ಚುವುದು ಭಾರತದಲ್ಲಿ ಕಂಡುಬರುವ ಪದ್ಧತಿ ಆಗಿದೆ. ಮಗು ಹುಟ್ಟಿದ ಮೂರು ತಿಂಗಳಿಂದ ಒಂದು ವರ್ಷದವರೆಗೆ ಅಥವಾ ಮೂರು ವರ್ಷದಿಂದ ಐದು ವರ್ಷಗಳವರೆಗೆ ಕಿವಿ ಚುಚ್ಚುವ ಪದ್ಧತಿಯನ್ನು ಸಾಮಾನ್ಯವಾಗಿ ಎಲ್ಲರೂ ಆಚರಿಸುತ್ತಾರೆ.
ಮಕ್ಕಳಿಗೆ ಕಿವಿಯನ್ನು ಚುಚ್ಚುವುದು ಕೇವಲ ಸಂಪ್ರದಾಯವಷ್ಟೇ ಅಲ್ಲ, ಮಕ್ಕಳಿಗೆ ಕಿವಿ ಚುಚ್ಚಿಸೋ ಹಿಂದೆ ವೈಜ್ಞಾನಿಕ ಕಾರಣಾನೂ ಇದೆ. ಕಿವಿ ಚುಚ್ಚುವುದರಿಂದ ಮಕ್ಕಳ ದೇಹ ಮತ್ತು ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳಿವೆ.
ಸಾಮಾನ್ಯವಾಗಿ ಮಕ್ಕಳಿಗೆ ಯಾವಾಗ ಕಿವಿ ಚುಚ್ಚಿಸುತ್ತಾರೆ?
ಅನೇಕ ಮನೆಗಳಲ್ಲಿ ಮಗುವಿಗೆ ಒಂದು ವರ್ಷ ತುಂಬಿದ ತಕ್ಷಣ ಕಿವಿಯನ್ನು ಚುಚ್ಚಿಸುತ್ತಾರೆ. ಕೆಲವು ಮಕ್ಕಳಿಗೆ 5 ಅಥವಾ 7ನೇ ತಿಂಗಳಿನಲ್ಲಿ, ಮತ್ತೆ ಕೆಲವು ಮಕ್ಕಳಿಗೆ 10 ಅಥವಾ 11ನೇ ತಿಂಗಳಲ್ಲಿ ಹೆಚ್ಚಾಗಿ ಕಿವಿ ಚುಚ್ಚಿಸುತ್ತಾರೆ. ಕೆಲವು ಮನೆಗಳಲ್ಲಿ 17ನೇ ತಿಂಗಳಿಗೆ ಕಿವಿಯನ್ನು ಚುಚ್ಚಿಸುತ್ತಾರೆ.
ಮಗುವಿನ ಕಿವಿಯನ್ನು ಚುಚ್ಚುವಾಗ ಯಾವ ಲೋಹವನ್ನು ಬಳಸಹುದು:
ಮಕ್ಕಳ ಕಿವಿಗಳು ಸಾಮಾನ್ಯವಾಗಿ ತುಂಬಾ ಮೃದುವಾಗಿರುತ್ತವೆ. ಆದ್ದರಿಂದ, ಸಾಮಾನ್ಯವಾಗಿ ಬೆಳ್ಳಿ ಅಥವಾ ಚಿನ್ನದಿಂದ ಮಾಡಿದ ಸಣ್ಣ ಕಿವಿಯೊಲೆಗಳನ್ನು ಬಳಸಬೇಕು. ಈ ಲೋಹಗಳು ಚರ್ಮಕ್ಕೆ ಹಾನಿಗೊಳಿಸುದಿಲ್ಲ ಹಾಗಾಗಿ ಚಿನ್ನ ಮತ್ತು ಬೆಳ್ಳಿಯನ್ನು ಮಕ್ಕಳಿಗೆ ಕಿವಿ ಚುಚ್ಚಲು ಉಪಯೋಗಿಸಬಹುದು.
ಕಿವಿ ಚುಚ್ಚುವಿಕೆಯ ಪ್ರಯೋಜನಗಳು:
ಶ್ರವಣಶಕ್ತಿಯನ್ನು ಸುಧಾರಿಸುತ್ತದೆ : ಕಿವಿ ಚುಚ್ಚಿಸಿ ಕಿವಿಯೊಲೆ ಹಾಕಿಸಿದಾಗ, ಶ್ರವಣೇಂದ್ರಿಯ ನರಗಳು ಉತ್ತೇಜಿಸಲ್ಪಡುತ್ತವೆ.
