ನಾವು ಏನೋ ಕೆಲಸ ಮಾಡುತ್ತಿರುವಾಗ ಒಮ್ಮೊಮ್ಮೆ ನಮಗೆ ಅರಿವಿಲ್ಲದೆ ನಮ್ಮ ಕಾಲು ಸ್ಲಿಪ್ ಆಗುತ್ತದೆ. ಆಗ ನೋವಾಗಲು ಪ್ರಾರಂಭವಾಗುತ್ತದೆ. ಆದರೆ ಈ ನೋವು ಕಡಿಮೆಯಾಗದೆ ಎಷ್ಟು ದಿನಗಳಾದರೂ ಹಾಗೆ ಉಳಿಯುತ್ತದೆ ಜೊತೆಗೆ ಕಾಲು ಊತ ಬರುತ್ತದೆ. ಆ ಸಂದರ್ಭದಲ್ಲಿ ನಮಗೆ ಗೊತ್ತಾಗುತ್ತದೆ, ನಮ್ಮ ಕಾಲು ಉಳುಕಿದೆ ಎಂದು ಅಲ್ಲವೇ?
ಕಾಲಿನ ಉಳುಕು ದೊಡ್ಡ ಸಮಸ್ಯೆಯೇ ಅಲ್ಲ. ಹಾಗಾಗಿ ಅದಕ್ಕೆ ಹೆದರಿಕೊಳ್ಳುವ ಅವಶ್ಯಕತೆ ಇಲ್ಲ. ಇಲ್ಲಿ ಸುಲಭವಾಗಿ ಕಾಲು ಅಥವಾ ಪಾದದ ಉಳುಕು ತೆಗೆಯುವ ವಿಚಾರಗಳನ್ನು ಹಂಚಿಕೊಳ್ಳಲಾಗಿದೆ.
ಇಂತಹ ಸಂದರ್ಭ ನಮ್ಮಲ್ಲಿ ಬಹಳಷ್ಟು ಜನರಿಗೆ ಯಾವುದಾದರೂ ಒಂದು ಸಂದರ್ಭದಲ್ಲಿ ಎದುರಾಗುತ್ತಿರುತ್ತದೆ. ಕಾಲು ಉಳುಕಿದ ನಂತರದಲ್ಲಿ ನಾವು ನಡೆಯಲು ಕೂಡ ಆಗುವುದಿಲ್ಲ. ಅಷ್ಟರ ಮಟ್ಟಿಗೆ ನಮ್ಮ ಪಾದ ಊದಿ ಕೊಂಡಿರುತ್ತದೆ. ಈ ಸಂದರ್ಭದಲ್ಲಿ ಉಳುಕು ತೆಗೆಯುವ ನಾಟಿ ವೈದ್ಯರನ್ನು ಹುಡುಕುತ್ತೇವೆ. ಆದರೆ ಮನೆಯಲ್ಲೇ ಸುಲಭ ವಾಗಿ ಕೆಲವೊಂದು ಟೆಕ್ನಿಕ್ ಗಳನ್ನು ಅನುಸರಿಸುವುದರಿಂದ ಕಾಲು ಉಳುಕಿರುವುದು ನಾವೆ ಸರಿಮಾಡಿ ಕೊಳ್ಳಬಹುದಾಗಿದೆ. ಹಾಗಾದರೆ ಏನು ಮಾಡಬೇಕೆಂದು ತಿಳಿದುಕೊಳ್ಳೋಣ.
ಯಾವುದೇ ಸಂದರ್ಭದಲ್ಲಿ ನಿಮ್ಮ ಪಾದ ಉಳುಕಿದ್ದರೆ, ಕಾಲುಗಳ ಮೇಲೆ ಹೆಚ್ಚು ಭಾರ ಹಾಕಲು ಹೋಗಬಾರದು. ಸಾಧ್ಯವಾದಷ್ಟು ನಿಮ್ಮ ಕಾಲಿಗೆ ಮೊದಲು ರೆಸ್ಟ್ ಕೊಡಬೇಕು. ಇದರಿಂದ ಕಾಲಿಗೆ ಮತ್ತಷ್ಟು ತೊಂದರೆ ಆಗುವುದು ತಪ್ಪುತ್ತದೆ ಮತ್ತು ಬಹಳ ಬೇಗನೆ ವಾಸಿಯಾಗಲು ಸಹಾಯವಾಗುತ್ತದೆ.
ನಿಮಗೆ ಕಾಲಿನ ಅಥವಾ ಪಾದದ ಭಾಗ ನೋವಾಗಿದ್ದು, ಊತ ಬಂದಿದ್ದರೆ ಅದನ್ನು ಮೊದಲು ಕಡಿಮೆ ಮಾಡಿಕೊಳ್ಳುಲು ನೋವಾಗಿರುವ ಕಾಲಿನ ಮೇಲೆ ಐಸ್ ಪ್ಯಾಕ್ ಅನ್ವಯಿಸಬೇಕು.
15 ರಿಂದ 20 ನಿಮಿಷಗಳ ಕಾಲ ಪ್ರತಿ ಎರಡರಿಂದ ಮೂರು ಗಂಟೆಗಳಿಗೊಮ್ಮೆ ಹೀಗೆ ಮಾಡುತ್ತಾ, ಕೋಲ್ಡ್ ಥೆರಪಿ ಮಾಡುವುದರಿಂದ ರಕ್ತನಾಳಗಳು ಚಿಕ್ಕದಾಗುತ್ತವೆ ಮತ್ತು ಊತ ಕಡಿಮೆಯಾಗುತ್ತದೆ.
