ದೇಶದ ಪ್ರಮುಖ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ತಯಾರಕ ಕಂಪನಿ ಯಲ್ಲಿ ನಾಯಿಗೆ ಕೆಲಸ ನೀಡಿದೆ. ಹೌದ ಎಂದು ಹುಬ್ಬೇರಿಸ ಬೇಡಿ. ಇದರ ಕುರಿತು ಟ್ವಿಟ್ಟರ್ನಲ್ಲಿ ನಾಯಿಯ ಫೋಟೊ ಜೊತೆಗೆ ಐಡಿ ಕಾರ್ಡ್ ಅನ್ನು ಸಹ ಹಂಚಿಕೊಳ್ಳಲಾಗಿದೆ. ಈ ಕಂಪನಿ ಮತ್ಯಾವುದೂ ಅಲ್ಲ ಓಲಾ ಎಲೆಕ್ಟ್ರಿಕ್, ಈ ಫೋಟೋಗಳನ್ನು ಕಂಪನಿಯ ಸಿಇಒ ಆಗಿರುವಂತಹ ಭವಿಷ್ ಅಗರ್ವಾಲ್ ಅವರು ಹಂಚಿಕೊಂಡಿದ್ದಾರೆ.
ಓಲಾ ಎಲೆಕ್ಟ್ರಿಕ್ನ ಹೊಸ ಉದ್ಯೋಗಿ ‘ಬಿಜ್ಲೀ’ ಎಂಬ ನಾಯಿ ಎಂದು ಸಿಇಒ ಭವಿಶ್ ಅಗರ್ವಾಲ್ ಕಳೆದ ಭಾನುವಾರ ಘೋಷಿಸಿದ್ದಾರೆ. ಟ್ವಿಟ್ಟರ್ ಮೂಲಕ ಅಗರ್ವಾಲ್ ನಾಯಿಯನ್ನು ಪರಿಚಯಿಸಿದ್ದು, ಅದರ ಹೆಸರನ್ನು ಅನುವಾದಿಸಿದರೆ ಎಲೆಕ್ಟ್ರಿಸಿಟಿ (ಬಿಜಿಲೀ) ಎಂಬ ಅರ್ಥ ಬರುತ್ತದೆ. ಹಂಚಿಕೊಂಡಿರುವ ID ಕಾರ್ಡ್ ಪ್ರಕಾರ, ನಾಯಿಯ ಎಂಪ್ಲಾಯ್ ಕೋಡ್ ‘440 V’ ಆಗಿದೆ.
ಇದು ಎಲೆಕ್ಟ್ರಿಕ್ ವ್ಯವಸ್ಥೆಗಳಲ್ಲಿನ ಪ್ರಮಾಣಿತ ವೋಲ್ಟೇಜ್ಗೆ (V) ಸ್ಪಷ್ಟವಾದ ಉಲ್ಲೇಖವಾಗಿದೆ. ಇನ್ನು ನಾಯಿಯ ಬ್ಲಡ್ ಗ್ರೂಪ್ ಅನ್ನು ಕೂಡ ID ಕಾರ್ಡ್ ನಲ್ಲಿ ಉಲ್ಲೇಖಿಸಿದ್ದು, ‘paw+ve’ ಎಂದು ನಮೂದಿಸಲಾಗಿದೆ. ಸಹೋದ್ಯೋಗಿಗಳು ಸ್ಲಾಕ್ ಮೂಲಕ ನಾಯಿಯನ್ನು ಸಂಪರ್ಕಿಸಬಹುದು, ಕೆಲವು ವೃತ್ತಿಪರ ಸಂಸ್ಥೆಗಳು ಆಂತರಿಕ ಸಂವಹನಕ್ಕಾಗಿ ಬಳಸುವ ತ್ವರಿತ ಸಂದೇಶ ಕಳುಹಿಸುವ ವೇದಿಕೆ ಇದಾಗಿದೆ.