ಮೆದುಳಿನ ಕಾರ್ಯವು ಉತ್ತೇಜಿಸಲ್ಪಟ್ಟಿದೆ: ಬಲ ಮತ್ತು ಎಡ ಮೆದುಳಿನೊಂದಿಗೆ ನೇರವಾಗಿ ಸಂಪರ್ಕಿಸುವ ಕಿವಿ ಹಾಲೆಗಳಲ್ಲಿ ವಿಶೇಷ ಬಿಂದುವಿದೆ. ಆ ಹಂತದಲ್ಲಿ ಕಿವಿ ಚುಚ್ಚಿದಾಗ ಮೆದುಳಿನ ಎರಡೂ ಬದಿಗಳು ಕ್ರಿಯಾಶೀಲವಾಗುತ್ತವೆ. ಇದು ಮೆದುಳಿನ ಕಾರ್ಯಕ್ಷಮತೆಯನ್ನು ಉತ್ತೇಜಿಸುತ್ತದೆ ಮತ್ತು ಸುಧಾರಿಸುತ್ತದೆ.
ಶ್ವಾಸಕೋಶ ಮತ್ತು ಉಸಿರಾಟದ ಆರೋಗ್ಯ ಸುಧಾರಿಸುತ್ತದೆ: ಕಿವಿಗಳ ಮೇಲಿನ ಆಕ್ಯುಪ್ರೆಶರ್ ಪಾಯಿಂಟ್ಗಳು ಶ್ವಾಸಕೋಶ ಮತ್ತು ಉಸಿರಾಟದ ಆರೋಗ್ಯವನ್ನು ಸುಧಾರಿಸುತ್ತದೆ. ಅಸ್ತಮಾ, ಉಸಿರಾಟದ ತೊಂದರೆಗಳು ಇತ್ಯಾದಿಗಳನ್ನು ಕಿವಿ ಚುಚ್ಚುವುದರಿಂದ ತಡೆಯಬಹುದು.
ದೃಷ್ಟಿಗೆ ಒಳ್ಳೆಯದು : ಕಿವಿಯೊಲೆಯ ಮಧ್ಯ ಭಾಗ, ಕಣ್ಣುಗಳಿಗೆ ಸಂಬಂಧಿಸಿದೆ. ಕಾಲಕಾಲಕ್ಕೆ ಆ ಪ್ರದೇಶಕ್ಕೆ ಮೃದುವಾಗಿ ಮಸಾಜ್ ಮಾಡುವುದರಿಂದ ದೃಷ್ಟಿ ಸುಧಾರಿಸುತ್ತದೆ. ಇದರಿಂದ ದೃಷ್ಟಿ ಬೀಳುವುದನ್ನು ಕೂಡ ತಪ್ಪಿಸಬಹುದು.
ಕಿವಿ ಚುಚ್ಚುವಿಕೆಯಿಂದ ಮಾನಸಿಕ ಆರೋಗ್ಯದ ಜೊತೆಗೆ ಹೃದಯ ಬಡಿತ, ಉದ್ವೇಗ ಇತ್ಯಾದಿಗಳನ್ನು ಸುಧಾರಣೆ ಆಗುತ್ತದೆ. ಆಯುರ್ವೇದ ವೈದ್ಯಶಾಸ್ತ್ರದ ಪ್ರಕಾರ ಕಿವಿ ಚುಚ್ಚುವುದು ಅಗತ್ಯ ಮಾತ್ರವಲ್ಲ, ಕಿವಿಯೋಲೆಗಳನ್ನು ಧರಿಸುವುದು ಸಹ ಅಗತ್ಯವಾಗಿದೆ, ಇದರಿಂದ ದೇಹಕ್ಕೆ ಶಕ್ತಿ ಹೆಚ್ಚಾಗುತ್ತದೆ. ಮಕ್ಕಳ ಆಂತರಿಕ ತೆರೆಯುವಿಕೆ ಮತ್ತು ಶ್ರವಣ ಸಾಮರ್ಥ್ಯವು ಸುಧಾರಿಸುತ್ತದೆ. ಹಾಗಾಗಿ ಪ್ರತಿಯೊಬ್ಬರೂ ಚಿಕ್ಕಮಗುವಿರುವಾಗ ಕಿವಿಯನ್ನು ಚುಚ್ಚಿಸುವುದು ಉತ್ತಮ.