ಈ ಸಂದರ್ಭದಲ್ಲಿ ನೋವು ಕೂಡ ಸಾಕಷ್ಟು ಕಡಿಮೆ ಆಗುತ್ತದೆ. ನೋವಿನ ನಿರ್ವಹಣೆ ಮತ್ತು ಪಾದದ ಊತವನ್ನು ಇದು ಅತ್ಯಂತ ಪರಿಣಾಮಕಾರಿಯಾಗಿ ನಿವಾರಣೆ ಮಾಡುತ್ತದೆ. ಈ ಟೆಕ್ನಿಕ್ ನಿಂದ ಅತ್ಯಂತ ಪರಿಣಾಮಕಾರಿಯಾಗಿ ಉಳುಕಿದ ಪಾದವನ್ನು ಸರಿಪಡಿಸಬಹುದಾಗಿದೆ.
ನೋವು ಮತ್ತು ಊತ ಇರುವ ಭಾಗವನ್ನು ಒಂದು ಎಲಾಸ್ಟಿಕ್ ಬ್ಯಾಂಡೇಜ್ ನಿಂದ ಸುತ್ತಬೇಕು.
ಹೆಬ್ಬೆರಳಿನಿಂದ ಶುರು ಮಾಡಿ ಮೇಲಿನವರೆಗೂ ಸುತ್ತಿಕೊಂಡು ಬರಬೇಕು. ಈ ರೀತಿ ಕಂಪ್ರೆಶನ್ ಮಾಡು ವುದರಿಂದ ಕೂಡ ಕಾಲು ಹಾಗೂ ಪಾದದ ಭಾಗದಲ್ಲಿ ಊತ ಕಡಿಮೆಯಾಗುತ್ತದೆ ಮತ್ತು ನೀರು ಶೇಖರಣೆ ಆಗುವುದು ತಪ್ಪುತ್ತದೆ.
ಈ ರೀತಿ ಕಾಲು ನೋವಾದಾಗ ನಿಮ್ಮ ಹೃದಯದ ಮಟ್ಟಕ್ಕಿಂತ ಕಾಲನ್ನು ಮೇಲೆತ್ತಿ ಇಟ್ಟರೆ ಊತ ಮತ್ತು ನೋವು ಕ್ರಮೇಣವಾಗಿ ಕಡಿಮೆ ಯಾಗುತ್ತದೆ. ಇದಕ್ಕಾಗಿ ನೀವು ದಿಂಬುಗಳ ಸಹಾಯವನ್ನು ತೆಗೆದುಕೊಳ್ಳಬಹುದು. ಊದಿಕೊಂಡ ಭಾಗದಿಂದ ಹೆಚ್ಚುವರಿ ನೀರು ಹಿಂದಕ್ಕೆ ಬರಲು ಅನುಕೂಲವಾಗುತ್ತದೆ ಮತ್ತು ನಿಧಾನವಾಗಿ ಊತ ಮತ್ತು ನೋವು ಇಳಿಕೆಯಾಗುತ್ತದೆ. 2 ರಿಂದ 3 ಗಂಟೆ ಕಳೆದ ನಂತರದಲ್ಲಿ 15 ರಿಂದ 20 ನಿಮಿಷಗಳ ಕಾಲ ಇಡೀ ದಿನ ಈ ರೀತಿ ಮಾಡುತ್ತಾ ಬನ್ನಿ. ಬಹಳ ಪರಿಣಾಮಕಾರಿಯಾಗಿ ನೋವು ಕಡಿಮೆಯಾಗುತ್ತದೆ.
ನಿಮ್ಮ ಊದಿಕೊಂಡ ಪಾದ ಕ್ರಮೇಣವಾಗಿ ನೋವು ಕಡಿಮೆಯಾದ ಸಂದರ್ಭದಲ್ಲಿ ಕೆಲವೊಂದು ಸುಲಭವಾದ ವ್ಯಾಯಾಮಗಳನ್ನು ಅಂದರೆ ಪಾದಗಳಿಗೆ ಸಂಬಂಧ ಪಟ್ಟಂತೆ ಅತ್ತಿತ್ತ ಆಡಿಸುವ ವ್ಯಾಯಾಮ ಮಾಡುವುದರಿಂದ ಕಾಲು ಬೇಗ ನೋವಿನಿಂದ ಉಪಶಯನ ಪಡೆಯುತ್ತದೆ.
ಹೀಗೆಲ್ಲ ಮಾಡಿದಾಗಲೂ ಕೂಡ ನಿಮ್ಮ ಕಾಲು ನೋವು ಕಡಿಮೆಯಾಗದಿದ್ದರೆ ಊತ ಜಾಸ್ತಿಯಾಗಿದ್ದರೆ ನೀವು ತಜ್ಞವೈದ್ಯರನ್ನು ಭೇಟಿ ಮಾಡಿ ಅವರ ಮಾರ್ಗದರ್ಶನ ಪಡೆಯುವುದು ಉತ್ತಮ.