ಬಿಜ್ಲೀಯನ್ನು ತುರ್ತಾಗಿ ಸಂಪರ್ಕಿಸಬೇಕಾದರೆ ಬಿಎ ಕಚೇರಿಯನ್ನು ಭೇಟಿ ನೀಡಬಹುದು ಎಂದು ಐಡಿಯಲ್ಲಿ ಉಲ್ಲೇಖಿಸಲಾಗಿದೆ. ಅಂದರೆ ಅದು ಭವಿಶ್ ಅಗರ್ವಾಲ್ ಅವರ ಕಚೇರಿಯಾಗಿದ್ದು, ಬಿಎ ಎಂದರೆ ಭವಿಷ್ ಅಗರ್ವಾಲ್ ಎಂಬ ಅರ್ಥ ನಿಡುತ್ತದೆ. ಇನ್ನು ಕಾರ್ಡ್ನಲ್ಲಿ ನಮೂದಿಸಲಾದ ವಿಳಾಸವು ಹೊಸೂರು ರಸ್ತೆಯಲ್ಲಿರುವ ಓಲಾ ಎಲೆಕ್ಟ್ರಿಕ್ ಕಚೇರಿಯಾಗಿದೆ. ಕೋರಮಂಗಲದಲ್ಲಿನ ಕಚೇರಿಯು ಬಿಜಿಲೀಯ ಕಾರ್ಯಸ್ಥಳವಾಗಿದೆ ಎಂದು ಐಡಿನಲ್ಲಿ ತಿಳಿಸಿದ್ದಾರೆ. ಈ ವಿವರಗಳೊಂದಿಗಿನ ಐಡಿಯನ್ನು ಬಿಜಿಲೀಗೆ ಓಲಾ ಸಿಇಓ ಒದಗಿಸಿದ್ದಾರೆ. ಅದೇನೋ ಸರಿ.. ಆದ್ರೆ ನಾಯಿಯ ಕೆಲಸವೇನು ಎಂಬುದು ಹಲವರಿಗೆ ಕಾಡುತ್ತಿರುವ ಪ್ರಶ್ನೆಯಾಗಿದೆ. ನಾಯಿಗೆ ಇಲ್ಲಿ ಕೆಲಸ ಏನು ಇಲ್ಲ, ಬದಲಿಗೆ ಅವರ ಕಚೇರಿ ಸುತ್ತ ಓಡಾಡುವುದು ಅದರ ಕೆಲಸ ಎಂಬುದು ನಮ್ಮ ಅಭಿಪ್ರಾಯ. ಸಿಇಒ ಅಗರ್ವಾಲ್ ಅವರಿಗೆ ನಾಯಿಗಳಂದ್ರೆ ಇಷ್ಟ, ಅವರು ತಮ್ಮ ಕೆಲಸದ ಸ್ಥಳದಲ್ಲಿ ನಾಯಿಗಳ ಕುರಿತು ಪೋಸ್ಟ್ಗಳನ್ನು ಹಂಚಿಕೊಂಡಿರುವುದು ಇದೇ ಮೊದಲಲ್ಲ. ಈ ಹಿಂದೆಯೂ ನಾಯಿಗಳ ಪೋಟೋಗಳನ್ನು ಹಂಚಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದರು. ಇದೇ ವರ್ಷದ ಫೆಬ್ರವರಿಯಲ್ಲಿ, ಓಲಾ ಕಚೇರಿಯೊಳಗಿನ ಸೋಫಾಗಳ ಮೇಲೆ ಮಲಗಿರುವ ಮೂರು ನಾಯಿಗಳ ಚಿತ್ರವನ್ನು “ಕಚೇರಿಯಲ್ಲಿ ಬೆಳಿಗ್ಗೆ” ಎಂಬ ಶೀರ್ಷಿಕೆಯೊಂದಿಗೆ ಅಗರ್ವಾಲ್ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದರು.
ಕೆಲ ವರ್ಷಗಳ ಹಿಂದೆ ಬ್ರೆಜಿಲ್ ನ ಹ್ಯುಂಡೈ ಶೋ ರೂಮ್ ಒಂದರಲ್ಲಿ ನಾಯಿಯೊಂದು ಉದ್ಯೋಗಿಯಾಗಿದ್ದೇ ಅಲ್ಲದೇ ವರ್ಷದ ಉದ್ಯೋಗಿ ಎಂಬ ಬಹುಮಾನವನ್ನೂ ಗಿಟ್ಟಿಸಿತ್ತು. ಹಾಗೆಯೇ, ಭಾರತದಲ್ಲೂ ಝೀರೋಧ ಸೇರಿದಂತೆ ಕೆಲವು ಕಂಪನಿಗಳು ನಾಯಿಗಳನ್ನು ನೇಮಕ ಮಾಡಿಕೊಂಡಿದ್ದು ಇದೆ. ಇದೀಗ ಬೆಂಗಳೂರಿನ ಒಲಾ ಎಲೆಕ್ಟ್ರಿಕ್ ಸಂಸ್ಥೆ ನಾಯಿಯೊಂದನ್ನು ಉದ್ಯೋಗಿಯಾಗಿ ನೇಮಕ ಮಾಡಿಕೊಂಡಿದೆ. ಒಲಾ ಸಿಇಒ ಭವೀಶ್ ಅಗರ್ವಾಲ್ ಅವರು ನಿನ್ನೆ ಸೋಷಿಯಲ್ ಮೀಡಿಯಾದಲ್ಲಿ ಹೊಸ ಶ್ವಾನ ಉದ್ಯೋಗಿಯ ಬಗ್ಗೆ ಮಾಹಿತಿ ನೀಡಿ ಟ್ವೀಟ್ ಮಾಡಿದ್ದಾರೆ.